हे़क्क्याङ् इङ्गाॽग खुने़ॽ से़वा चोःक्मा फाॽआङ् कुलाङ्ङो साम्बोन् फन्छिङ्ङाङ्, कर खे़ल्ले़ इङ्गाॽ अक्खे मे़त्ताङ्, “हे़क्के चोःक्मा मे़नुॽने़न्! इङ्गाॽग खे़ने़ॽ नु के़म्भुॽ के़न्साॽसि हे़क्तङ्बा निङ्वाॽफुमाङ्ङिल्ले़ कुसे़वारोबा नु ये़सुन् तोःन्दि के़बिबाआरक्लो॥ निङ्वाॽफुमाङ्ङिन्ने से़वा चोगे़ॽ!” थेआङ्भे़ल्ले़ ये़सुरे़ चोगुबा पाःत्तुबा से़क्खा पाःन्हाॽरे़ माङ्निङ्वाॽपान् के़बाःप्पाहाॽ हाङ्हाङ् मे़त्तुसिॽरो॥
सुफो 22:8 - लिम्बु8 इङ्गाॽ युहुन्नारे़ कन् पाःन्हाॽ निसुङ् खे़प्सुङ्लो॥ हे़क्क्याङ् कन् पाःन्हाॽ निसुङ् खे़प्सुङ्ङिल्ले़ कन् पाःन्हाॽ याप्मि ओसेःन्गे़धाक्पा माङ्लाइङ्बान् से़वा चोःक्मा फाॽआङ् इङ्गाॽ कुलाङ्जक्पो साम्बोन् हबत् फन्छिङ्ङाङ्लो॥ Gade chapit la |
सुफो 22:8
6 Referans Kwoze
कन् साप्पन्नो ये़सु ख्रिस्तरे़ ओसेःन्दाङ् चोगुबा पाःन्हाॽरे़ कुयाःम्बेओ पत्लो॥ खे़न् ओसेःन्दाङ्ङिन् निङ्वाॽफुमाङ्ङिल्ले़ आल्ल हाराए के़बोङ्बा पाःन्हाॽ निङ्वाॽफु से़वारोबाहाॽ ओसेःन्धाक्मासि फाॽआङ् ये़सु ख्रिस्ते़न् पिरुरो॥ कन् पाःन्हाॽ कुसे़वारोबा युहुन्नाःल्ले़ कुसिङ् निःत्तुर फाॽआङ् ये़सु ख्रिस्तरे़ कुमाङ्लाइङ्बान् पाङ्घुरो॥
इङ्गाॽ युहुन्नाःल्ले़ कन् सक्इङ्घङ्ङिन् एसिया ते़ङ्गप्पो के़ने़बा नुसि सेसेहुप्लक्हाॽ हाक्निङ्लो॥ आल्लो के़वाॽबा, उनाहुरिओआङ् वये़ हे़क्क्याङ् ताःन्दिआङ् के़दाबा निङ्वाॽफुमाङ्लाम् नु कुहाङ्युक्ना तगाङ्बा नुसि साम्हाॽलाम्, हे़क्क्याङ् नसान् चोःक्मा सुक्के़दे़प्पा पान् के़बाःप्पा, के़सिबाओलाम् याम्मो के़हिङ्बाहाॽओ थिक्सिगेक्पा नु इक्सादिङ् खाम्बेःक्मोबा हाङ्हाॽ सम्दाङ् हाङ् के़जोःक्पा ये़सु ख्रिस्तलाम् लुङ्गुम् नु सनारुङ् हाराॽ खिनिॽओ वाॽररो॥ खुने़ॽग आनिॽ लुङ्माॽ आदुक्ते़आङ् आनिॽ लायोलाम् कुमाक्खिॽइल्ले़ से़न्लप् आबिरे़आङ् वाॽरो॥
Piblisite