हे़क्क्याङ् खाॽमिःत्ते़ल्ले़ लाजेन् पन्छुबा कुइसिक् खे़ने़ॽ आङ्गाॽ आमना इस्राइलिहाॽ थङ्ङो के़भत्तुसिॽ॥ ताःन्दि के़दाबा ये़म्मो, गोगए, आङ्गाॽ आलाजेःल्ले़ कुदक्ले़ङ्वाओ खे़ने़ॽ ताःत्ने़रो, हे़क्केलॽरिक् मनाहाॽरे़ खुन्छिॽ तगि खे़ने़ॽलाम्बा आसेसेन् ओसेःन्धाङ् चोगुङ्ङिल्ले़ आङ्गाॽए यहवे दाङ्बाआ फाॽआङ् के़रे़क् मे़न्छाम् सुवाङ्हाॽरे़ निङ्वाॽ मे़घोसुरो॥
सुफो 20:9 - लिम्बु9 हे़क्क्याङ् खे़ङ्हाॽ इक्सा खाम्बेःक्मान् सिदे़प् मे़दे़प्तुर मे़बेआङ् निङ्वाॽफुमाङ्ङिल्ले़ सेसे कुमनाहाॽ नु निङ्वाॽफुमाङ्ङिल्ले़ मिःम्जि मे़त्तुबा ये़क्यक्किन् मे़गबुरो॥ कर साङ्ग्राम्पेदाङ्लाम् मिराःक् थ्ये़आङ् खे़ङ्हाॽ लाबु से़रुसिरो॥ Gade chapit la |
सुफो 20:9
33 Referans Kwoze
कन् ये़म्मो यहवे दाङ्बे़ल्ले़ खे़प्सुर थारिक् खे़न् मनाहाॽ खुन्छिॽ तुक्खेःल्ले़ कुयाःम्बेओ मने़धिक्मा मे़हेःक्ते़॥ आल्ल यहवे दाङ्बे़ल्ले़ कन् खे़प्सु, खे़ब्याङ् खुने़ॽ कुसाक्के़न्निल्ले़ मि पोःक्खे़, हे़क्क्याङ् यहवे दाङ्बालाम् के़लःम्बा मिन् हाॽरुआङ् साःङ्गाहिम्हाॽरे़ कुया कुदिङ्हाॽ खाप्पुथ्यःङ् पोःक्खे़॥
थेआङ्भे़ल्ले़ यरिक् ये़न् तगि अस्सुरबा यम्बा हाङ्ङिन् मिधिङ्मारे़ लागि यम्बा मि तुम्मादे़न्धिक् मे़जोगुआङ् वये़रो॥ खे़न् ते़न्निन् ताम्दाम्बा नु केःम्बा लुम्बात् चोक्लो हे़क्क्याङ् खे़प्मो यरिक् सिङ् मे़लुप्सुआङ् ने़रो॥ यहवे दाङ्बान् सक्मा सोःन्छिङ्ङिल्ले़ मिधुङ्दिङ् मिराःक् लःन्नाङ् खे़प्मो मि हाःन्दुरो॥
आल्ल निङ्वाॽफुमाङ्ङिल्ले़ कुमनाःल्ले़ कुयाःम्बक् के़जोःक्पा से़वारोबे़न् तानाम् आन्देन् पोगे़आङ् लाःक्कात् लःन्दे़ल्ले़ अन्हाॽ नु अन्लाधा के़लोङ्बा थक्सुबाहाॽरे़ ये़क्यक्किन् कब्रिङ् किर्गप् मे़गबुआङ् ने़स्से़॥ खे़न् से़वारोबे़न् फे़रे़आङ् खुने़ॽ कुन्दाङ्बे़न् सेःन्दोसु, “आदाङ्बे, आल्ल आनिॽ थे आजोगुम्बाबे?”
थेआङ्भे़ल्ले़ यहवे दाङ्बा खिनिॽ निङ्वाॽफुमाङ्ङिन् खिनिॽ ताङ्से़ःप्मारे़ लागि नु निङ्मिहाॽ हुक्को थामासिरे़ लागि खिनिॽ साःङ्गाहिम्हाॽओ नाना कत्ना लाङ्घेःक्काङ् वाॽ॥ खिनिॽ लुम्मो आत्तिन् परिक्ले़न्नाङ् चिःन्जिःन् के़घुबा पाःन्हाॽ यहवे दाङ्बे़ल्ले़ कुदगि निमे़धाःप्ने़न्ल फाॽआङ् खिनिॽ थक्सुबा साःङ्गाहिम्मिन् सेसे पोङ्मा पोङ्ॽ, मेःन्ने़भग्र खुने़ॽ खिनिॽलाम् नुःङ्बेःक्लो॥
Piblisite