Biblia Todo Logo
Bib sou entènèt

- Piblisite -




सुफो 22:10 - लिम्‍बु

10 हे़क्‍क्‍याङ् खुने़ॽ इङ्‌गाॽ अक्‍खे मे़त्ताङ्‌लो, “कन् साप्‍पन्‍नोबा माङ्‌निङ्‌वाॽपान्‍हाॽ मे़माॽरे़न्‍ने़ॽओ, थेआङ्‌भे़ल्‍ले़ खे़न् काक् पाःन्‍हाॽ के़प्‍मा ये़म्‍मिन् निःत्ताङ्‌ङे वाॽरो॥

Gade chapit la Kopi




सुफो 22:10
21 Referans Kwoze  

“खे़ने़ॽओ ओसेःन्‍धाङ् के़बोङ्‌बा तानाम् नु युःन्‍छिक्‍पा सिदुङ्‌जभाःल्‍ले़ कुयाःम्‍बेओबा सुफोन् से़क्‍खाबा चोक्, कर खे़न् सुफोन् स्‍वाःत् कत्ते़ॽ, थेआङ्‌भे़ल्‍ले़ कन् यरिक् एगाङ् ताःन्‍दि के़त्॥”


कप्‍मो के़बप्‍पा माङ्‌निङ्‌वाॽपान् के़निःप्‍पे़न् मुॽइसाबारो, हे़क्‍क्‍याङ् खे़न् के़घे़म्‍बाहाॽ नु खे़प्‍मो के़बप्‍पा पाःन्‍हाॽ के़इःप्‍पा के़नाःप्‍पाहाॽग मुॽइसाबासिरो, थेआङ्‌भे़ल्‍ले़ आल्‍ल कन् काक् पाःन्‍हाॽ पोङ्‌मा ये़म् निःत्ताङ्‌ङे वाॽरो॥


काक् पाःन्‍हाॽरे़ कुनुप्‍मान् निःत्ताङ्‌ङे त्‍ये़आङ् वाॽरो॥ खे़ल्‍ले़चोगुल्‍ले़ खिनिॽ तुवा चोःक्‍मा के़सुक्‍तिर फाॽआङ् सेसे निङ्‌वाॽ नु चाङ्‌जाङ्‌ङाङ् वये़म्‍मे़ॽओ॥


हे़क्‍क्‍याङ् इङ्‌गाॽ खे़न् ताङ्‌साक्‍पा के़लोङ्‌बाल्‍ले़ कुबाःन्‍निन् साप्‍माए इःत्तुङ्‌ङाङ् पत्‍छाङ्, कर साङ्‌ग्राम्‍पेदाङ्‌लाम् खे़न् नुसि खे़रे़ङ्‌घुरुङ् के़लॽबाल्‍ले़ कुबाःन्‍निन् मे़साप्‍ते़न्‍ने़ॽ, कर खे़ङ्‌हाॽ माॽरे़आङ् कत्ते़ॽओ के़लॽबा इक्‍लाधिक् खे़प्‍सुङ्॥


इङ्‌गाॽ आल्‍लो खागे़माक्‍पाओ मे़त्‍निङ्‌बा पाःन्‍निन् खागे़ओःप्‍पाओ मे़त्ते़म्‍सिम्‍मे़ॽ, खिनिॽ स्‍वाःत्ताङ् मे़त्‍निङ्‌बा पाःन्‍निन् के़रे़क् मनाहाॽरे़ मे़घे़प्‍सुर फाॽआङ् हिम् सम्‍दाङ्‌लाम् यम्‍बा इक्‍लाओ इङ्‌भन्‌ चोगे़म्‍मे़ॽओ॥


खुने़ॽ आङ्‌गाॽ मे़त्ताङ्, “दानिए़लए, खे़ने़ॽ आप्‍फेक् के़लाम् नाःत्ते़ॽआङ् थासिङ्‌ङे़ॽ, थेआङ्‌भे़ल्‍ले़ कन् पाःन्‍हाॽ कुनुप्‍मा ये़म् थारिक् मे़सुबुआङ् एःप्‍साप् मे़युक्‍तुआङ् ने़रो॥


कर खे़ने़ॽग दानिए़लए, कन् सिहोॽबा साप्‍लाथःङ्‌मोबा पाःन्‍जाःक्‍हाॽ कुनुप्‍मा ये़म्‍मो थारिक् एःप्‍साप् एःप्‍ते़ ने़स्‍से़ॽ॥ सिक्‍कुम् निङ्‌वाॽ फोमारे़ लागि यरिक् मनाहाॽ ना नु कत्‍ना मे़लोःक्‍लो॥”


खे़ने़ॽ मनाहाॽ मे़त्ते़से़ॽ, ‘मुक्‍साम्‍दाङ्‌बा यहवे दाङ्‌बे़ल्‍ले़ अक्‍खे पाःत्तुॽ—आङ्‌गाॽ कन् ताॽदि खे़दाःन् नुप्‍सुङ्‌ॽ, हे़क्‍क्‍याङ् खिनिॽ कन् आल्‍लआङ्‌धो पाःप्‍मा के़नाॽरुम्‌ॽ॥’ आल्‍ल तगिबाल्‍ले़ कुले़क्‌वा खे़ने़ॽ कुसङ् ताॽदि थिक् खे़ङ्‌हाॽ मे़त्ते़से़ॽ—‘के़रे़क् सुफोहाॽ के़प्‍मारे़ लागि ये़म्‍मिन् त्‍ये़आङ् वाॽ!’


से़न्‍दिक्‍किन् ले़क्‍ल पत्‍लो, हे़क्‍क्‍याङ् खाओःप्‍मान् निःत्ताङ् तार पत्‍लो॥ खे़ल्‍ले़चोगुल्‍ले़ मनाहाॽरे़ खादाम्‍मो मे़जोगुबा ताप्‍फे़ःम्‍बा याःम्‍बक्‍हाॽ ले़रुम् हे़क्‍क्‍याङ् ओःत्तिःल्‍ले़न् थक्‍सुबाहाॽ यारिप् मे़बोङ्‌बा हे़क्‍के यारिप् पोःक्‍खिआङ् नुबा याःम्‍बक् चोगुम्‍लो॥


इङ्‌गाॽ ये़सुरे़ सेसेहुप्‍लक्‍हाॽरे़ लागि कन् पाःन्‍हाॽ मे़त्‍छे़ आमाङ्‌लाइङ्‌बान् खिनिॽओ पाङ्‌घुङ्‌ङाङ् वाॽआरो॥ इङ्‌गाॽग दाउद हाङ्‌ङिल्‍ले़ कुमुॽइदाङ्‌साआरो, हे़क्‍क्‍याङ् तान्‍छोःक्‍पाआरो॥”


हे़क्‍क्‍याङ् इङ्‌गाॽ हाङ्‌युक्‍नाओ के़युङ्‌बाल्‍ले़ कुजुप्‍साङ् हुक्‍को एगाङ् तगाङ् साप्‍ते़आङ् के़बप्‍पा साप्‍कित्तिन् कत्तुबा निसुङ्॥ खे़न् साप्‍कित्तिन् मे़सुबुआङ् नुसि एःप्‍साप्‍हाॽ मे़युक्‍तुआङ् पत्‍छे़रो॥


कर अक्‍खेलॽरिक् आत्तिन्‍हाॽरे़आङ् इङ्‌ले़क् के़मे़म्‍मे़त्तिन्‍ल, थेआङ्‌भे़ल्‍ले़ खे़न् ये़म्‍मिन् मे़न्‍दाए वाॽरो॥ खे़न् ये़म्‍मिन् तामानुःल्‍ले़ तगिग कुनुप्‍माओ निङ्‌वाॽफुमाङ्‌ङिल्‍ले़ कुदक्‍ले़ङ्‌वाओ पयम् बिफ्‍युङ् पोङ्, हे़क्‍क्‍याङ् पयम् लायो के़जोःक्‍पा पाक्‍कुम्‍भिओ के़बेःक्‍पा मनान् थाःम्‍सिङ्‌लो॥


उःक्‍काङ् उःक् हाबाम्‍मे़ॽ, थेआङ्‌भे़ल्‍ले़ यहवे दाङ्‌बे़ल्‍ले़ कुमे़ङ्‌मा ये़न्‍निन् खा निःत्ताङ् तार पत्‍लो, मुक्‍साम्‍दाङ्‌बालाम् साॽरिक् किप्‍मा के़घुबा मे़क्‍मासिमे़न् तारो॥


आङ्‌गाॽ निङ्‌वाॽफुमाङ्‌ङिल्‍ले़ पिराङ्‌बा इङ्‌घङ्‌हाॽ खे़निॽ आहुॽसाम्‍बाहाॽरे़ के़जिक्‍खुम्‍माङ् के़से़ःप्‍तुम् के़गत्तुम्‍ल पोङ्‌लो॥


कन् पाःन्‍निन् साःक्‍खि के़बिबाल्‍ले़ पाःत्तुॽ, “से़क्‍खाए इङ्‌गाॽ हाराए युआरो॥” आमे़न्! दाङ्‌बा ये़सुए, ये़ॽओ!


कन् के़रे़क् पाःन्‍हाॽ चोगे़म्‍मे़ॽ, थेआङ्‌भे़ल्‍ले़ आल्‍लोबा ये़म्‍मिन् आक्‍तङ्‌बा चोक् फाॽआङ् के़निसुम्‍लो॥ आल्‍ल आनिॽ मिक् युःमोलाम् सोमाआङ् पोःक्‍मा ये़म् के़रे़आङ् वाॽ, थेआङ्‌भे़ल्‍ले़ तगि नसान् आजोगुम्‍बा ये़म्‍मिन्‍नुःल्‍ले़आङ् कुमनाहाॽ ताङ्‌से़ःप्‍से़ दाङ्‌बाल्‍ले़ कुनुःङ्‌मा युमा ये़म्‍मिन् आल्‍लो निःत्ताङ् वाॽ॥


खे़न् इक्‍लाःल्‍ले़ इङ्‌गाॽ अक्‍खे मे़त्ताङ्, “खे़ने़ॽ के़निसुबा पाःन्‍हाॽ साप्‍ते़ॽआङ् एफिसस, इस्‍मर्ना, पर्गामम, थियातिरा, सार्दिस, फिलादेल्‍फिया नु लाओदिकिया ये़क्‌यक्‍हाॽओबा नुसि सेसेहुप्‍लक्‍हाॽ हाक्‍ते़से़ॽओ॥”


ये़सुरे़ पाःत्तुॽ, “ओमे़त्ते़ॽओ, इङ्‌गाॽ हाराए युआरो! हे़क्‍क्‍याङ् कन् साप्‍पन्‍नो के़बप्‍पा माङ्‌निङ्‌वाॽपान् के़इःप्‍पा के़नाःप्‍पाहाॽग मुॽइसाबासिरो॥”


कर खे़ल्‍ले़ इङ्‌गाॽ अक्‍खे मे़त्ताङ्‌लो, “इङ्‌गाॽ से़वा मे़जोगाङ्‌ङिन्‍ने़ॽ! इङ्‌गाॽग खे़ने़ॽ कुइसिक् हे़क्‍क्‍याङ् माङ्‌निङ्‌वाॽपान् के़बाःप्‍पा के़म्‍भुॽ के़न्‍साॽसि नु कन् साप्‍पन्‍नो के़बप्‍पा पाःन्‍हाॽ के़इःप्‍पा के़नाःप्‍पाहाॽ हे़क्‍तङ्‌बा निङ्‌वाॽफुमाङ्‌ङिल्‍ले़ कुसेवारोबाआरो॥ निङ्‌वाॽफुमाङ्‌ङिन्‍लक् से़वा चोगे़ॽओ!”


कन् साप्‍पन्‍नोबा माङ्‌निङ्‌वाॽपान् के़घे़म्‍बा काक् मे़न्‍छाम् याप्‍मिहाॽ इङ्‌गाॽ साम्‍दिङ् पिरुङ्‌सिङ्‌लो—हाःत्‍ले़ कन् साप्‍पन्‍नो थेइ योॽरु, निङ्‌वाॽफुमाङ्‌ङिल्‍ले़आङ् कन् साप्‍पन्‍नो चे़ङ्‌मनाबा मिन्‍देॽहाॽ खे़न् के़योॽबाल्‍ले़ कुसम्‍दाङ् योॽरुरो॥


Swiv nou:

Piblisite


Piblisite