हे़क्क्याङ् इङ्गाॽ हाङ्युक्नाहाॽ निसुङ्सिङ्॥ खे़प्मो खासे़न् लोःम्मा युक् के़घोबाहाॽ मे़युङे़॥ हे़क्क्याङ् ये़सु ख्रिस्तरे़ ओसेःन्दाङ् चोगुबा से़क्खान् नु निङ्वाॽफु पाःन्जाक्किन् इङ्भन् मे़जोगुबाल्ले़ चोगुल्ले़ खुनिॽ थे़गेक्पा मे़घक्तु मे़से़रुसिबाहाॽरे़ खुनिॽ याम्साम्हाॽ निसुङ्सिङ्लो॥ खे़ङ्हाॽरे़ग खे़न् किप्मा के़घुबा थक्सान् नु कुनावाइत्लान् से़वा मे़न्जोगुन् हे़क्क्याङ् इबुगे़न् कुमिक्सेःन्निन्नाङ् खुनिॽ तोवाबो इग्र हुक्को मे़न्दाःक्तुन्नाङ् वये़रो॥ खे़ङ्हाॽग सिमे़न्लाम् याम्मो मे़हिङे़आङ् ख्रिस्ते़न्नु तङ्बे हे़न्छिङ् थारिक् हाङ् मे़जोगुरो॥
सुफो 22:5 - लिम्बु5 खे़प्मो याम्मो से़न्दिक् मे़बोङ्ने़न्, हे़क्क्याङ् थोॽमारे़ लागि सेमि नु नाम्साङ्ङाङ् चाहाबा मे़जोक्ने़न्लो, थेआङ्भे़ल्ले़ यहवे दाङ्बा निङ्वाॽफुमाङ्ङिन् आबाङे खुनिॽ ओःत्ति पोङ्॥ हे़क्क्याङ् खे़ङ्हाॽरे़ सदादिङ् हाङ्युक् मे़जोगुॽरो॥ Gade chapit la |
सुफो 22:5
22 Referans Kwoze
खे़ब्याङ् साङ्ग्राम्पेदाङ् सिगाङ्बा हाङ्जुम्हाॽओबा हाङ्युक्किन्, मुक्साम्मिन् नु पयम् यम्बा हाङ्वान् के़रे़क्नुःल्ले़ यम्बा निङ्वाॽफुमाङ्ङिल्ले़ कुमनाहाॽ मे़बिरुसिॽ॥ खुने़ॽ कुहाङ्जुम्मिन् नुप्मे़न्दिङ्बा हाङ्जुम् पोङ्ॽ, हे़क्क्याङ् के़रे़क् युक्साबाहाॽरे़ खुने़ॽ माङ्से़वा मे़मे़त्तुआङ् खुने़ॽ कुइङ्जाङ्ङिन् मे़इःत्तु मे़नाःत्तुॽ॥’
हे़क्क्याङ् नुसिगेक्पा माङ्लाइङ्बाल्ले़ कुधुत्थुरिःप्पे़न् मुःत्तुल्ले़ साङ्ग्राम्पेदाङ्ङो यम्बा इक्लाहाॽ अक्खेलॽरिक् त्ये़रो, “काक् इक्सादिङ् खाम्बेःक्मान् आनिॽ दाङ्बा नु निङ्वाॽफुमाङ्ङिल्ले़ सेःन्दुबा ख्रिस्ते़ल्ले़ कुहाङ्जुम् पोःक्खे़आङ् वाॽरो॥ हे़क्क्याङ् खुने़ॽ चक्मे़ल्लॽए सदादिङ् सदादिङ् हाङ् चोगुॽरो॥”
खे़ने़ॽओ याम्मो आप्फाल्ले़आङ् सेमि मे़ओःत्ने़न्लो, हे़क्क्याङ् सिसामेःत् नु नालिसाङ्ङिल्ले़ खुन्छिॽ इक्लाःन्नाङ् खे़ने़ॽओ याम्मो आप्फाल्ले़आङ् खे़म्मे़दे़त्ने़न्लो॥ खे़ने़ॽ के़ले़ङ्हङ्बाहाॽग इक्सादिङ् खाम्बेःक्मो मुक्साम्साबा नु के़इङ्बा के़धुम्बाहाॽ मे़वये़, हे़क्क्याङ् खे़ने़ॽ फे़न्साम् मुन्धुम्लाम् इक्सादिङ् खाम्बेःक्मोबा काक् मे़न्छाम् सुवाङ्हाॽ इङ्गे़ले़क्तुसिरो॥
खे़न्नुःल्ले़ वेॽ यहवे दाङ्बे़ल्ले़ आबाङे कुमनाहाॽरे़ खुन्छिॽ याङ्घेःक्हाॽ इभुत्तु पिरुसि, हे़क्क्याङ् खुने़ॽ खाःन्दुसिबा खे़ङ्हाॽरे़ खुन्छिॽ याङ्घेःक्हाॽ वेःत्ल याःन्दु खे़न् ये़न्नो लाबे़न् नाम् कुसिङ् ओःत् हे़क्क्याङ् नाम्मिन् वेॽ ये़न्नुःल्ले़ नुसिले़ङ् यारिक् साॽरिक् ओःत्लो॥
हे़क्केःल्ले़ ये़सुरे़ खे़ङ्हाॽ मे़त्तुसि, “इङ्गाॽ से़क्खाए मे़त्निङ्, इङ्गाॽ मे़न्छाम्सान् के़दाबा कुसङ् हाङ्जुम्मो मिमिदिङ्गे़न् हाङ्युक्नाओ युङ्ङारो॥ खे़न् ये़म्मो खिनिॽ इङ्गाॽ याप्मि के़दिम्बाहाॽआङ् थिक्-ने़त् (१२) हाङ्युक्नाओ के़युङिआङ् इस्राइलबा थिक्-ने़त् सुवाङ्हाॽ सम्दाङ् हाङ् के़जोगिॽरो॥
Piblisite