सुफो 2:23 - लिम्बु23 हे़क्क्याङ् इङ्गाॽ खे़ल्ले़ कुहुॽसाम्बाहाॽआङ् से़रुङ्सिङ्लो॥ हे़क्केलॽरिक् के़रे़क् सेसेहुप्लक्हाॽरे़ इङ्गाॽ मे़न्छाम्गे़न् याप्मिहाॽरे़ खुनिॽ निङ्वाॽ नु सिक्लुङ्मा के़निबा फाॽआङ् कुसिङ् मे़निःत्तारो॥ हे़क्क्याङ् इङ्गाॽ खिनिॽ याःम्बक् के़जोगुम्बा कुइसिक् खिनिॽ के़रे़क् पिनिङ्लो॥ Gade chapit la |
सुफो 2:23
39 Referans Kwoze
हे़क्क्याङ् खे़ङ्हाॽरे़ अक्खेलॽरिक् मे़बाःत्तुर तुवा मे़जोगु, “आदाङ्बे, खे़ने़ॽग मे़न्छाम्गे़न् याप्मिरे़ खुनिॽ सिक्लुङ्मोबा पाःन्निन् के़निसुॽरो॥ कन् सेःक्युक्मिबा माङ्से़वा लक्किन् चोःक्मा फाॽआङ् यहुदाःल्ले़ कुले़क्वा कन् ने़प्फुओ के़सेगुबा मनान् ओसेःन्दाङ् चोगे़ॽओ, थेआङ्भे़ल्ले़ यहुदाःल्ले़ खे़न् ले़रुआङ् लाॽरुबा कुलाम्मो पेरो॥”
हे़क्क्याङ् आङ्गाॽ अक्खेलॽरिक् पेलिगे़न् तुवा चोगुङ्लो, “मुक्साम्दाङ्बा यहवे दाङ्बाए, खे़ने़ॽ मनाहाॽ खासे़न् के़जोगुसिरो॥ खे़ने़ॽ मनाहाॽरे़ खुन्छिॽ सिक्लुङ्मान् नु निङ्वान् के़साॽरुरो॥ खे़ने़ॽ खे़ङ्हाॽ खुम्दिङ् के़बिरुसिबान् निमा खोसुङ्लरो॥ थेआङ्भे़ल्ले़ आङ्गाॽ आबाःन्निन् खे़ने़ॽ के़हुक्को तोःन्दुङ्ङाङ् वाॽरो॥
मुक्साम्दाङ्बा यहवे दाङ्बाए, साम्योबाहाॽ के़साॽरुसिरो हे़क्क्याङ् मनाहाॽरे़ खुन्छिॽ निङ्वाॽ के़गोःत्तुरो, खे़ङ्हाॽरे़ खुन्छिॽ सिक्लुङ्मान् नु निङ्वाॽओ थे वाॽ, खे़न् के़निसुरो॥ खे़ल्ले़चोगुल्ले़ आनिङ्मिहाॽ खुम्दिङ् के़बिरुसिबान् ओमे़प्मा खोसुङ्लरो थेआङ्भे़ल्ले़ आबाःन्निन् खे़ने़ॽ के़हुक्को हुक्सुप्ने़आङ् वाॽरो॥
कर यहवे दाङ्बाल्ले़ सामुए़ले़न् मे़त्तु, “नुबादाबा नु केःम्बा चोःक्साङ् खे़न् ओमे़मे़त्ते़न्ने़ॽ, थेआङ्भे़ल्ले़ आङ्गाॽ खे़न् नाॽरुङ्ङाङ् वाॽ॥ यहवे दाङ्बाल्ले़ मना हे़क्के ओमे़मे़त्तुसिन्॥ मनाहाॽरे़ नारा ओमे़मे़त्तुआङ् निङ्वाॽ मे़इःत्तु, कर यहवे दाङ्बाल्ले़ सिक्लुङ्मे़न् ओमे़त्तुआङ् याःम्बक् चोगु॥”
हे़क्क्याङ् इङ्गाॽ यम्बा चुक्पा काक् के़सिबाहाॽ खे़न् हाङ्युक्ना तगि मे़ये़बे़बा निसुङ्सिङ्, हे़क्क्याङ् खे़प्मो साप्पन्हाॽ मे़हन्दे़॥ खे़प्मो वेॽ साप्पन्धिक्काङ् हन्दे़॥ खे़ङ्ग हिङ्मन्ले़न् साप्पन्लो॥ हे़क्क्याङ् खे़न् साप्पन्हाॽओ साप्ते़आङ् पत्छे़बा के़सिबाहाॽरे़ मे़जोगुबा खुनिॽ याःम्बक् कुइसिक् खुनिॽ खासे़न् पोःक्खे़रो॥
आङ्गाॽ आनिङ्वाॽफुमाङ्ङे, आदाङ्बारे़ सिक्कुम् निङ्वाॽ के़साॽरु फाॽआङ् आङ्गाॽ निसुङ्ॽ, हे़क्क्याङ् कुदोःप्मा निङ्वाॽ के़गप्पालाम् आदाङ्बारे़ के़निङ्वाॽ तारो॥ से़क्खाबा निङ्वाःल्ले़ आङ्गाॽ आप्फेक् आनिङ्वाॽओलाम् कन् के़रे़क् हुक्वाहाॽ आङ्गाॽ आसिक्लुङ्मोलाम् आदाङ्बारे़ॽओ तोःन्दुङ्ङाङ् वाॽ॥ हे़क्क्याङ् आल्ल कप्मो के़वाॽबा आदाङ्बारे़ के़मनाहाॽरे़ खुन्छिॽ आप्फेक् निङ्वाॽओलाम् हुक्वा मे़दोन्दुबा निसुङ्ङिल्ले़ आङ्गाॽ आनिङ्वाॽओ सःत्तारो॥
“हे़क्क्याङ् खे़ने़ॽ सोलोमन आङ्गाॽ आस्साःल्ले़ग, खे़ने़ॽ के़म्बारे़ कुनिङ्वाॽमाङ्ङिन् आप्फेक् के़निङ्वाॽफुमाङ् इःत्ते़ॽ, हे़क्क्याङ् के़रे़क् के़सिक्कुम् निङ्वाॽ नु के़निङ्वाॽ तामा निङ्वाॽरे़ खुने़ॽ कुमाङ्सेवा चोगे़ॽ॥ थेआङ्भे़ल्ले़ यहवे दाङ्बे़ल्ले़ के़रे़क् सिक्कुम्दिङ् निङ्वाॽहाॽ साॽरुॽ हे़क्क्याङ् मनारे़ के़रे़क् चोःक्मा निङ्वाॽ मे़जोगुबा नु मे़इःत्तुबा चइःत् पाःन्हाॽ निङ्वाॽ खोसुॽ॥ खे़ने़ॽ खुने़ॽ के़गोत्तुने़भग्र खुने़ॽ के़घोसुॽ, कर खुने़ॽ के़ले़रुने़भग्र खुने़ॽ सदादिङ्ले़ लागि खे़ने़ॽ के़नाॽ॥
हे़क्क्याङ् याम्मो ये़सुरे़ सुम्ले़ङ्ङो पत्रुसे़न् सेःन्दोसु, “युहुन्नारे़ कुस्सा सिमोने, इङ्गाॽ मिःम्जि के़मे़त्ताबि?” अक्खेलॽरिक् ये़सुरे़ सुम्ले़ङ् थारिक् “इङ्गाॽ मिःम्जि के़मे़त्ताबि” लॽरिक् सेःन्दोसुबाओ पत्रुसरे़ कुनिङ्वाॽ तुगे़र मे़त्तु, “ओरो, आदाङ्बे, खे़ने़ॽग काक् पाःन्हाॽ के़निसुॽरो॥ इङ्गाॽ से़क्खाए खे़ने़ॽ मिःम्जि मे़त्ने़बान् खे़ने़ॽ के़निसुॽरो॥” ये़सुरे़ खे़न् मे़त्तु, “आमे़ल्लुक्हाॽ चालाम्से़से़ॽओ॥
हे़क्क्याङ् इङ्गाॽ अम्दाङ्बा अन्निन् खे़प्मो निसुङ्लो॥ खे़न् अन् के़युक्पाल्ले़ कुमिङ्ग “सिमे़न्” वये़॥ हे़क्क्याङ् खे़मायङ्सङ्ङोबा के़सिबाहाॽरे़ खुने़ॽ मे़दिम्दुरो॥ इक्सादिङ् खाम्बेःक्मोबा कुलक् लिसिओ कुलक् थिक् मे़न्छाम् याप्मिहाॽ थङ्, साक्, तुक्मा नु ताम्भुङ् थक्साहाॽलाम् से़प्मासि फाॽआङ् खे़ङ्हाॽ युक् मे़बिरुसिरो॥
खे़ब्याङ् खे़न् ये़क्यक्कोबा के़रे़क् ये़म्बित्छाहाॽरे़ खे़न् सिर थारिक् लुङ्ङिल्ले़ मे़ले़प्तुर॥ खिनिॽ लुम्मोलाम् ताप्फे़ःम्बा पाःन्निन् खे़त्ताम्मे़ॽ, खे़ब्याङ् हे़क्केलॽरिक् खिनिॽ खे़न् कुॽइगे़भे़म्बे़न् के़घे़त्तुम्ॽ॥ इस्राइलबा के़रे़क्ले़ कन् पाःन्निन् मे़घे़प्सुॽ हे़क्क्याङ् मे़गिरो॥
ये़सुरे़ खे़ङ्हाॽ मे़त्तुसि, “खिनिॽग सदादिङ् लाःक्कात्लक् नुबा थाःम्सिङ्मा निङ्वाॽ के़जोगुम्, कर निङ्वाॽफुमाङ्ङिल्ले़ खिनिॽ सिक्लुङ्मोबा पाःन्निन् निसुॽरो॥ आत्तिन् पाःन्निन् मे़न्छाम्गे़न् याप्मिरे़ खुनिॽ निमाओ यम्लाबा चोक्, खे़न् निङ्वाॽफुमाङ्ङिल्ले़ कुनिमाओ सिक्के़ले़ःङ्बा चोक्लो॥
Piblisite