सुफो 16:14 - लिम्बु14 खे़ङ्हाॽग निङ्वाॽ के़माबा याःम्बक् के़जोःक्पा फे़न्साम्सिरो॥ खे़ङ्हाॽ इक्सादिङ् खाम्बेःक्मोबा काक् हाङ्हाॽओ मे़बेःक्काङ् मुक्साम्दाङ्बा निङ्वाॽफुमाङ्ङिल्ले़ पयम् यम्बा कुये़न्नो थङ् चोःक्से़ खे़ङ्हाॽ मे़सुप्सु मे़दारुसिॽ॥ Gade chapit la |
सुफो 16:14
33 Referans Kwoze
हे़क्क्याङ् खे़न् इक्सादिङ् खाम्बेःक्मो लन् थाङ्ङाङ् काक् पिसाङ्बा के़रे़क् मे़न्छाम् सुवाङ्हाॽ—“गोग” नु “मागोग” मे़प्मनाबा मे़न्छाम् सुवाङ्हाॽ—इङ्ले़क्तुसिआङ् निङ्वाॽफुमाङ्ङिल्ले़ सेसे कुमनाहाॽरे़ खुनिॽ तक्ले़ङ्वाओ थङ् चोःक्मारे़ लागि सुप्सुसिरो॥ खे़ङ्हाॽग आत्तात्तान्ने ये़ःङ्घा कुइसिक् निःप्मा सुक्मे़न्दे़प्मनाबा मे़जोक्लो॥
खिनिॽ पाःङ्ग माफे़न्साम्लो हे़क्क्याङ् खुने़ॽ हे़क्केए चोःक्मा खिनिॽ सिराॽथाङ्लो॥ खे़ङ्ग तोलिङ्सोमुआङ्धोए मे़न्छाम् याप्मि के़से़प्पा वये़॥ खे़ल्ले़ से़क्खान् चिःत्तुॽरो, थेआङ्भे़ल्ले़ से़क्खान् खुने़ॽओ होप्लो॥ खुने़ॽ ताप्फे़ःम्बा कुसुत्नाःन् कुइसिःक्के इङ्ले़क् पाःत्लो, थेआङ्भे़ल्ले़ खुने़ॽग इङ्ले़क् के़बाःप्पा हे़क्क्याङ् इङ्ले़क्के पाःन्हाॽरे़ कुम्बारो॥
खे़ने़ॽ निङ्घुम् के़दुमुल्ले़ निङ्वाॽ हाङ्गे़म्सिङ्ङे़ॽओ फाॽआङ् इङ्गाॽ पिने़बा इङ्जाङ्ङिन् ते़न्दिङ् के़जोगुबाल्ले़ चोगुल्ले़ खे़ने़ॽग इक्सादिङ् खाम्बेःक्मो के़दाबा इनोगे़न् पयम् यम्बा तुक्खेलाम् इङ्गाॽ ताङ्से़ःप्ने़ॽरो॥ खे़ङ्ग इक्सादिङ् खाम्बेःक्मो के़वाॽबा काक् मनाहाॽरे़ खुनिॽ नसाःन्निन् साॽसे़ तार पत्लो॥
खे़न् किप्मा के़घुबा थक्साःल्ले़ थिक् कुधेगेःक्पे़न् सिमालिङ्धोओ के़रे़र थारिक् काःन्दे़आङ् पत्छे़बा निदे़त्ते़, कर याङ्सि खे़न् के़गाःम्बा याङ्घेःक्किन् वेःत्ते़रो॥ हे़क्क्याङ् इक्सादिङ् खाम्बेःक्मोबा काक् मे़न्छाम्गे़न् याप्मिहाॽरे़ खे़न् मे़निसुआङ् खुनिॽ निङ्वाॽ मये़र खे़न् किप्मा के़घुबा थक्सान् मे़दिम्दुरो॥
“‘हे़क्क्याङ् कुभा माङ्निङ्वाॽपान् के़बाःप्पान् इङ्घङ् पिमारे़ लागि इङ्ले़क्को थ्ये़आङ् वाॽने़भग्र, कङ्ग आङ्गाॽ यहवे दाङ्बे़ल्ले़ खे़न् माङ्निङ्वाॽपान् के़बाःप्पे़न् इङ्ले़क्को थासुङ्ङाङ् वाॽबाल्ले़ चोगुल्ले़ हे़क्के पोःक्खे़बारो॥ अक्तङ्बा माङ्निङ्वाॽपान् के़बाःप्पान् आङ्गाॽ आहुक्किल्ले़ साःप्सुङ्ॽ, हे़क्क्याङ् इस्राइलबा सङ्जुम्भोलाम् खे़न् मे़क्खुङ्ॽ॥
कल्ले़चोगुल्ले़ इस्राइलबा हाङ् आहाबरे़ किप् लिसि यारिक् माङ्निङ्वाॽपान् के़बाःप्पाहाॽ सुप्सुसिआङ् खे़ङ्हाॽ सेःन्दोसुसि, “आङ्गाॽ रामोत-गिलादरे़ कुदक्ले़ङ्वाओ थङ् चोःक्से़ पेःक्काबि मे़बेःक्कान्बि?” खे़ङ्हाॽरे़ खुने़ॽ मे़मे़त्तु, “पेगे़ॽ, थेआङ्भे़ल्ले़ यहवे दाङ्बे़ल्ले़ हाङ्ङिन् खे़न् हुक्सुप्तुॽ॥”
Piblisite