सुफो 17:8 - लिम्बु8 खे़न् के़निसुबा किप्मा के़घुबा थक्साःङ्ग कुहिङ्वे़त् वये़, कर खे़न् आल्लो होप्लो॥ खे़ङ्ग याम्मो कुद्रोःम् मेःन्नेबा लुम्बाःत्तोलाम् थाङ्ङाङ् मे़न्नुप्मनाबा मे़क्माओ पेःक्लो॥ हे़क्क्याङ् कन् इक्सादिङ् खाम्बेःक्माल्ले़न् नावागे़न् चइःत् ने़स्से़आङ्धो हिङ्मन्ले़न् साप्पन्नो खुनिॽ मिङ् मे़म्बप्मना इक्सादिङ् खाम्बेःक्मोबा मे़न्छाम् याप्मिहाॽरे़ कन् के़सिबा किप्मा के़घुबा थक्सान् याम्मो कुहिङ्वे़त् मे़निसुआङ् खुनिॽ निङ्वाॽ मारो॥ Gade chapit la |
सुफो 17:8
28 Referans Kwoze
खे़ने़ॽ निङ्घुम् के़दुमुल्ले़ निङ्वाॽ हाङ्गे़म्सिङ्ङे़ॽओ फाॽआङ् इङ्गाॽ पिने़बा इङ्जाङ्ङिन् ते़न्दिङ् के़जोगुबाल्ले़ चोगुल्ले़ खे़ने़ॽग इक्सादिङ् खाम्बेःक्मो के़दाबा इनोगे़न् पयम् यम्बा तुक्खेलाम् इङ्गाॽ ताङ्से़ःप्ने़ॽरो॥ खे़ङ्ग इक्सादिङ् खाम्बेःक्मो के़वाॽबा काक् मनाहाॽरे़ खुनिॽ नसाःन्निन् साॽसे़ तार पत्लो॥
हे़क्क्याङ् इङ्गाॽ यम्बा चुक्पा काक् के़सिबाहाॽ खे़न् हाङ्युक्ना तगि मे़ये़बे़बा निसुङ्सिङ्, हे़क्क्याङ् खे़प्मो साप्पन्हाॽ मे़हन्दे़॥ खे़प्मो वेॽ साप्पन्धिक्काङ् हन्दे़॥ खे़ङ्ग हिङ्मन्ले़न् साप्पन्लो॥ हे़क्क्याङ् खे़न् साप्पन्हाॽओ साप्ते़आङ् पत्छे़बा के़सिबाहाॽरे़ मे़जोगुबा खुनिॽ याःम्बक् कुइसिक् खुनिॽ खासे़न् पोःक्खे़रो॥
“पानुदिङ् आम्बे, इङ्गाॽ के़बिराङ्बाहाॽ इङ्गाॽनुए सोरिक् मे़वाॽर के़लॽबा निङ्वाॽ चोगुङ्लो॥ हे़क्केलॽरिक् खे़ङ्हाॽरे़ इङ्गाॽ के़बिराङ्बा मिमिदिङ्ङिन् मे़निसुॽरो॥ खे़ने़ॽ इक्सादिङ् खाम्बेःक्माल्ले़ नावागे़न् चइःत् ने़मानुःल्ले़ तगिए इङ्गाॽ लुङ्माॽ के़दुक्ताङ्बाल्ले़ चोगुल्ले़ खे़न् मिमिदिङ्ङिन् के़बिराङ्लो॥
“खे़ब्याङ् कन् कुदाङ्ङिल्ले़ आङ्दिङ् लॽमा पाःन्हाॽ पाःत्तुर पत्छे़बाल्ले़ चोगुल्ले़ आङ्गाॽ ओमे़त्तुङ्ङाङ् पत्छाङ्॥ खे़न् ताम्भुङ् थक्सान् मे़स्ये़रुआङ् मिधुङ् मिराःक्को लाप्मे़देसु हे़क्क्याङ् खे़ल्ले़ कुधक्किन् खाप्पुथ्यःङ् मे़बोःक्खे़न्ल थे़म्बा आङ्गाॽ ओमे़त्तुङ्ङाङ् पत्छाङ्॥
हे़क्क्याङ् खुनिॽ इङ्ले़क् के़मे़प्पा माफे़न्साम्मिन् मिराःक् नु कान्धाक् के़दिःप्पा लुम्बाःत्तो लाप्फुसुरो॥ खे़प्मोग किप्मा के़घुबा थक्सान् नु इङ्ले़क्पा माङ्निङ्वाॽपान् के़बाःप्पे़न्नाङ् तगिसा लाप्मे़भुसुसिआङ् यागे़त्छिरो॥ हे़क्क्याङ् खे़ङ्हाॽग से़न्दिक् ले़न्दिक् सदादिङ् खे़प्मो तुक्खे मे़जारो॥
“खे़न् एगाङ् से़न्दिक् आङ्गाॽ सुफोओ निसुङ् हे़क्क्याङ् आङ्गाॽ आदगि यङ्मा के़गे़प्पा नु किप्मा पघु के़घुबा हे़क्क्याङ् साॽरिक् पधुम् के़धुम्बा लिसिगेक्पा थक्सान् ये़बे़॥ कल्ले़ यम्बयम्बा फे़न्जेॽ कुहाबोॽबाहाॽ युङे़, खे़ल्ले़ सानाःत्तिन् चिघाम् चिघाम् खाम्दुआङ् चदेसु हे़क्क्याङ् के़नम्बे़न् कुलाङ्ङिल्ले़ चिदोॽ चिदोॽ तोॽरु ने़स्सु॥ तगिबा ताम्भुङ् थक्साहाॽनुःल्ले़ खे़न् वेॽ परिक्पा चोगे़ हे़क्क्याङ् खे़ल्ले़ थिबोङ् कुदाङ्हाॽ युङे़॥
Piblisite