सुफो 2:18 - लिम्बु18 “थियातिराबा सेसेहुप्लक्कोबा माङ्लाइङ्बान् कन् इङ्घङ्ङिन् साप्ते़ॽओ॥ कन् इङ्घङ्ङिन् कुमिक्किन् मि हे़क्के के़दिःप्पा नु कुलाङ्हाॽ थथनाबा हे़क्के से़ल्ले़ङ् के़ले़क्पा निङ्वाॽफुसाःल्ले़ पाःत्तुबारो— Gade chapit la |
सुफो 2:18
22 Referans Kwoze
निङ्वाॽफु पाःन्जाक्किन् नासिङ्गे़न् थक्लादिङ् पोःक्खे़आङ् इक्सादिङ् खाम्बेःक्मो आनिॽ लुम्मो वये़रो॥ खुने़ॽग लुङ्गुम् नु से़क्खाःल्ले़ कुधिम् चोगे़आङ् कुमिमिदिङ्ङिन् आनिसुम्माङ् आवाॽरो॥ खे़न् मिमिदिङ्ङिन् पानुदिङ् पाः निङ्वाॽफुमाङ्लाम् के़दाबा थिक्लक् कुस्साःल्ले़न् हे़क्तङ्बा चोगे़रो॥
हे़क्क्याङ् खे़ङ्हाॽ खे़न् लाम्मो लाम्दिक् चोगे़त्छिर पत्छे़त्छिल्ले़ च्वाःत् के़ने़बा ते़न्नो के़रे़त्छि॥ हे़क्क्याङ् खे़न् से़भक्पे़ल्ले़ सेःन्दोसु, “ओमे़त्ते़ॽ, कप्मो च्वाःत् ने़रो॥ इङ्गाॽ बप्तिस्मा पोङ्मा मे़सुक्कान्बि?” (फिलिपरे़ मे़त्तु, “खे़ने़ॽ काक् के़निङ्वाॽरे़ नसान् के़जोगुने़ फाॽग्र के़सुक्तुरो” खे़न् से़भक्पे़ल्ले़ नोगप् पिरु, “ये़सु ख्रिस्ते़न् निङ्वाॽफुसा फाॽआङ् नसान् चोगुङ्लो॥”)
खुने़ॽ कुधक्किन् इमे़ल्लुङ्बा मुधिङ् कुइसिक् के़ओःप्पा चोगे़, खुने़ॽ कुनारान् साःम्भे के़ले़क्पा हे़क्के के़दिःप्पा चोगे़, खुने़ॽ कुमिक्किन् त्याःल्लोत् हे़क्के तिरे़आङ् पत्छे़॥ खुने़ॽ कुहुक् नु कुलाङ्हाॽ इःङ्मनाबा कासा हे़क्के से़ल्ले़ङ् से़ल्ले़ङ् ले़क्ते़ खम्भ्याङ् खुने़ॽ कुइक्लाःङ्ग यरिक् मनाहाॽ हयङ् किल्लिङ् मे़लॽबा इक्ला हे़क्के लॽरे़॥
खे़प्मो सुनाइङ् के़घे़म्माहाॽओ लिदिया मे़प्मनामा थियातिरा ये़क्यक्कोसमा परान्ला तेत् ले़ङ्हङ् के़जोःक्माधिक् वये़॥ हे़क्क्याङ् खे़न् निङ्वाॽफुमाङ्ङिन् से़वा के़जोःक्मा थिम्मे़न्दङ् सुवाङ्समा वये़॥ पावलरे़ पाःत्तुबा पाःन्निन् कुसिङ् निःत्तुआङ् नसान् चोगुर फाॽआङ् दाङ्बाल्ले़ कुनिङ्वाॽइन् हन्दु पिरु॥
Piblisite