हे़क्क्याङ् थिक्सिगेक्पा माङ्लाइङ्बान् पेआङ् कुघोर्यान् खाम्बेःक्मो हुक्खु, हे़क्क्याङ् खे़न् किप्मा के़घुबा थक्साःल्ले़ इबुगे़न् कुमिक्सेःन्निन् के़लक्पा नु कुनावाइत्लान् सेसे माङ्गे़घःबाहाॽ याम्गे़सिङ्बा नु साॽरिक् के़दुक्पा याङ्घेःक्किल्ले़ खुनिॽ थक्किन् सिदे़प् ते़प्तुर लःन्दे़रो॥
सुफो 15:7 - लिम्बु7 हे़क्क्याङ् लिसि कुहिङ्वे़त् पाथुङ्साहाॽओ थिक्किल्ले़ खे़न् काक् नुसि माङ्लाइङ्बाहाॽ सदादिङ् सदादिङ् के़हिङ्बा निङ्वाॽफुमाङ्ङिल्ले़न् किप्मा के़घुबा कुसाक्किल्ले़ के़दिम्बा नुसि साम्म्याङ् खोर्याहाॽ पिरुसिरो॥ Gade chapit la |
सुफो 15:7
13 Referans Kwoze
खे़न् साप्कित्तिन् याङ्सिङ्ङिल्ले़ लिसि कुहिङ्वे़त् पाथुङ्साहाॽ नु ने़त्-लि (२४) तुम्लाम्लोबाहाॽ मे़ल्लुक्साःल्ले़ कुदगि साम्बोन् मे़भन्छिङ्॥ खे़न् के़रे़क्ले़ खुनिॽ हुक्को साराङ्गि हे़क्तङ्बा मुक्ला नु साङ्सिङ्रे़ के़दिम्बा साम्म्याङ् खोर्याहाॽ मे़गत्तु॥ खे़न् साङ्सिङ्ङिङ्ग निङ्वाॽफुमाङ्ङिल्ले़ सेसे कुयाप्मिहाॽरे़ खुनिॽ तुवारो॥
निङ्वाॽफुमाङ्ङिल्ले़ कुहुक्को लत्छा खोर्याधिक् कत्तुरो, खे़न् खोर्याओ कुसाक्के़न्निल्ले़ मारुक् फःम्मना याक्मनाबा कुबुःत्थुङ्वा चिहचिह के़लॽबा सेजङ्वान् कुले़ःम् याक्लो॥ खुने़ॽ खे़न् खोर्यान् हुक्खुरो हे़क्क्याङ् इक्साबा के़रे़क् फे़न्याःम्बक् के़जोःक्पाहाॽरे़ खे़न् खत्त्रे़क् ले़ङ्ल मे़धुङुरो॥
हे़क्क्याङ् खोर्याहाॽ के़गप्पा खे़न् नुसि माङ्लाइङ्बाहाॽओ थिक्पा फे़रे़आङ् अक्खे मे़त्ताङ्, “फे़रे़ॽ, इङ्गाॽ खे़ने़ॽ खे़न् कुइङ् कुनाम् के़से़मा के़त्निमाल्ले़ खोमा के़बोङ्बा खुम्दिङ्ङिन् ओसेःन्धाक्ने़ॽरो॥ खे़न् के़त्निमान् यरिक् च्वाःत्तिल्ले़ कुबेसाङ् के़ने़बा यम्बा ये़क्यक्किन्लो॥
Piblisite