सुफो 15:4 - लिम्बु4 यहवे दाङ्बाए, खे़ने़ॽग हाःत्ले़ के़ङ्गित्ने़न्बे? हे़क्क्याङ् हाःत्ले़ के़नारा मे़भोसुम्बे? थेआङ्भे़ल्ले़ खे़ने़ॽरक् सेसेबा के़जोक्॥ काक् मे़न्छाम् सुवाङ्हाॽ मे़दाआङ् खे़ने़ॽ से़वा के़म्जोःक्लो, थेआङ्भे़ल्ले़ साम्योबा के़याःम्बक्किन् ओसेःन्दाङ् पोःक्खे़आङ् वाॽरो॥” Gade chapit la |
सुफो 15:4
44 Referans Kwoze
“नाम्गे़त् पिसाङ् नु नाम्धा पिसाङ् थारिक् के़रे़क् मे़न्छाम् सुवाङ्लुम्मो आङ्गाॽ आमिङ्ङिन् पयम् यम्बा पोङ्ॽ॥ के़रे़क् ते़न्हाॽओ आङ्गाॽ आमिङ्ङो मे़न्छाम् सुवाङ्हाॽरे़ सुक्पा मे़हाःन्दुॽ हे़क्क्याङ् सुत्थो हुक्सोयाङ् मे़दारुॽ, थेआङ्भे़ल्ले़ के़रे़क् मे़न्छाम् सुवाङ्हाॽरे़ आङ्गाॽ मिङ्सो इङ्धाङ् मे़बिआरो,” मुक्साम्दाङ्बा यहवे दाङ्बे़ल्ले़ पाःत्तुॽ॥
हे़क्क्याङ् नुसिगेक्पा माङ्लाइङ्बाल्ले़ कुधुत्थुरिःप्पे़न् मुःत्तुल्ले़ साङ्ग्राम्पेदाङ्ङो यम्बा इक्लाहाॽ अक्खेलॽरिक् त्ये़रो, “काक् इक्सादिङ् खाम्बेःक्मान् आनिॽ दाङ्बा नु निङ्वाॽफुमाङ्ङिल्ले़ सेःन्दुबा ख्रिस्ते़ल्ले़ कुहाङ्जुम् पोःक्खे़आङ् वाॽरो॥ हे़क्क्याङ् खुने़ॽ चक्मे़ल्लॽए सदादिङ् सदादिङ् हाङ् चोगुॽरो॥”
खे़ल्ले़ यम्बा इक्लाओ अक्खे पाःत्तु, “निङ्वाॽफुमाङ्ङिन्नु किसे़म्मे़ॽआङ् मिमिदिङ् पिरे़म्मे़ॽओ, थेआङ्भे़ल्ले़ खुने़ॽ कुघासे़न् चोःक्मा ये़म्मिन् त्ये़आङ् वाॽरो॥ तरःङ्दिङ् ताङ्साक्पे़न्, इक्सादिङ् खाम्बेःक्मान्, वरःङ् नु च्वाःत्तिल्ले़ कुबुन्हाॽरे़न् नावागे़न् चइःत् के़ने़बान् से़वा चोगे़म्मे़ॽओ॥”
खे़न् लिसि कुहिङ्वे़त् पाथुङ्साहाॽरे़ खुनिॽ नासिङ्गे़न् थक्को तुक्सि लाप्हाॽ मे़बत्छे़, हे़क्क्याङ् खुनिॽ नासिङ्गे़न् थक्किन् नु लाप्पिल्ले़ कुधिम् काक् पिसाङ् मिक् इस्सेःङ् पत्छे़रो॥ खे़ङ्हाॽ से़न्दिक् ले़न्दिक् चक्मे़ल्लॽए अक्खे मे़बाःत्तुर साम्मे़लोःॽ, “मुक्साम्दाङ्बा निङ्वाॽफुमाङ्ङिन् सेसे, सेसे, सेसेबा चोक्लो॥ खुने़ॽ उनाहुरिओ वये़, आल्लोआङ् वाॽ, हे़क्क्याङ् ताःन्दिआङ् तारो॥”
थेआङ्भे़ल्ले़ कुघासे़न्निङ्ग से़क्खाबा नु नुबा चोक्लो, हे़क्क्याङ् याम्बोःप्मा कुयाःम्बक्किल्ले़ इक्सादिङ् खाम्बेःक्मान् के़जिःम्मा खे़न् पयम् यम्मा के़त्निमान् खुम्दिङ् पिरुरो॥ निङ्वाॽफुमाङ्ङिल्ले़ कुसे़वारोबाहाॽ खे़ल्ले़ से़रुसिबाल्ले़ चोगुल्ले़ खे़न् खुम्दिङ् पिरुआङ् वाॽरो॥”
से़न्दिक् आङ्गाॽ आसक्मा साम्मिल्ले़ खे़ने़ॽ के़हङ्लो, तानाम् आङ्गाॽ आयाम्साम्मिल्ले़ खे़ने़ॽ चाहाब् के़जोःक्लो॥ हे़क्क्याङ् खे़ने़ॽ के़घासे़न्निन् इक्सादिङ् खाम्बेःक्को ओसेःन्धाङ् पोङ्लो, खे़ब्याङ् इक्सादिङ् खाम्बेःक्कोबा मे़न्छाम् सुवाङ्हाॽरे़ साम्योबा पाःन्हाॽ मे़हुॽसिङ्लो॥
हे़क्क्याङ् निङ्वाॽफुमाङ्ङिल्ले़ थिम्मे़न्दङ् सुवाङ्हाॽ लुङ्माॽ तुक्तुसिबाल्ले़ चोगुल्ले़ खे़ङ्हाॽरे़ खुने़ॽ कुमिमिदिङ् मे़जोगुर फाॽआङ् खुने़ॽ त्ये़बारो॥ अक्खेलॽरिक् निङ्वाॽफु साम्लोसुम् के़साप्पाल्ले़ साप्तुआङ् पत्, “खे़ल्ले़चोगुल्ले़ थिम्मे़न्दङ् सुवाङ्हाॽरे़ खुनिॽ लुम्मो इङ्गाॽ ने़म्भोगे़न् के़नारा फोसुङ्लो, हे़क्क्याङ् के़मिङ्सो इङ्धाङ् के़जोःक्पा से़वासाम्लोन् साम्मे़त्तुङ्लो॥”
यहवे दाङ्बाए, खे़ने़ॽ उनाहुरिआङ्धोए के़न्वाॽने़न्बि? आनिङ्वाॽफुमाङ्ङे, आसेसेबाए, आनिगे आग्से़प्पाबि? यहवे दाङ्बाए, खासे़न् चोःक्मा याःम्बक्ले़ लागि खे़ने़ॽ खे़ङ्हाॽ युक्तिङ् के़जोगुसिआङ् मे़वाॽरो, आसे़ःप्सिङ्मा याक्पेॽए, आनिगे खुम्दिङ् पिमारे़ लागि खे़ने़ॽ खे़ङ्हाॽ माङ्थोःक्ना के़बिरुसिआङ् मे़वाॽरो॥
“हे़क्क्याङ् फिलादेल्फियाबा सेसेहुप्लक्कोबा माङ्लाइङ्बान् कन् इङ्घङ्ङिन् साप्ते़ॽओ॥ कन् इङ्घङ्ङिन् सेसे नु से़क्खाबा हे़क्क्याङ् दाउद हाङ्ङिल्ले़ कुदिमिक् के़गप्पे़ल्ले़ पाःत्तुबारो॥ खुने़ॽ हन्दुबान् हाःत्ले़आङ् सुप्मा मे़सुक्तुन्, हे़क्क्याङ् खुने़ॽ सुबुबान् हाःत्ले़आङ् हम्मा मे़सुक्तुन्लो॥
यहवे दाङ्बाए, आमुक्साम् नु आहाङ्यक्के, तुक्खेवा ये़न्नोबा आइःम्सिङ्मादे़न्ने़, इक्सादिङ् खाम्बेःक्माल्ले़ कुया नु कुसुक्पोलाम्बा मे़न्छाम् सुवाङ्हाॽ खे़ने़ॽओ मे़दारो हे़क्क्याङ् खे़ङ्हाॽरे़ मे़बाःत्तुरो, “आनिगे पाधे़बाहाॽनुग इङ्ले़क्पा साम्माङ्हाॽ नु हने़बा नावाइत्लाहाॽरक् मे़वये़रो कर वेॽ थेआङ् होःप्ते़रो॥
आङ्गाॽ यहवे दाङ्बाआ, खिनिॽ आङ्गाॽनु किमा मे़बोङ्ने़न्बि? आङ्गाॽ आदगि थेआङ् थे़गक्कक्ना के़न्यक्खिन्बे? आङ्गाॽ वरःङ्ङिल्ले़ लागि ये़ःङ्घाःन् इःन्दो ने़स्सुङ् पिरुङ्ङाङ् ने़रो॥ खे़न् वरःङ्ङिल्ले़ काःक्मा मे़न्छुक्मना लत्छा तधप् मे़ल्लॽमनाबा कुधेःक्मा पोःक्खे़आङ् ने़रो॥ वरःङ्ङोबा वाभे़ल्ले़ङ्हाॽ पोःक्पिलारो कर खे़न् इःन्दोन् काःक्मा मे़सुक्तुन्लो॥ खे़न् वाभे़ल्ले़ङ्हाॽ यम्बा सःक्पिलारो कर खे़न् हमाआङ् काःक्मा मे़सुक्तुन्लो॥
Piblisite