सेसेमाङ्ङिल्ले़ सेसेहुप्लक्हाॽ मे़त्तुसिबा पाःन्निन् नुरिक्काङ् खे़प्से़म्मे़ॽआङ् कुसिङ् निःत्ते़म्मे़ॽओ! के़नाःम्बे़न् इङ्गाॽ चिङ्मनाबा मन्नाःन् पिरुङ्लो॥ हे़क्क्याङ् खे़न् फगे़लॽबा लुङ्धिक्काङ् पिरुङ्लो॥ खे़प्मो कुसङ् मिङ् साप्ते़आङ् पत्लो, खे़न् के़घोबाल्ले़रक् कुसिङ् निःत्तुॽरो॥’”
सुफो 2:7 - लिम्बु7 सेसेमाङ्ङिल्ले़ सेसेहुप्लक्हाॽ मे़त्तुसिबा पाःन्निन् नुःरिक्काङ् खे़प्से़म्मे़ॽआङ् कुसिङ् निःत्ते़म्मे़ॽओ! के़नाःम्बान् निङ्वाॽफुमाङ्ङिल्ले़ कुसिङ्सेॽ इक्कोबा मे़न्नुप्मनाबा हिङ्मन् के़बिबा सिङ्बुङ्माल्ले़ कुजाॽइन् चामा पिरुङ्लो॥’” Gade chapit la |
सुफो 2:7
36 Referans Kwoze
हे़क्क्याङ् ओमे़प्मे़ल्ले़ नुबा के़धाःप्पा नु चामाल्ले़ कुजागे़नुॽबा कुजाॽ के़धोःक्पा के़रे़क् परिक्पा सिङ्बुङ्हाॽ यहवे दाङ्बा निङ्वाॽफुमाङ्ङिल्ले़ खाम्बेःक्मोलाम् लिङे़र याःन्दु॥ खुने़ॽ सिङ्सेॽइक्के़ल्ले़ कुलुम्मो ने़त्तिगे़न् हिङ्मन्ले़ सिङ्बुङ् हे़क्क्याङ् नुबा नु ताप्फे़ःम्बा ने़हिनिङ्वाॽ आबिबिबा सिङ्बुङ्ङाङ् लेःत्तु॥
सेसेमाङ्ङिन् नु सिसामेःत्तिल्ले़ पाःत्छुॽ, “ये़ॽओ!” हे़क्क्याङ् कन् पाःन्हाॽ के़घे़म्बाल्ले़आङ् “ये़ॽओ!” पाःत्तुरो॥ आत्तिन् आःङ्गुगे़न् वामिःक्माल्ले़ तरुआङ् वाॽ, खे़न् ताररो॥ आत्तिल्ले़ निङ्वाॽ चोगुॽ, हाराॽ खे़ल्ले़ कुमे़ल्लुङ् मेःन्नेए मे़न्नुप्मनाबा हिङ्मन् के़बिबा च्वाःत्तिन् थुङुररो॥
खे़न् ये़क्यक्कोबा माराम् लुम्मो ये़रो॥ यङ्घङ्ङिल्ले़ कुयाओ मे़न्नुप्मनाबा हिङ्मन् के़बिबा सिङ्बुङ्ङिन् युङे़रो॥ खे़न् सिङ्बुङ्ङो तङ्बे लावा थिक्ने़त् परिक्ले़न् सिङ्सेहाॽ थोःक्ते़रो॥ हे़क्क्याङ् खे़न् सिङ्बुङ्ङिल्ले़ कुभे़क्वाहाॽग काक् मे़न्छाम् सुवाङ्हाॽ के़वेःम्बा सिदाॽ चोगे़रो॥
खे़ने़ॽ निङ्वाॽफुमाङ्ङिल्ले़ कुसिङ्सेॽइक् अदनओ के़वये़रो॥ खे़ने़ॽ के़जाङ्हाॽ कुमे़न् के़घिःक्पा के़रे़क् मुधिङ्लुङ्हाॽरे़ काप्तुबा चोगे़रो, हे़ःक्कङ्गङ्बा मुधिङ्लुङ्, हिःक्यङ्यङ्बा माङ्लुङ्, फुःत्तक्तक्पा मुधिङ्लुङ्, हिःक्कोःम्कोःम्बा मुधिङ्लुङ्, माक्कुम्गुम्बा मुधिङ्लुङ्, लेःत्ताङ्बा मुधिङ्लुङ्, फिङ्दाङ्बा मुधिङ्लुङ्, हिःक्कोःम्कोःम्बा मुधिङ् नु हिःक्यङ्यङ्बा मुधिङ्हाॽ के़रे़क् के़लागि मे़जोगुरो हे़क्क्याङ् साम्म्याङ् इसेःङ्बो मे़दिःक्खुआङ् पत्छे़रो॥ खे़ने़ॽ नावागे़न् चइःत् के़बोःक्खे़बा ये़न्नोए खे़ङ्हाॽ खे़ने़ॽ के़लागि मे़जोगुआङ् वये़रो॥
निङ्वाॽफुमाङ्ङिल्ले़ कुसिङ्सेॽ इक्कोबा आत्तिन् साम्माङ्सिङ्ङिन्नाङ् खे़न्नु कुदङ्बा तङ्मा सुक्मे़दे़त्ने़न्लो, आत्तिन् आःङ्ङिल्ले़ कुबोराक्हाॽआङ् कन्नु कुदङ्बा मे़बत्छे़न्लो, आत्तिन् पःङ्घेॽबा सिङ्बुङ्ङिल्ले़आङ् कन्नु कुदङ्बा कुभे़क्वा मे़बन्छे़न्लो॥ निङ्वाॽफुमाङ्ङिल्ले़ कुभुङ्इक्कोबा आत्तिन् सिङ्बुङ्ङिन्नाङ् कल्ले़ कुघे़म्सिङ्मान्नु कुदङ्बा मे़जोगे़न्लो॥
हे़क्क्याङ् इङ्गाॽ मि नु के़बुप्पा से़ल्ले़ङ्घो कुइसिःक्पा वरःङ्धिक् निसुङ्लो॥ खे़ल्ले़ कुयाओ खे़न् किप्मा के़घुबा थक्साःन्, कुनावाइत्ला नु खे़ल्ले़ कुमिङ्ङिल्ले़ कुघानिःत्तिन् के़नाःम्बाहाॽ खे़प्मो मे़ये़बे़बा निसुङ्सिङ्लो॥ खे़ङ्हाॽरे़ निङ्वाॽफुमाङ्ङिल्ले़ पिरुसिबा साराङ्गिहाॽ मे़गत्तुरो॥
हे़क्क्याङ् साङ्ग्राम्पेदाङ्ङो इक्लाधिक् अक्खेलॽरिक् पारे़बा खे़प्सुङ्, “कन् पाःन्निन् साप्ते़ॽ, आल्लआङ्धो दाङ्बान् नसान् के़जोःक्पाआङ् के़सिबाहाॽग मुॽइसाबासिरो॥” सेसेमाङ्ङिल्ले़ पाःत्तु, “से़क्खाए खे़ङ्हाॽ मुॽइसाबासिरो, खे़ङ्हाॽ खुनिॽ याम्बुधिक्लाम् मे़नाःम्सिङ्, थेआङ्भे़ल्ले़ खे़ङ्हाॽरे़ मे़जोगुबा याःम्बक् कुइसिक् हाङ्से़म् मे़घोसुॽरो॥”
हे़क्क्याङ् कुभा याॽरिःम्बे़न् नुबा खाम्मो चुक्ते़आङ् लिङे़, हे़क्क्याङ् कुजाॽइ कुजाॽ थोःक्ते़॥ खे़न् याॽरिःम्बाल्ले़ किप्थिक् ले़ङ्ङाङ्धो कुजाॽ थोःक्ते़रो॥” ये़सुरे़ खे़ङ्हाॽ मे़त्तुसि, “खे़म्मा ने़क्खोॽ के़गप्पाहाॽरे़ कन् पाःन्निन् नुरिक् खे़प्से़म्मे़ॽआङ् कुसिङ् निःत्ते़म्मे़ॽओ!”
पानुदिङ् पासे, तोलिङ्सोमुआङ्धोए के़वाॽबा ख्रिस्ते़न् खिनिॽ कुसिङ् के़निःत्तुम्बाल्ले़ चोगुल्ले़ कन् सक्इङ्घङ्ङिन् साप्तुङ्ङाङ् हाक्निङ्ल पत्तारो॥ थाङ्बे़न् मे़न्छियाॽसे, माफे़न्साम्मिन् खिनिॽ के़नाःन्दुम्माङ् के़वयिबाल्ले़ चोगुल्ले़ कन् सक्इङ्ङिन् साप्तुङ्ङाङ् हाक्निङ्ल पत्तारो॥
Piblisite