सुफो 19:12 - लिम्बु12 खुने़ॽ कुमिक्हाॽग मि हे़क्के के़दिःप्पा चोगे़, हे़क्क्याङ् खुने़ॽ कुधे़गेःक्पो यरिक् तिचःहाॽ मे़बत्छे़॥ खुने़ॽ नासिङ्गे़न् कुधक्को कुमिङ् साप्ते़आङ् पत्छे़॥ खे़ल्ले़ कुबेःङ्ग आत्तिन्हाॽरे़आङ् कुसिङ् निःप्मा मे़न्छुक्तुन्, कर खुने़ॽरक् कुसिङ् निःत्तुरो॥ Gade chapit la |
सुफो 19:12
25 Referans Kwoze
के़नाःम्बाङ्ग आनिङ्वाॽफुमाङ्ङिल्ले़ कुहिम्मो इङ्गाॽ सित्लाङ् चोगुङ्लो॥ खुने़ॽ खे़प्मोलाम् आप्फाल्ले़आङ् मे़जत्छिङ्ङिन्लो॥ आनिङ्वाॽफुमाङ्ङिल्ले़ कुमिङ्ङिन् खे़ल्लो इङ्गाॽ साप्तुङ्, हे़क्क्याङ् खे़ल्लो इङ्गाॽ कुसङ् आमिङ्ङिन्नाङ् साप्तुङ्लो॥ हे़क्क्याङ् आनिङ्वाॽफुमाङ्ङिल्ले़ कुसेसे ये़क्यक् कुसङ् यरुसले़मिल्ले़ कुमिङ्ङिन्नाङ् खे़ल्लो साप्तुङ्लो॥ खे़ङ्ग आनिङ्वाॽफुमाङ्ङिल्ले़ साङ्ग्राम्पेदाङ्लाम् पाङ्घुयुसुॽ॥
कर आनिॽ ये़सुन् आनिसुम्लो॥ खुने़ॽग माङ्लाइङ्बाहाॽनुःल्ले़आङ् च्यॽरक् योयोक् वये़, आल्लग खुने़ॽ सिमे़न्नो तुक्खे च्ये़बाल्ले़ चोगुल्ले़ निङ्वाॽफुमाङ्ङिल्ले़ मिमिदिङ् नु मिङ्सो इङ्धाङ्ङिल्ले़न् तिचःन् खुःक्तुआङ् वाॽ॥ हे़क्केलॽरिक् निङ्वाॽफुमाङ्ङिल्ले़ कुलुङ्गुम्लाम् खुने़ॽ काक् मे़न्छाम् याप्मिरे़ लागि सिमे़न् साॽरुरो॥
थेआङ्भे़ल्ले़ आनिॽ लागि लत्छा ये़म्बित्छासा अङे़ःक्वाधिक् सावाःन्छिङ्ङाङ् वाॽरो॥ आनिॽ लत्छा ये़म्बित्छा साधिक् आम्बिरे़आङ् वाॽरो खुने़ॽए आनिॽ सम्धाङ् युक् चोगुरो॥ खुने़ॽ निङ्वाॽ के़माबा सुजादाङ्बा, मुक्साम्दाङ्बा निङ्वाॽफुमाङ्, नुप्मे़न्दिङ् पानुदिङ् पा, हे़क्क्याङ् सनारुङ्गे़न् हाङ्सा मे़मे़त्तुरो॥
हे़क्क्याङ् तरःङ्दिङ् ताङ्साक्पो याम्मो इङ्गाॽ वेॽसमा निङ्वाॽ के़माबा मिक्सेःन्धिक्काङ् निसुङ्लो—खे़प्मो हे़ःत्के़लॽबा नुसि कुधे़गेक् के़बप्पा पयम् यम्बा किप्मा के़घुबा हन्दगेःक्गे़न् वासेरिःन् वये़रो॥ खे़ल्ले़ नुसि कुधे़गेःक्हाॽओ नुसि तिचःहाॽ खुःक्खुआङ् पत्छे़॥ खे़ल्ले़ थिबोङ् कुदाङ्हाॽ युङे़रो॥
हे़क्क्याङ् इङ्गाॽ वरःङ्ङोलाम् के़लःम्बा किप्मा के़घुबा थक्सान् निसुङ्लो॥ खे़ल्ले़ नुसि कुधे़गेःक्हाॽओ थिबोङ् कुदाङ्हाॽ मे़बत्छे़, हे़क्क्याङ् खे़ल्ले़ कुदाङ्हाॽओ थिबोङ् तिचःहाॽ खुःक्खुआङ् पत्छे़॥ खे़ल्ले़ के़रे़क् कुधे़गेःक्को निङ्वाॽफुमाङ्ङिल्ले़ कुदक्ले़ङ्वाओ माङ्चे़ॽया मिङ् साप्ते़आङ् पत्छे़॥
साङ्ग्राम्पेदाङ् थारिक् हात् थो थोःक्सिङ् पेआङ् वाॽबे? हे़क्क्याङ् यो थासिङ् ये़आङ् वाॽबे? हाःत्ले़ सुरित् केजङ्ङिन् हुक्को ते़म्सुआङ् वाॽबे? हाःत्ले़ च्वाःत्तिन् खाम्देःत्तो कित्तुआङ् वाॽबे? इक्सादिङ् खाम्बेःक्मोबा के़रे़क् पिसाङ् कुनुप्मा थारिक् हाःत्ले़ ने़स्सुआङ् ने़बे? कुमिङ्ङिन् थे़माबे? खम्भ्याङ् खुने़ॽ कुस्साःल्ले़ कुमिङ्ङिन् थेबे? खे़ने़ॽ के़ले़सुने़भग्र आङ्गाॽ मे़त्ताङ्ङे़ॽओ॥
खुने़ॽ कुधक्किन् इमे़ल्लुङ्बा मुधिङ् कुइसिक् के़ओःप्पा चोगे़, खुने़ॽ कुनारान् साःम्भे के़ले़क्पा हे़क्के के़दिःप्पा चोगे़, खुने़ॽ कुमिक्किन् त्याःल्लोत् हे़क्के तिरे़आङ् पत्छे़॥ खुने़ॽ कुहुक् नु कुलाङ्हाॽ इःङ्मनाबा कासा हे़क्के से़ल्ले़ङ् से़ल्ले़ङ् ले़क्ते़ खम्भ्याङ् खुने़ॽ कुइक्लाःङ्ग यरिक् मनाहाॽ हयङ् किल्लिङ् मे़लॽबा इक्ला हे़क्के लॽरे़॥
आल्ल कन् इक्सादिङ् खाम्बेःक्मोलाम् खे़ने़ॽओ थो थाङ्ङार पत्तारो॥ इङ्गाॽ इक्सादिङ् खाम्बेःक्मो मे़वाॽआन्, कर खे़ङ्हाॽग कप्मोए मे़वाॽरो॥ हे़क्केःल्ले़ सेसे पानुदिङ् आम्बे, खे़ङ्हाॽग के़बिराङ्बा मुक्साम्गे़न् के़मिङ्ङो कम्ब्राङ् मे़त्ते़से़ॽओ॥ हे़क्केलॽरिक् आन्छिॽ थिक् आवाॽसिबा कुइसिःक्के खे़ङ्हाॽआङ् थिक्हुप् मे़बोङ्लरो॥
Piblisite