सुफो 18:19 - लिम्बु19 हे़क्क्याङ् खे़ङ्हाॽरे़ खाम्हिःक्किन् खुनिॽ थे़गेक् सम्दाङ् मे़जुःत्छिङ्ङाङ् मे़हाःप्ल, मे़भिःक्ल, मे़रिङ् थक्नु अक्खे मे़बाःत्तुॽरो, “आयाक्को, आयाक्को! कन् पयम् यम्बा ये़क्यक्कोग, यरिक् वालाधा दाङ्बाहाॽरे़ खे़ल्ले़ कुयाङ्साकुन्धेलाम् याङ्साकुन्धेसाबा मे़बोःक्खे़रो॥ कर सप्फारे़सा खे़न् ये़क्यक्किन् काक् मे़गे़रो॥ Gade chapit la |
सुफो 18:19
13 Referans Kwoze
खे़ब्याङ् यहोसुःल्ले़ कुजाङ्हाॽ थे़ःक्खु हे़क्क्याङ् यहवे दाङ्बे़ल्ले़ कुमाङ्हुप् सन्दोक्किल्ले़ कुदगाङ् युःन्छिक् थारिक् खाम्बाङ्ङो साबन् हबत् फन्छिङ्॥ हे़क्क्याङ् खुने़ॽ नु इस्राइलबा साम्योसिक्साम्बाहाॽरे़ खुन्छिॽ थे़गेक्पान् खाम्भुत्राःल्ले़ मे़जुःत्तुआङ् आम्भा मे़युङे़ मे़गरे़॥
थेआङ्भे़ल्ले़ इक्सादिङ् खाम्बेःक्को के़वाॽबा काक् मे़न्छाम् सुवाङ्हाॽ कुयाम्बोःप्मा सिजङ्वाःल्ले़ मयुसि॥ हे़क्क्याङ् इक्सादिङ् खाम्बेःक्मोबा काक् हाङ्हाॽरे़ खे़न्नु याम्बोःप्मा याःम्बक् मे़जोगु, हे़क्क्याङ् खे़ल्ले़ याम्दादा नु निङ्वाॽतादाबा कुहिङ्मन्निल्ले़ चोगुल्ले़ इक्सादिङ् खाम्बेःक्मोबा ले़ङ्हङ्बाहाॽ साॽरिक् याङ्साकुन्धेसाबा मे़बोःक्खे़रो॥”
यरिक् माःङ्घा लाम्बाए खे़ङ्हाॽरे़ अयुबे़न् मे़निसु कर कुसिङ् निःप्मा मे़न्छुक्तुन्॥ अयुबे़न् कुसिङ् मे़निःत्तुआङ् खे़ङ्हाॽ हाःप्मा नु मे़रिङ् थक्मा मे़हेःक्ते़ हे़क्क्याङ् मिङ्वाःल्ले़ कुधिम् मे़बोःक्खे़र आबाङे खुन्छिॽ तेःत्हाॽ मे़धे़ःक्खुआङ् थे़गेक् सम्दाङ् खाम्हिःक्किन् मे़से़सु॥
सियोनरे़ कुस्सा मे़न्छुमाःल्ले़ कुलाम्लोबाहाॽ मे़म्बाःत्ते स्वाःत्ताङ् खाम्बाङ्ङो हर्जुॽ मे़युङ्लो॥ खे़ङ्हाॽरे़ खुन्छिॽ थे़गेःक्को खाम्हिःक्किन् मे़जुःत्तुआङ् याक्लो हे़क्क्याङ् खे़ङ्हाॽरे़ सगितेत् मे़जाक्खुआङ् मे़वाॽरो॥ यरुसले़ःम्बा मे़न्छ्याहाॽरे़ खुन्छिॽ थे़गेःक्हाॽ खाम्बाङ्ङो थारिक् अःक्खुम् मे़भत्छुआङ् वाॽरो॥
Piblisite