सुफो 2:3 - लिम्बु3 हे़क्क्याङ् खे़ने़ॽ नासि थःप्मान् के़गत्तुआङ् इङ्गाॽ आलागि तुक्खे के़ज्ये़बान् नु इङ्गाॽ के़ल्ले़राङ्ङिम्बान् निसुङ्लो॥ Gade chapit la |
सुफो 2:3
49 Referans Kwoze
खे़ल्ले़चोगुल्ले़ नसानिबा हिङ्मन्ले़ कुयाःम्बेओ कम्म्याक् यरिक् तोःन्दिहाॽरे़ खुनिॽ लुम्मो आवाॽबाल्ले़ चोगुल्ले़ याप्मि के़हम्बा पाःन्हाॽ नु के़रे़क् परिक्ले़न् याप्मि के़घबा लायोहाॽ लाप्फुसुम्लो, हे़क्क्याङ् निङ्वाॽफुमाङ्ङिल्ले़ ने़स्सु आबिरे़बा लोःक्लोःक्के चाःत्तो नासि थःत्तुम्ल लोःक्तिरो॥
खे़ने़ॽ निङ्घुम् के़दुमुल्ले़ निङ्वाॽ हाङ्गे़म्सिङ्ङे़ॽओ फाॽआङ् इङ्गाॽ पिने़बा इङ्जाङ्ङिन् ते़न्दिङ् के़जोगुबाल्ले़ चोगुल्ले़ खे़ने़ॽग इक्सादिङ् खाम्बेःक्मो के़दाबा इनोगे़न् पयम् यम्बा तुक्खेलाम् इङ्गाॽ ताङ्से़ःप्ने़ॽरो॥ खे़ङ्ग इक्सादिङ् खाम्बेःक्मो के़वाॽबा काक् मनाहाॽरे़ खुनिॽ नसाःन्निन् साॽसे़ तार पत्लो॥
इङ्गाॽ युहुन्नान् नसाःन्नो खिनिॽ फुॽआरो॥ ख्रिस्त ये़सुन् नसान् चोःक्मे़ल्ले़ खुने़ॽ कुहाङ्जुम्मो के़वाॽबाहाॽरे़ मे़घोसुबा निङ्घुम्मिन् खिनिॽनु सोसोरिक् नासि थःत्तुङ्ल थरुङ्ङाङ् वाॽआरो॥ निङ्वाॽफु पाःन्जाक्किन् नु ये़सुरे़ पाःत्तुबा नु चोगुबा पाःन्हाॽ इङ्भन् चोगुङ्बाल्ले़ चोगुल्ले़ इङ्गाॽ पत्मोस वागप्लाजेॽओ साक्पा के़धाबा मे़जोगाङ् मे़देॽराङ्ङाङ् वयाङ्॥
आनिॽ पानुदिङ् पा निङ्वाॽफुमाङ्ङिल्ले़ कुनिमाओ नसाःन्लाम्बा के़जोगुम्बा खिनिॽ याःम्बक्किन्, वेॽहाॽ लुङ्माॽ के़दुक्तुम्सिम्माङ् स्याङ्मे़न्दाङ् के़जोगुम्बान् हे़क्क्याङ् आनिॽ दाङ्बा ये़सु ख्रिस्तरे़ याम्मो कुनुःङ्मा युमा निङ्साङ्लाम् के़दाबा निङ्वाॽ हाङ्गे़म्सिङ्मान् आनिगे चक्मे़ल्लॽए निङ्वाॽ इःत्तुम्बे़रो॥
खे़ङ्हाॽ ख्रिस्तरे़ कुसेवारोबासिबि? इङ्गाॽग आल्लसाङ् साॽरिक् कुसेवारोबाआरो, कर अक्खेलॽरिक् पाःत्ताल्ले़ कुधना के़ले़ङ्बा कुइसिक् चोःक्कारो॥ खे़ङ्हाॽनुःल्ले़आङ् इङ्गाॽ याम्बुधिक्काङ् याःम्बक् चोगाङ्, यरिक्ले़ङ् पुङ्लाहिम्मो साक्पा थ्याङ्, यरिक्ले़ङ् ते़ःम्भुक् च्याङ्, हे़क्क्याङ् ए़त्ले़ङ् सिमालिङ्धोओ के़राङ्लो॥
हे़क्क्याङ् निङ्वाॽ इरे़ खोःप्तुबा आन्जुम्मे, कन् मे़न्छुमाहाॽ कुभाॽ पिरे़से़ॽ फाॽआङ् मे़त्ने़ॽरो, थेआङ्भे़ल्ले़ खे़ङ्हाॽरे़ग सुनाइङ् इङ्भोमा याःम्बक्किन् इङ्गाॽनु याम्बुधिक्काङ् चोगे़त्छु॥ खे़ङ्हाॽरे़ क्लेमे़न्त हे़क्क्याङ् वेॽ इङ्गाॽनु याःम्बक् के़जोःक्पा चुम्हाॽनुआङ् याःम्बक् चोगे़त्छुरो॥ खे़ङ्हाॽरे़ खुनिॽ मिङ्ङिन् हिङ्मन्ले़न् साप्पन्नो साप्ते़आङ् पत्लो॥
खुने़ॽ आङ्गाॽ ले़प्माङ् खासे़न् मे़लोःन्दुन्ल थारिक्, हे़क्क्याङ् आघोमा युक्किन् निःन्धो मे़जोगुन्ल थारिक्, आङ्गाॽ खुने़ॽ कुसाक्के़न्निन् थरुङ्लो, थेआङ्भे़ल्ले़ खुने़ॽ कुदक्ले़ङ्वाओ लायो चोगुङ्ङाङ् वाॽरो॥ खुने़ॽ आङ्गाॽ लःत्ताआङ् ओःत्तिओ ताःत्तारो, हे़क्क्याङ् आङ्गाॽ खुने़ॽ कुसाम्योनिमान् निसुङ्लो॥
Piblisite