थेआङ्भे़ल्ले़ तुक्सि ये़न्नो यहवे दाङ्बे़ल्ले़ ताङ्साङ्बा, इक्सादिङ् खाम्बेःक्मा, वरःङ् नु खे़प्मो के़याक्पा के़रे़क् पाःन्हाॽ चोगु, कर नुसिगेक्पा ये़न्नो खुने़ॽ नाःम्सिङ्॥ खे़ल्ले़चोगुल्ले़ यहवे दाङ्बे़ल्ले़ नाःम्सिङ्मा ये़न्निन् हाङ्वागे़न् मुॽइसाम् पिरु, हे़क्क्याङ् खे़न् सेसे चोगु॥
सुफो 14:7 - लिम्बु7 खे़ल्ले़ यम्बा इक्लाओ अक्खे पाःत्तु, “निङ्वाॽफुमाङ्ङिन्नु किसे़म्मे़ॽआङ् मिमिदिङ् पिरे़म्मे़ॽओ, थेआङ्भे़ल्ले़ खुने़ॽ कुघासे़न् चोःक्मा ये़म्मिन् त्ये़आङ् वाॽरो॥ तरःङ्दिङ् ताङ्साक्पे़न्, इक्सादिङ् खाम्बेःक्मान्, वरःङ् नु च्वाःत्तिल्ले़ कुबुन्हाॽरे़न् नावागे़न् चइःत् के़ने़बान् से़वा चोगे़म्मे़ॽओ॥” Gade chapit la |
सुफो 14:7
44 Referans Kwoze
हे़क्क्याङ् इस्राइलिहाॽरे़ अक्खेलॽरिक् पेलिगे़न् तुवा मे़जोगुरो— “निङ्वाॽफुमाङ्ङे, खे़ने़ॽरक् यहवे दाङ्बा के़वाॽरो, खे़ने़ॽ खेसे-खेःम्सिक्पाहाॽ, ताङ्साक्पा नु साङ्ग्राम्पेदाङ्ङिन् के़जोगुरो॥ खे़ने़ॽ इक्सादिङ् खाम्बेःक्मान्, वरःङ्हाॽ नु खे़प्मो के़याक्पा के़रे़क् के़जोगुसिरो, खे़ङ्हाॽ के़रे़क् खे़ने़ॽ हिङ्मन् के़बिरुसिरो॥ साङ्ग्राम्पेदाङ्बा मुक्साम्हाॽ अःक्खुम् मे़बत्ताङ् खे़ने़ॽ से़वा के़म्मे़त्लो॥
मे़न्छाम् सुवाङ्हाॽ खे़ने़ॽनु खुनिॽ याःक्ले़ॽरे़आङ् वाॽ, कर आल्ल खे़ने़ॽ के़सिक् पोःक्मा ये़म् के़रे़आङ् वाॽ॥ के़सिबाहाॽ खासे़न् चोःक्मासि ये़म् त्ये़आङ् वाॽ॥ हे़क्क्याङ् खे़ने़ॽनु के़गिबा चुक्सा नु यम्बा, माङ्निङ्वाॽपान् के़बाःप्पा के़से़वारोबाहाॽ हे़क्क्याङ् के़सेसे मनाहाॽ हाङ्से़म् पिमासि सुये़म् त्ये़आङ् वाॽ॥ आल्ल इक्सादिङ् खाम्बेःक्मान् के़मे़ङ्बाहाॽ मे़ङ्मासि ये़म्माङ् त्ये़आङ् वाॽरो॥”
“खे़ने़ॽग आनिगे दाङ्बा नु निङ्वाॽफुमाङ्ने़ॽरो॥ खे़ने़ॽग मिमिदिङ् नु मिङ्सो इङ्धाङ् हे़क्क्याङ् मुक्साम्रे़न् नारा फोसुम्बे़बा आनिगे सेवागे़न् साम्लोन् ताःक्मा सुम्बोधासाबा के़जोःक्लो, थेआङ्भे़ल्ले़ खे़ने़ॽग काक् पाःन्हाॽ नावागे़न् चइःत् के़जोगु, हे़क्क्याङ् सिक्कुम्दिङ् के़निङ्वाॽलाम् खे़ङ्हाॽ मे़बोःक्खे़, हे़क्क्याङ् हिङ्मन् के़बिरुसिआङ् वाॽरो॥”
हे़क्क्याङ् आम्भा खे़न् ये़म्मो पयम् यम्बा किप्मा के़घुबा लुप्लि थाङे़आङ् खे़न् ये़क्यक्किन् थिबोङ्लक् यरे़ल्ले़ हे़न्छिङ् नुसि (७,०००) मनाहाॽ हदॽ मे़स्ये़रो॥ हे़क्क्याङ् मे़न्छिःम्ना काक् मनाहाॽ साॽरिक् मे़गिसे़आङ् साङ्ग्राम्पेदाङ्बा निङ्वाॽफुमाङ्ङिन् मुक्साम्दाङ्बा चोक् फाॽआङ् मिमिदिङ् मे़बिरुरो॥
“आदाङ्बासे, कन् थे चोःक्मा के़इःत्तुम्बाबे? आन्छिगेग बा खिनिॽ हे़क्के मे़न्छाम्गे़न् याप्मिसिगे़रो! खिनिॽ कन् हने़बा नावाइत्लान् से़वा चोःक्मा ले़रे़म्मे़ॽआङ् ताङ्साक्पे़न्, इक्सादिङ् खाम्बेःक्मान्, वाहङ्हाॽ हे़क्क्याङ् खे़प्मो के़वाॽबा के़रे़क् पाःन्हाॽ नावागे़न् चइःत् के़ने़बा आजुनि निङ्वाॽफुमाङ्ङिल्लो नुःक्खे़म्मे़ॽ फाॽआङ् सुनाइङ् इङ्भन् चोःक्से़ आन्छिगे कप्मो त्ये़त्छिगे़बारो॥
दाङ्बे़ल्ले़ अक्खे पाःत्तुरो, “थुत्तुरिःप्पे़न् खिनिॽ मुराओ फत्छे़म्मे़ॽआङ् मुःत्ते़म्मे़ॽओ! कक्कफिःक्मा थिक् यहवे दाङ्बे़ल्ले़ कुहिम् सम्धाङ् सुःक् युरो! थेआङ्भे़ल्ले़ मनाहाॽरे़ आङ्गाॽ आमाङ्हुप्पिन् मे़भेःन्दुआङ् वाॽरो, खे़ब्याङ् आसाम्यो थिम्मिल्ले़ कुदक्ले़ङ्वाओ पिफ्युङ्बा मे़बोःक्खे़आङ् मे़वाॽरो॥
कर यहवे दाङ्बाए, खे़ने़ॽग से़क्खाबा निङ्वाॽफुमाङ्ने़रो, खे़ने़ॽग कुहिङ्वे़त् निङ्वाॽफुमाङ्ने़रो हे़क्क्याङ् नुप्मे़न्दिङ्बा पयम् यम्बा हाङ्ने़रो॥ खे़ने़ॽ के़याःक्ले़ॽइल्ले़ इक्सादिङ् खाम्बेःक्मान् लोःक्खुरो॥ इक्सादिङ् खाम्बेःक्मोबा आत्तिन् मे़न्छाम् सुवाङ्हाॽआङ् के़सिक् पोःक्किल्ले़ के़दगि ये़प्मा मे़न्छुक्ने़न्लो॥”
ताङ्साङ्बे, सःत्ते़ॽआङ् साम्लोरे़ॽओ, थेआङ्भे़ल्ले़ यहवे दाङ्बे़ल्ले़ हे़क्के चोगुआङ् वाॽरो॥ इक्सादिङ् खाम्बेःक्माए, यम्बा इक्लाओ अःक्ते़ॽओ, थे़गुसे, ताम्भुङ् नु खे़ॽयोबा के़रे़क् सिङ्बुङ्से, खे़म्गे़दे़प्पा इक्लाओ साम्लोरे़म्मे़ॽओ, थेआङ्भे़ल्ले़ यहवे दाङ्बे़ल्ले़ कुमे़ल्लुङ् हुङुआङ् याकुबे़न् थे़ॽरुआङ् वाॽरो, खुने़ॽ आबाङे इस्राइलओ कुमिमिदिङ्ङिन् ओःन्धाक्तुसिॽरो॥
“सियोनबा मनाहाॽओ सुनाइङ् के़से़बासे, खे़निॽ केःम्बा नाङ्जङ्लुङ्ङो पेगे़म्मे़ॽओ॥ यरुसले़म ये़क्यक्पा मनाहाॽ सुनाइङ् इङ्भन् के़हाबासे, साॽरिक् अःक्ते़म्मे़ॽओ, अःक्ते़म्मे़ॽओ, मे़गिसे़म्मिन्ने़ॽओ॥ यहुदा पाङ्जुम्मोबा मनाहाॽ मे़त्ते़म्सिम्मे़ॽओ, ‘ओमे़त्ते़म्मे़ॽ, खे़निॽ निङ्वाॽफुमाङ्ङिन् हाबा कॽयो वाॽरो!’
खिनिॽ थक्को के़लःम्बा फक्वाले़ःङ्वा याङ्घेःक् हे़क्तङ्बा ङासि साम्म्याङ् इःत्हाॽ नु पलिस्ति लाजेन् थ्यःङ् के़जोःक्पा सुबा चइःत्हाॽ चोगे़म्से़ॽ, हे़क्क्याङ् इस्राइलबा निङ्वाॽफुमाङ्ङिन् मिङ्सो इङ्धाङ् पिराम्मे़ॽ॥ हे़क्के के़जोगुम्ने़फग्र खुने़ॽ खे़निॽ, खे़निॽ माङ्हाॽ नु खे़निॽ लाजेन् खुम्दिङ् पिमा ले़रु॥
खे़ल्ले़ मे़त्तु, “खे़न् चुक्पे़न् हुक्मे़याक्ते़न्ने़ॽओ, हे़क्क्याङ् खे़न् थेआङ् मे़मे़त्ते़न्ने़ॽओ॥ खे़ने़ॽ निङ्वाॽफुमाङ्ङिन्नु के़गिरत्छ के़लॽबान् आल्ल आङ्गाॽ निङ्वाॽ खोसुङ्लो, थेआङ्भे़ल्ले़ खे़ने़ॽ के़स्सा, लत्थिक्थिक् के़स्साःन्नाङ् आङ्गाॽलाम् के़न्दाङ्घुन् के़न्युक्खुल्लो॥”
हे़क्क्याङ् खे़ङ्हाॽरे़ खाम्हिःक्किन् खुनिॽ थे़गेक् सम्दाङ् मे़जुःत्छिङ्ङाङ् मे़हाःप्ल, मे़भिःक्ल, मे़रिङ् थक्नु अक्खे मे़बाःत्तुॽरो, “आयाक्को, आयाक्को! कन् पयम् यम्बा ये़क्यक्कोग, यरिक् वालाधा दाङ्बाहाॽरे़ खे़ल्ले़ कुयाङ्साकुन्धेलाम् याङ्साकुन्धेसाबा मे़बोःक्खे़रो॥ कर सप्फारे़सा खे़न् ये़क्यक्किन् काक् मे़गे़रो॥
खे़निॽ के़जोगुम् के़बाःत्तुम्बा याःम्बक्कोलाम् आङ्गाॽ मिङ्सो इङ्धाङ् आग्बिरिर पोङ्ॽ॥ आङ्गाॽ पाःत्तुङ्बा पाःन्निन् खे़निॽ के़ङ्घे़प्सुम्मिन्ने़भग्र आङ्गाॽ खे़निॽ सम्धाङ् माङ्दे थासुङ्ॽ॥ खे़निॽ के़घोसुम्बा मुॽइसाम् पाःन्हाॽओ साङ्ग्रा माङ्दे थासुङ्ॽ॥ कुजे़क्काङ्ङिल्ले़, खे़निॽ खे़न् के़घोसुम्बा मुॽइसाम्हाॽओ आसेःन्छा साङ्ग्रा थासुङ्ङाङ् वाॽ थेआङ्भे़ल्ले़ आङ्गाॽ आइङ्जाङ्ङिन् सिङ्सिङ् ये़क्ये़क्काङ् के़ङ्घे़प्सुम्ने़न्॥
Piblisite