सुफो 21:3 - लिम्बु3 हे़क्क्याङ् इङ्गाॽ हाङ्युक्नाओलाम् यम्बा इक्लाधिक् त्ये़बा खे़प्सुङ्लो, “आल्ल निङ्वाॽफुमाङ्ङिल्ले़ कुवाॽमा ते़न्निङ्ग मे़न्छाम् याप्मिहाॽनु सोरिक् पोःक्खे़आङ् वाॽ, हे़क्क्याङ् खुने़ॽ खे़ङ्हाॽनु वाॽ॥ हे़क्क्याङ् खे़ङ्हाॽग कुसेसे याप्मि मे़बोङ्लो॥ निङ्वाॽफुमाङ्ङिन् आबाङे खे़ङ्हाॽनु वाॽआङ् खुने़ॽ खे़ङ्हाॽरे़ खुनिॽ निङ्वाॽफुमाङ् पोङ्लो॥ Gade chapit la |
सुफो 21:3
29 Referans Kwoze
निङ्वाॽफु माङ्हिम्मिन् नु नावाइत्लान् आक्खेलॽरिक् तङ्मा सुक्पे? थेआङ्भे़ल्ले़ आनिॽग आजुनि निङ्वाॽफुमाङ्ङिल्ले़ कुमाङ्हिम्सिरो॥ निङ्वाॽफुमाङ्ङिल्ले़ साम्योसाप्लाओ अक्खेलॽरिक् पाःत्तुआङ् पत्, “इङ्गाॽग खे़ङ्हाॽरे़ खुनिॽ लुम्मो वाॽआआङ् लाङ्घेःक्कारो॥ हे़क्क्याङ् इङ्गाॽ खुनिॽ निङ्वाॽफुमाङ् पोङ्ङा, हे़क्क्याङ् खे़ङ्हाॽ आमना मे़बोङ्लो॥”
“इस्राइलबा आमनाहाॽनु चोःक्मा इःत्तुङ्बा कुसङ् माङ्हुप्पिन् अक्तङ्बा पोङ्लो” यहवे दाङ्बे़ल्ले़ पाःत्तुरो “खे़ङ्हाॽरे़ खुन्छिॽ निङ्वाॽओ आसाम्योथिम् इङ्जाङ्ङिन् युक्खुङ् पिरुङ्सिङ्लो हे़क्क्याङ् खुन्छिॽ सिक्लुङ्मो साप्तुङ् पिरुङ्सिङ्लो॥ खे़ङ्हाॽरे़ खुन्छिॽ निङ्वाॽफुमाङ् पोङ्ङारो खे़ब्याङ् खे़ङ्हाॽ आमना मे़बोङ्लो॥
खे़ल्ले़ याःन्दिक् कुलक् थिक्हाॽ मिओ याक्तुङ्सिङ्लो, युप्पा साङ्मनाबा कुइसिक् खे़ङ्हाॽ योःन्दुङ्सिङ्लो, साम्म्याङ् योःम्मनाबा कुइसिक् साॽरुङ्सिङ्लो॥ खे़ङ्हाॽरे़ आङ्गाॽ आमिङ्ङो पेलि मे़भाक्कारो, खे़ब्याङ् आङ्गाॽ खे़ङ्हाॽ नुगप् पिरुङ्सिङ्लो॥ ‘खे़ङ्हाॽ आङ्गाॽ आमनासि’ फाॽआङ् मे़त्तुङ्सिङ्लो, हे़क्क्याङ् खे़ङ्हाॽरे़ अक्खे मे़बाःत्तुरो, ‘यहवे दाङ्बे़न् आनिगे निङ्वाॽफुमाङ्लो॥’”
निङ्वाॽफु पाःन्जाक्किन् नासिङ्गे़न् थक्लादिङ् पोःक्खे़आङ् इक्सादिङ् खाम्बेःक्मो आनिॽ लुम्मो वये़रो॥ खुने़ॽग लुङ्गुम् नु से़क्खाःल्ले़ कुधिम् चोगे़आङ् कुमिमिदिङ्ङिन् आनिसुम्माङ् आवाॽरो॥ खे़न् मिमिदिङ्ङिन् पानुदिङ् पाः निङ्वाॽफुमाङ्लाम् के़दाबा थिक्लक् कुस्साःल्ले़न् हे़क्तङ्बा चोगे़रो॥
हे़क्क्याङ् साङ्ग्राम्पेदाङ्ङो अक्तङ्बा यम्बा इक्लाधिक् खे़प्सुङ्, “आल्ल निङ्वाॽफुमाङ्ङिल्ले़ कुसे़न्लप्, कुमुक्साम्, कुहाङ्जुम् नु खुने़ॽ सेःन्दुबा ख्रिस्ते़ल्ले़ कुयुक्किन् त्ये़आङ् वाॽरो॥ थेआङ्भे़ल्ले़ निङ्वाॽफुमाङ्ङिल्ले़ कुदगि से़न्दिक् ले़न्दिक् आनिॽ नसानिबा फुॽनुसाॽ ने़ॽनुसाॽहाॽ आप्तिक् के़गुःप्पार के़ने़बान् यो इक्सादिङ् खाम्बेःक्मो लाप्मे़भुसु मे़धासुरो॥
खुने़ॽ आङ्गाॽ मे़त्ताङ्, “नासिगे़न् थक्ला के़गप्पा मे़न्छाम् याप्मिए, कङ्ग आङ्गाॽ आहाङ्युक्नादे़न् नु आङ्गाॽ आलाङ् तोॽभेःत् ते़न्लो॥ आङ्गाॽ कप्मो इस्राइलबा मनाहाॽरे़ खुन्छिॽ लुम्मो सदादिङ् आभे़ल्ले़साङ् वाॽआ॥ इस्राइलबा हिम्सयङ्हाॽ नु खे़ङ्हाॽरे़ खुन्छिॽ हाङ्हाॽरे़ खे़ङ्हाॽरे़ खुन्छिॽ याम्बोःप्मालाम् इग्र माङ्हिम् पेसाङ् खे़ङ्हाॽरे़ खुन्छिॽ हाङ्हाॽरे़ खुन्छिॽ चेहाॽ मे़न्लुप्तुसिन्ॽ हे़क्क्याङ् याम्मो आभे़ल्ले़आङ् आङ्गाॽ आसेसे मिङ्ङिन् आसुत्थो मे़न्जोगुन्ॽ॥
Piblisite