सुफो 21:23 - लिम्बु23 हे़क्क्याङ् खे़न् ये़क्यक्किन् के़धोॽबा नाम् नु लाबा थेआङ् चाहाबा मे़जोगे़न्लो, थेआङ्भे़ल्ले़ निङ्वाॽफुमाङ्ङिल्ले़ कुमिमिदिङ्ङिल्ले़ए खे़न् ये़क्यक्किन् थोॽरुरो॥ हे़क्क्याङ् खे़ल्ले़ कुसेमिःङ्ग मे़ल्लुक्साःन्नेरो॥ Gade chapit la |
सुफो 21:23
25 Referans Kwoze
निङ्वाॽफु पाःन्जाक्किन् नासिङ्गे़न् थक्लादिङ् पोःक्खे़आङ् इक्सादिङ् खाम्बेःक्मो आनिॽ लुम्मो वये़रो॥ खुने़ॽग लुङ्गुम् नु से़क्खाःल्ले़ कुधिम् चोगे़आङ् कुमिमिदिङ्ङिन् आनिसुम्माङ् आवाॽरो॥ खे़न् मिमिदिङ्ङिन् पानुदिङ् पाः निङ्वाॽफुमाङ्लाम् के़दाबा थिक्लक् कुस्साःल्ले़न् हे़क्तङ्बा चोगे़रो॥
“पानुदिङ् आम्बे, इङ्गाॽ के़बिराङ्बाहाॽ इङ्गाॽनुए सोरिक् मे़वाॽर के़लॽबा निङ्वाॽ चोगुङ्लो॥ हे़क्केलॽरिक् खे़ङ्हाॽरे़ इङ्गाॽ के़बिराङ्बा मिमिदिङ्ङिन् मे़निसुॽरो॥ खे़ने़ॽ इक्सादिङ् खाम्बेःक्माल्ले़ नावागे़न् चइःत् ने़मानुःल्ले़ तगिए इङ्गाॽ लुङ्माॽ के़दुक्ताङ्बाल्ले़ चोगुल्ले़ खे़न् मिमिदिङ्ङिन् के़बिराङ्लो॥
इक्सादिङ् खाम्बेःक्मान् किप्मा के़घुबा चोःक्मारे़ लागि यहवे दाङ्बान् पोःक्किल्ले़ खुने़ॽ कुगिप्माघुमो नु मिमिदिङ्गे़न् कुओःप्माल्ले़ चोगुल्ले़ मनाहाॽ मे़घे़त्छिङ्लो हे़क्क्याङ् सियाक्पे-थे़याक्पे़ओ के़ने़बा लुङ्फुक्कोहाॽओ नु खाम्बाङ्ङो के़ने़बा हङ्गारिङ्बा सिगाङ् मे़लाःत्लो॥
खे़न्नुःल्ले़ वेॽ यहवे दाङ्बे़ल्ले़ आबाङे कुमनाहाॽरे़ खुन्छिॽ याङ्घेःक्हाॽ इभुत्तु पिरुसि, हे़क्क्याङ् खुने़ॽ खाःन्दुसिबा खे़ङ्हाॽरे़ खुन्छिॽ याङ्घेःक्हाॽ वेःत्ल याःन्दु खे़न् ये़न्नो लाबे़न् नाम् कुसिङ् ओःत् हे़क्क्याङ् नाम्मिन् वेॽ ये़न्नुःल्ले़ नुसिले़ङ् यारिक् साॽरिक् ओःत्लो॥
हे़क्क्याङ् इङ्गाॽ हाङ्युक्नाःल्ले़ कुबेसाङ्, लिसि कुहिङ्वे़त् पाथुङ्साहाॽ नु तुम्लाम्लोबाहाॽरे़ खुनिॽ लुम्मो, मे़ल्लुक्साःन् ये़बे़बा निसुङ्॥ खे़न् सिदुङ्जभा चोःक्मनाबा कुइसिक् चोगे़रो॥ खे़ल्ले़ नुसि कुदाङ्हाॽ युङे़ हे़क्क्याङ् नुसि कुमिक्हाॽ मे़बत्छे़रो॥ खे़ङ्हाॽग निङ्वाॽफुमाङ्ङिल्ले़ इक्सादिङ् खाम्बेःक्मो काक् पिसाङ् पाङ्घुसिबा नुसि कुसेसेमाङ्सिरो॥
खे़ङ्हाॽग आप्फाल्ले़आङ् मे़न्छुमाॽनु मे़म्बोःत्ते मे़वये़ हे़क्क्याङ् आबाङे सेसे मे़गत्छिङ्ङाङ् मे़वये़रो॥ खे़ङ्हाॽग मे़ल्लुक्सान् आत्तान् पेःक्साङ् कुएगाङ् कुएगाङ् के़दिम्बासिरो॥ खे़ङ्हाॽग काक्नु तगि के़दुम्बा पोगुगे़न् कुजा कुइसिक् निङ्वाॽफुमाङ् नु मे़ल्लुक्साःओ तोःम्मासि फाॽआङ् इक्सादिङ् खाम्बेःक्मोबा मे़न्छाम् याप्मिलाम् कुमे़ल्लुङ् हुङ्मनाआङ् थे़ॽमनाबासिरो॥
Piblisite