अक्खे मे़लॽरो, “आयाक्को, आयाक्को! खे़न् पयम् यम्बा ये़क्यक्किङ्ग नुःब्नुबा नाइनासुःत्, परान्ला नु हे़ःत्के़लॽबा तेत्फुङ्हाॽ चाक्सिङ्ङाङ् साम्म्याङ्हाॽ, इमे़ल्लुङ्बा मुधिङ्लुङ्हाॽ हे़क्क्याङ् ते़क्सेःक्किल्ले़न् वाःत्तिहाॽ के़वाःप्मा मे़न्छुमाॽइन् कुइसिक् साॽरिक् नुबा चोगे़रो॥
सुफो 17:4 - लिम्बु4 हे़क्क्याङ् खे़न् मे़न्छुमाॽइङ्ग परान्ला नु हे़ःत्के़लॽबा चाङ् चाक्सिङ्ङाङ् साम्म्याङ्, मुधिङ्लुङ् नु ते़क्सेःक्लुङ्हाॽ वाःत्छिङ् चोःक्सिङ्ङाङ् वये़रो॥ खे़ल्ले़ कुहुक्को सिक्के़ले़ःङ्बा नु याम्गे़सिङ्बा पाःन्हाॽ हे़क्क्याङ् कुभे़न् याःम्बक्हाॽरे़ के़दिम्बा साम्म्याङ् खोर्यान् पक्खुआङ् वये़रो॥ Gade chapit la |
सुफो 17:4
22 Referans Kwoze
थेआङ्भे़ल्ले़ कुघासे़न्निङ्ग से़क्खाबा नु नुबा चोक्लो, हे़क्क्याङ् याम्बोःप्मा कुयाःम्बक्किल्ले़ इक्सादिङ् खाम्बेःक्मान् के़जिःम्मा खे़न् पयम् यम्मा के़त्निमान् खुम्दिङ् पिरुरो॥ निङ्वाॽफुमाङ्ङिल्ले़ कुसे़वारोबाहाॽ खे़ल्ले़ से़रुसिबाल्ले़ चोगुल्ले़ खे़न् खुम्दिङ् पिरुआङ् वाॽरो॥”
आत्तिन्हाॽरे़आङ् खुनिॽ साम्म्याङ्, युप्पा, मुधिङ्लुङ्, ते़क्सेःक्, हे़क्क्याङ् नुःब्नुबा नाइनासुःत्, परान्ला नु हे़ःत्के़लॽबा तेत्हाॽ, असेःक्खि तेत्, हे़क्क्याङ् काक् परिक्ले़न् कुनाम् के़नुॽबा सिङ्हाॽ, हे़क्क्याङ् तक्मिबाल्ले़ कुगेङ्, इमे़ल्लुङ्बा सिङ्हाॽलाम्, थत्नामाहाॽलाम, फे़न्जेॽलाम नु वाले़ङ्लुङ्लाम् चोःक्मनाबा काक् परिक्ले़न् चिगक्वाहाॽ,
खे़ल्ले़ कुजिःन्जिःन्घुमान् कुसिम्मो खिप्तुरो, खे़ल्ले़ के़दाबा ताप्फे़ःम्बा कुये़न्निन् निङ्वाॽ मे़इःत्तुन्लो॥ खे़ल्ले़ कुमे़क्मे़न् किप्मा के़घुबा चोगे़रो, खे़न् हाङ्हाङ् के़मे़प्पा हाःत्ताङ् होःप्ते़रो॥ “यहवे दाङ्बाए, आङ्गाॽ तुक्खे तुमुङ्बे़न् ओमे़त्ते़ॽओ, थेआङ्भे़ल्ले़ निङ्मिहाॽ के़नाःम्बा मे़बोःक्खे़आङ् वाॽरो॥”
हे़क्क्याङ् थिक्सिगेक्पा माङ्लाइङ्बाल्ले़ कुएगाङ् के़बप्पा निसिगेक्पा माङ्लाइङ्बाल्ले़ अक्खे पाःत्तुर अःक्ते़, “बेबिलोनिन् मे़गे़रो, पयम् यम्बा ये़क्यक्किन् मे़गे़रो॥ खे़न् ये़क्यक्किल्ले़ इक्सादिङ् खाम्बेःक्मोबा के़रे़क् मे़न्छाम् याप्मिहाॽ सिजङ्वाःल्ले़ मयुसिबा कुइसिक् याम्बोःप्माल्ले़ मःसुसिआङ् वाॽरो॥”
खे़ने़ॽ के़आसुत्थोःन्ग चिःन्जिःन्गे़घुबा के़याम्बोःप्मे़न् नु नावाइत्ला से़वा मे़प्मा खे़ने़ॽ के़भे़न्याःम्बक्किन्लो॥ आङ्गाॽ इःङ्मा कोःत्ने़, कर के़न्दे़न्दे़न्लो॥ खे़ल्ले़चोगुल्ले़ आङ्गाॽ आसाक्के़न्निन् खे़ने़ॽ के़दक्ले़ङ्वाओ आसिक्मे़न्जिम्मे थारिक् आल्ल खे़ने़ॽ के़जिःन्जिःन्घुमोए के़वाॽरो॥
यहवे दाङ्बे़ल्ले़ अक्खे पाःत्तुरो, “आङ्गाॽ इस्राइले़न् खोमाग मुरे़क् खारे़क्पा ये़ःङ्घादे़न्नो चे़ल्ले़क्सेॽहाॽ खोमानु कुदङ्बा वये़रो, आङ्गाॽ खिनिॽ पाधे़बाहाॽ निमासि पःत्छेॽ पुङ्ङोबा तगि के़दुम्बा कुजाॽ हे़क्तङ्बा चोगे़रो॥ कर आल्ल खे़ङ्हाॽ बाल-पोरओ मे़बेःल्ले़ खे़ङ्हाॽ खे़न् सिरिङ् आममबा पाःन्नो मे़दोःन्छिङ्लो, हे़क्क्याङ् खे़ङ्हाॽरे़ खुन्छिॽ सिराॽ के़धाङ्बा नावाइत्लान् हे़क्के खे़ङ्हाॽ याम्गे़सिङ्बा मे़बोःक्खे़रो॥
खे़ने़ॽ के़से़वारोबा माङ्निङ्वाॽपान् के़बाःप्पाहाॽलाम् खे़न् आनिगे याप्मि के़बिरे़आङ् वये़॥ खे़न् आनिगे युक्तुम्बे़आङ् युङिगे़बा लाजेन् लत्थिक् आसुत्थो लाजेॽ चोक् फाॽआङ् खे़ङ्हाॽरे़ आनिगे याप्मि मे़मे़त्तिगे़आङ् वये़ थेआङ्भे़ल्ले़ खे़प्मो के़युङ्बा मनाहाॽरे़ खे़न् लाजेन् थिक् कुसुक्पोनु वेॽसमा कुसुक्पो थारिक् याम्गे़सिङ्बा याःम्बक्हाॽरे़ मे़धिम्सुआङ् ने़ःॽ॥
“खे़ल्ले़चोगुल्ले़ खे़ने़ॽ इस्राइलबा मनाहाॽ मे़त्ते़ॽसे़ॽ—‘मुक्साम्दाङ्बा यहवे दाङ्बे़ल्ले़ अक्खे पाःत्तुॽ—खिनिॽ थाःक्थे़बाहाॽरे़ मे़जोगुबा कुइसिक् खिनिॽ आप्फेक् आसुत्थो चोःक्सिङ्मा निङ्सेक् के़जोगुम्बि? चिःन्जिःन्गे़घुबा चइःत्हाॽ से़वा के़मे़त्तुम्सिम्माङ् खिनिॽ आप्फेक् चक्मे़ल्लॽए के़त्निमा याःम्बक् चोःक्मा निङ्वाॽ के़जोगुम्बि?
कर खे़ङ्हाॽरे़ आबाङे खुन्छिॽ लाम्मिन् मे़सेगुआङ् मे़वाॽरो खे़ब्याङ् खे़ङ्हाॽरे़ खुन्छिॽ याम्साम्मिन् आबाङे खुन्छिॽ सिक्के़ले़ःङ्बा याःम्बक्हाॽओ सःत्लो॥ कुम्बाबा पित् वयागे़न् सिदुङ्जभा के़जोःक्पे़ङ्ग मना के़से़प्पा हे़क्तङ्बारो॥ थुःम्बा वयागे़न् सिदुङ्जभा के़जोःक्पे़ङ्ग कोःत्चोःल्ले़ कुनिःङ्मा के़ए़ङ्बा कुइसिःक्लो॥ हाःत्ले़ कुजा सिदुङ्जभा तोःन्दुॽ, खे़ङ्ग फाक्किल्ले़ कुमाक्खिॽ के़दोम्बा कुइसिःक्लो॥ आत्तिल्ले़ साङ्सिङ् सुक्पा हाःन्दु, खे़ङ्ग नावाइत्ला से़वा के़मे़प्पा हे़क्तङ्बारो॥
खे़ने़ॽ निङ्वाॽफुमाङ्ङिल्ले़ कुसिङ्सेॽइक् अदनओ के़वये़रो॥ खे़ने़ॽ के़जाङ्हाॽ कुमे़न् के़घिःक्पा के़रे़क् मुधिङ्लुङ्हाॽरे़ काप्तुबा चोगे़रो, हे़ःक्कङ्गङ्बा मुधिङ्लुङ्, हिःक्यङ्यङ्बा माङ्लुङ्, फुःत्तक्तक्पा मुधिङ्लुङ्, हिःक्कोःम्कोःम्बा मुधिङ्लुङ्, माक्कुम्गुम्बा मुधिङ्लुङ्, लेःत्ताङ्बा मुधिङ्लुङ्, फिङ्दाङ्बा मुधिङ्लुङ्, हिःक्कोःम्कोःम्बा मुधिङ् नु हिःक्यङ्यङ्बा मुधिङ्हाॽ के़रे़क् के़लागि मे़जोगुरो हे़क्क्याङ् साम्म्याङ् इसेःङ्बो मे़दिःक्खुआङ् पत्छे़रो॥ खे़ने़ॽ नावागे़न् चइःत् के़बोःक्खे़बा ये़न्नोए खे़ङ्हाॽ खे़ने़ॽ के़लागि मे़जोगुआङ् वये़रो॥
Piblisite