मुक्साम्दाङ्बा यहवे दाङ्बा निङ्वाॽफुमाङ्ङिल्ले़ सदादिङ्ले़ लागि सिमे़न् थङ्ङो हारिदासुआङ् वाॽरो॥ खुने़ॽ के़रे़क्ले़ खुन्छिॽ मिक्कोलाम् मिक्वान् तुगु पिरुसिरो, खे़ब्याङ् काक् इक्सादिङ् खाम्बेःक्को कुमनाहाॽ कुनामे़न्छाॽ मे़मे़त्तुसिबान् खुने़ॽ खे़त्तुदेसु पिरुसिरो, कन् पाःन्निन् यहवे दाङ्बे़ल्ले़ आबाङे पाःत्तुआङ् वाॽरो॥
सुफो 21:4 - लिम्बु4 खुने़ॽ के़रे़क्ले़ खुनिॽ मिक्कोलाम् मिक्वान् तुगु पिरुसिॽ॥ आत्तिन्नाङ् याम्मो मे़न्छिने़न्, मे़रिङ् मे़न्धक्ने़न्, मे़न्हाःप्ने़न्, मे़न्दुक्ने़न् मे़न्यॽने़न्, थेआङ्भे़ल्ले़ तगिबा पाःन्हाॽग ले़क्ते़बेरो॥” Gade chapit la |
सुफो 21:4
26 Referans Kwoze
हे़क्क्याङ् यहवे दाङ्बे़ल्ले़ कुमे़ल्लुङ् हुङुआङ् थे़ॽरुसिबाहाॽ मे़नुःङ् मे़भे़न्लो॥ खे़ङ्हाॽ साम्मे़लोर यरुसले़म ये़क्यक्को मे़लाःत्लो, सदादिङ् के़वाॽबा सःप्मान् खे़ङ्हाॽरे़ खुन्छिॽ तिच पोङ्लो॥ खे़ङ्हाॽ आभे़ल्ले़साङ् मे़सःत् मे़येःत्लो, हे़क्क्याङ् निङ्वाॽ तुक्मा मे़रिङ् थक्मा मे़बोङ्ने़ल्लो॥”
यहवे दाङ्बे़ल्ले़ कुमे़ल्लुङ् हुङुआङ् थे़ॽरुसिबाहाॽ मे़नुःङ् मे़दारो, खे़ङ्हाॽ सियोन ये़क्यक्को साम्मे़लोर मे़लाःत्लो, खम्ब्याङ् सदादिङ् सःप्मान् खे़ङ्हाॽरे़ खुन्छिॽ थे़गेःक्कोबा तिच हे़क्के पोङ्लो॥ खे़ङ्हाॽरे़ सःप्मा नु निङ्वाॽ तामान् मे़घोसुरो, खे़ब्याङ् हाःप्मा नु मे़रिङ्धक्मा मे़बोङ्ने़ल्लो॥
हे़क्क्याङ् मे़न्छ्याहाॽ मे़सःत्ताङ् मे़लाःङ्लो, थाङ्बे़न् नु तुम्भाक्साहाॽरे़ खुन्छिॽ निङ्वाॽ तारो॥ खे़ङ्हाॽरे़ खुन्छिॽ मे़रिङ्ङिन् हाङ्हाङ् लॽमो ले़क्खुङ् पिरुङ्सिङ्लो॥ आङ्गाॽ खे़ङ्हाॽ आःन्छिङ्मा पिरुङ्सिङ्लो खे़ब्याङ् खे़ङ्हाॽ खुन्छिॽ निङ्वाॽ तुक्खे चामारे़ कुले़क्वाओ आङ्गाॽ खे़ङ्हाॽ मे़सःत्ल याःन्दुङ्सिङ्लो॥
सियोन ये़क्यक्को मे़रिङ् के़धक्पाहाॽ खाप्पुःल्ले़ कुले़क्वा पघे़म् के़घे़म्बा तिच खुने़ॽ पिरुसिरो, मे़रिङ् थक्मारे़ कुले़क्वा सःप्मा एःप्मारे़ हाङ्वामुॽइ पिरुसिरो, निङ्साङ् के़होप्पाहाॽ नाराफोमा साम्लो पिरुसिरो, खुन्छिॽ साम्योनिमाओ खे़ङ्हाॽग यहवे दाङ्बे़ल्ले़ आबाङे कुमिमिदिङ्ले़ लागि लेःत्तुसिआङ् वये़बा यम्बा यहिबा सिङ्बुङ् कुइसिक् मे़बोङ्लो॥
कर दाङ्बान् नुःङ् युबा ये़न्निङ्ग से़न्दिक् के़घुःम्बान् खुःन्छे़ ताबा कुइसिक् हक्चघत् पोङ्लो॥ यम्बा इक्लाओ तरःङ्दिङ् ताङ्साक्पे़न् माबेःक्, हे़क्क्याङ् खे़प्मो के़बप्पाहाॽ काक् मिदिक्काङ् योःम्बेःक्, हे़क्क्याङ् इक्सादिङ् खाम्बेक् नु खे़प्मो के़वाॽबा काक् पाःन्हाॽआङ् मिःल्ले़ खाप्पुथ्यःङ् चोगुसिरो॥
खे़ङ्हाॽ मे़दाआङ् मे़सःत्ल सियोन कोःक्माओ से़वासाम्लोन् साम्मे़मे़त्तुरो यहवे दाङ्बे़ल्ले़ पिरुसिबा यरिक् पर्धाःम्मिल्ले़ खे़ङ्हाॽ मे़सःत्लो— कुजा, कुबोक् चे़ल्ले़क्सेॽ थि, चैतुन निःङ्गेॽ, मे़ल्लुक् नु पित्हाॽ मे़घोसुसिरो खे़ल्ले़चोगुल्ले़ खे़ङ्हाॽरे़ खुन्छिॽ निङ्वाॽ पदादारो॥ खे़ङ्हाॽ नुरिक्काङ् योरुर च्वाःत्तिल्ले़ वागे़रक्पा इक्ताप् हे़क्तङ्बा मे़बोङ्लो हे़क्क्याङ् खे़ङ्हाॽ आप्फाल्ले़आङ् कुहोःप्मा कुसाक्मो मे़न्धाने़न्लो॥
Piblisite