सुफो 16:19 - लिम्बु19 हे़क्क्याङ् खे़न् पयम् यम्बा ये़क्यक् बेबिलोनिन् खे़ल्ले़क् पःक्खे़र सुम्सि लक्को हासिङ्लो, हे़क्क्याङ् इक्सादिङ् खाम्बेःक्मोबा काक् लाजेॽबा ये़क्यक्हाॽ थ्यःङ् पोःक्खे़रो॥ बेबिलोनरे़ काक् कुलायोहाॽ निङ्वाॽफुमाङ्ङिल्ले़ इतुआङ् किप्मा के़घुबा कुसाक्के़न्निल्ले़ के़दिम्बा खोर्यालाम् खे़न् थुङ्मा पाङ्घुरो॥ Gade chapit la |
सुफो 16:19
15 Referans Kwoze
हे़क्क्याङ् खे़ल्ले़ पयम् यम्बा इक्लाओ अक्खेलॽरिक् पाःत्तुर अःक्ते़रो, “बेबिलोनिन् मे़गे़रो, पयम् यम्बा ये़क्यक्किन् मे़गे़रो! खे़न् आल्ल लेःत्छाम् फुङ्साम् नु फे़न्साम्हाॽरे़ खुनिॽ वाॽमा ते़न् पोःक्खे़आङ् वाॽ॥ खे़प्मोग काक् परिक्ले़न् सिक्के़ले़ःङ्बा नु आसुत्थो पुहाॽ याङ्मे़धोःक्लो॥
खे़ब्याङ् थाङ्गे़त् पिसाङ्बा, निःत्ताङ् नु माःङ्घा के़युङ्बा के़रे़क् हाङ्हाॽ, थिक्थिक् लॽरिक् आबाङे नु के़रे़क् हाङ्हाॽ इक्सादिङ् खाम्बेःक्मो के़वाॽबा के़रे़क् सुवाङ्हाॽ खे़न् खोर्यान् मे़धुङुर याःन्दुङ्सिङ्॥ के़रे़क्नुःल्ले़ एगाङ् बेबिलोनबा हाङ्ङिल्ले़आङ् आसिक्किल्ले़ के़दिम्बा खे़न् खोर्यान् थुङुॽ॥
खे़निॽ तुक्खे के़जाःप्पाहाॽ आङ्गाॽ खुन्छिॽ आबाङे ने़क्सान् चामा पाङ्घुङ्सिङ्लो॥ चे़ल्ले़क्सेॽ थिःल्ले़ मयुसिबा हे़क्के खे़ङ्हाॽ आबाङे खुन्छिॽ माक्खिल्ले़ मयुसिरो॥ हे़क्केलॽरिक् इक्सादिङ् खाम्बेःक्मोबा के़रे़क् मे़न्छाम् सुवाङ्हाॽरे़ आङ्गाॽए खे़ने़ॽ के़यहवे दाङ्बा के़से़न्लप्दाङ्बाआ, के़मे़ल्लुङ् के़हुङ्बाआङ् के़धे़ॽबा याकुबरे़ कुमुक्साम्दाङ्बा कुनिङ्वाॽफुमाङ्आ फाॽआङ् निङ्वाॽ मे़घोसुरो॥”
हे़क्क्याङ् खोर्याहाॽ के़गप्पा खे़न् नुसि माङ्लाइङ्बाहाॽओ थिक्पा फे़रे़आङ् अक्खे मे़त्ताङ्, “फे़रे़ॽ, इङ्गाॽ खे़ने़ॽ खे़न् कुइङ् कुनाम् के़से़मा के़त्निमाल्ले़ खोमा के़बोङ्बा खुम्दिङ्ङिन् ओसेःन्धाक्ने़ॽरो॥ खे़न् के़त्निमान् यरिक् च्वाःत्तिल्ले़ कुबेसाङ् के़ने़बा यम्बा ये़क्यक्किन्लो॥
Piblisite