सुफो 21:10 - लिम्बु10 हे़क्क्याङ् इङ्गाॽ सेसेमाङ्ङिल्ले़ थुक्ताङ्ङाङ् पयम् यम्बा केःम्बा कोःक्मा सम्दाङ् पक्खाङ् तेॽराङ्ङाङ् निङ्वाॽफुमाङ्लाम् साङ्ग्राम्पेदाङ्नु ये़र पत्छे़बा सेसे ये़क्यक् यरुसले़म्मिन् ओसेःन्धाक्ताङ्लो॥ Gade chapit la |
सुफो 21:10
17 Referans Kwoze
हे़क्क्याङ् इङ्गाॽ सेसेमाङ्ङिल्ले़ थुक्ताङ्ङाङ् माङ्लाइङ्बाल्ले़ एःक्सादे़न्नो पक्खाङ् तेॽराङ्लो॥ हे़क्क्याङ् खे़प्मो नुसि कुधे़गेक् के़बप्पा नु थिबोङ् कुदाङ् के़युङ्बा हे़ःत्के़लॽबा थक्सा सम्दाङ् मे़न्छुमाॽधिक् युङे़बा निसुङ्॥ खे़न् थक्साःल्ले़ कुधक् कुले़म् निङ्वाॽफुमाङ्ङिल्ले़ कुदक्ले़ङ्वाओ माङ्चे़ॽया मिङ्हाॽ साप्ते़आङ् पत्छे़॥
खे़ङ्हाॽ यो च्वाःत्तोलाम् लःन्दे़ थाङे़त्छिर पत्छे़त्छिल्ले़ दाङ्बाल्ले़ कुसेसे याम्साम्मिल्ले़ खिमो फिलिप्पे़न् पक्खु तेॽरुआङ् आजोत्तोस मे़प्मनाबा ते़न्नो के़त्तुरो॥ खे़प्मो खुने़ॽ सिजरिया मे़ङ्गे़त्ते थारिक् लाम्मो के़ने़बा पाङ्जुम्हाॽओ सुनाइङ् इङ्भोसुर पेरो॥ से़भक्पे़ल्ले़ खुने़ॽ याम्मो मे़निसुन्, कर खे़न् सःत्ते़र कुलाम्दिःक्को पेरो॥
खे़ब्याङ् निङ्वाॽफुमाङ्ङिल्ले़ कुयाम्साम्मिल्ले़ आङ्गाॽ पक्खाङ्ङाङ् यहवे दाङ्बे़ल्ले़ कुहिम् नाङ्गे़न् ले़प्माङ्बा यम्बा लोम्धेःप्पो तेॽराङ्, खे़प्मो आङ्गाॽ ये़क्यक्कोबा निबोङ्ङाङ् ङासि मनाहाॽ निसुङ्सिङ्॥ खे़ङ्हाॽओ अज्जुरले़ कुस्सा याजन्याहःन् नु बनायाहःल्ले़ कुस्सा पलत्याहन् वये़त्छि, खे़न् ने़प्फुहाॽ मनाहाॽरे़ खुन्छिॽ लाम्लोबा वये़सि॥
खे़ल्ले़ हुक् हे़क्तङ्बाधिक् सन्छुआङ् आङ्गाॽ आध्गेक् इओ ते़म्साङ्ङाङ् तेॽराङ्॥ खे़न् एगाङ् सुफोओ निङ्वाॽफुमाङ्ङिल्ले़ कुयाम्साम्मिल्ले़ आङ्गाॽ ताङ्साङ्बो थाःङ् पक्खाङ् हे़क्क्याङ् निङ्वाॽफुमाङ्लाम्बाबा सुफोओ यरुसले़म के़त्ताङ्॥ माङ्हिम् सिगाङ् के़ने़बा लक्खुम्मो लाःप्मा थाङ्गे़त् ले़प्माङ्बा यम्बा लाम्धेःत्तो के़त्ताङ्, खे़प्मो यम्बा नावाइत्ला थिक् युङ् खे़ल्ले़ यहवे दाङ्बे़न् साॽरिक् कुनागे़हे़म्बा चोगुआङ् वाॽ॥
आङ्गाॽ खे़ने़ॽ ले़त्ने़नुमे़ःन्ने यहवे दाङ्बे़ल्ले़ कुयाम्साम्मिल्ले़ आत्तान् के़गे़त्ति? आङ्गाॽ मे़निआन्ॽ॥ आङ्गाॽ पेःक्काआङ् आहाबे़न् मे़त्तुङ्ॽ हे़क्क्याङ् खुने़ॽ आदाङ्बा के़न्दुमे़न्ने़भग्र, खुने़ॽ आङ्गाॽए से़त्ता॥ हे़क्केसाङ् आङ्गाॽ आदाङ्बारे़ के़से़वारोबे़ल्ले़ग हिन्जाॽ वयाङ्ङाङ्धोए यहवे दाङ्बान् माङ्से़वा मे़त्तुङ्ल वाॽआ॥
खे़ङ्हाॽरे़ खुने़ॽ मे़मे़त्तु, “ओमे़त्ते़ॽ, आनिगे खे़ने़ॽ के़से़वारोबाहाॽनु ङाबोङ् के़धुम्बा मनाहाॽ मे़वाॽ॥ खे़ङ्हाॽ पेःक्माआङ् खे़ने़ॽ के़सिक्साम्बे़न् कोःप्मा फाःक्ते़से़ॽओ॥ पोङ्मा सुक् यहवे दाङ्बे़ल्ले़ कुयाम्साम्मिल्ले़ खुने़ॽ फोःक्खु तेॽरुआङ् कुभा कोःक्माओ इग्र ने़ने़बादे़न्नो युक्खुआङ् युङ्बिला॥” एलिसाःल्ले़ खे़ङ्हाॽ नोगप् पिरुसि, “चिःत्, खे़ङ्हाॽ मे़बाङ्घाम्सिम्मिन्ने़ॽ॥”
के़नाःम्बाङ्ग आनिङ्वाॽफुमाङ्ङिल्ले़ कुहिम्मो इङ्गाॽ सित्लाङ् चोगुङ्लो॥ खुने़ॽ खे़प्मोलाम् आप्फाल्ले़आङ् मे़जत्छिङ्ङिन्लो॥ आनिङ्वाॽफुमाङ्ङिल्ले़ कुमिङ्ङिन् खे़ल्लो इङ्गाॽ साप्तुङ्, हे़क्क्याङ् खे़ल्लो इङ्गाॽ कुसङ् आमिङ्ङिन्नाङ् साप्तुङ्लो॥ हे़क्क्याङ् आनिङ्वाॽफुमाङ्ङिल्ले़ कुसेसे ये़क्यक् कुसङ् यरुसले़मिल्ले़ कुमिङ्ङिन्नाङ् खे़ल्लो साप्तुङ्लो॥ खे़ङ्ग आनिङ्वाॽफुमाङ्ङिल्ले़ साङ्ग्राम्पेदाङ्लाम् पाङ्घुयुसुॽ॥
Piblisite