सुफो 14:10 - लिम्बु10 खे़ल्ले़ग थेआङ् मे़म्भुत्तेबा निङ्वाॽफुमाङ्ङिल्ले़ किप्मा के़घुबा कुसाक्किल्ले़न् खोर्याःन्लाम् थुङ्माए पोङ्लो॥ हे़क्क्याङ् खे़ङ्ग मे़ल्लुक्सान् नु सेसे माङ्लाइङ्बाहाॽरे़ खुनिॽ तगि कान्धाक् नु मिःल्ले़ लाबुर तुक्खे चारो॥ Gade chapit la |
सुफो 14:10
45 Referans Kwoze
हे़क्क्याङ् खे़न् पयम् यम्बा ये़क्यक् बेबिलोनिन् खे़ल्ले़क् पःक्खे़र सुम्सि लक्को हासिङ्लो, हे़क्क्याङ् इक्सादिङ् खाम्बेःक्मोबा काक् लाजेॽबा ये़क्यक्हाॽ थ्यःङ् पोःक्खे़रो॥ बेबिलोनरे़ काक् कुलायोहाॽ निङ्वाॽफुमाङ्ङिल्ले़ इतुआङ् किप्मा के़घुबा कुसाक्के़न्निल्ले़ के़दिम्बा खोर्यालाम् खे़न् थुङ्मा पाङ्घुरो॥
निङ्वाॽफुमाङ्ङिल्ले़ कुहुक्को लत्छा खोर्याधिक् कत्तुरो, खे़न् खोर्याओ कुसाक्के़न्निल्ले़ मारुक् फःम्मना याक्मनाबा कुबुःत्थुङ्वा चिहचिह के़लॽबा सेजङ्वान् कुले़ःम् याक्लो॥ खुने़ॽ खे़न् खोर्यान् हुक्खुरो हे़क्क्याङ् इक्साबा के़रे़क् फे़न्याःम्बक् के़जोःक्पाहाॽरे़ खे़न् खत्त्रे़क् ले़ङ्ल मे़धुङुरो॥
हे़क्क्याङ् खुनिॽ इङ्ले़क् के़मे़प्पा माफे़न्साम्मिन् मिराःक् नु कान्धाक् के़दिःप्पा लुम्बाःत्तो लाप्फुसुरो॥ खे़प्मोग किप्मा के़घुबा थक्सान् नु इङ्ले़क्पा माङ्निङ्वाॽपान् के़बाःप्पे़न्नाङ् तगिसा लाप्मे़भुसुसिआङ् यागे़त्छिरो॥ हे़क्क्याङ् खे़ङ्हाॽग से़न्दिक् ले़न्दिक् सदादिङ् खे़प्मो तुक्खे मे़जारो॥
हे़क्क्याङ् खे़न् किप्मा के़घुबा थक्सान् नु खुने़ॽ कुदगि निङ्वाॽ के़माबा याःम्बक् के़जोःक्पा खे़न् इङ्ले़क्पा माङ्निङ्वाॽपान् के़बाःप्पे़न् मे़दे़म्सुसिरो॥ खे़ल्ले़ मुक्साम्रे़ कुधिम्बा निङ्वाॽ के़माबा याःम्बक्हाॽरे़ खे़न् किप्मा के़घुबा थक्साःल्ले़ इबुगे़न् कुमिक्सेन् के़लक्पा नु कुनावाइत्लान् से़वा के़जोःक्पाहाॽ इङ्ले़क्तुसिआङ् वये़रो॥ खे़ङ्हाॽ ने़प्माङ् कुहिङ्वे़त्ते कान्धाक् के़दिःप्पा मिराःक् लुम्बाःत्तो लाप्मे़भुसुसिरो॥
कर किस्रुक्पाहाॽ, नसान् मे़न्जोःक्मनाबाहाॽ, फे़क्के़लाॽबाहाॽ, मना के़से़प्पाहाॽ, ताप्फे़ःम्बा याःम्बक् के़जोःक्पाहाॽ, फे़न्साम् मुन्धुम् के़नाःप्पाहाॽ, नावाइत्ला से़वा के़जोःक्पाहाॽ नु इङ्ले़क् के़बाःप्पाहाॽरे़ खुनिॽ वाॽमादे़ङ्ग कान्धाक् नु मि के़दिःप्पार के़बप्पा लुम्बाःत्तो पोङ्लो॥ खे़ङ्ग निसिगेक्पा सिमे़न्लो॥”
हे़क्क्याङ् हाङ्ङिल्ले़ कुभे़न्छाङ् ले़प्माङ्बाहाॽ मे़त्तुसि, ‘खिनिॽ निङ्वाॽफु साक्मुराःल्ले़ के़दे़त्तिबासे, खिनिॽ इङ्गाॽओलाम् पेगे़म्मे़ॽओ॥ खिनिॽग माफे़न्साम्मिन् नु खुने़ॽ कुमाङ्लाइङ्बाहाॽ केःप्मासि फाॽआङ् यारिप् चोगुबा आप्फाल्ले़आङ् मे़न्छिःम्ना मि के़दिःप्पा खे़मायङ्सङ्ङो पेगे़म्मे़ॽओ॥
यहवे दाङ्बे़ल्ले़ खुने़ॽ किप्मा के़घुबा कुसिक् पोःक्मो सदोम नु गमोरा, अद्मा नु सबोयिमे़न् खाप्पुथ्यःङ् चोगुबा कुइसिक् लाजेॽओ के़रे़क् कान्धाक् नु युम् मिगे़दिक्पा मिघाङ्ग्रोक्लक् पोङ्ॽ॥ खे़न् थे़माआङ् मे़ल्लेःत्तेबा, थे़माआङ् मे़ल्लिङ्मनाबा नु याःन्सुङ्ङाङ् मे़ल्लिङ्मनाबा याक्चाना पोङ्ॽ॥
हे़क्क्याङ् सदोम नु गमोरा हे़क्क्याङ् खिरिबा ये़क्यक्कोबा मनाहाॽआङ् इःत्ते़म्सिम्मे़ॽ॥ खे़ङ्हाॽग याम्बोःप्मा याःम्बक् मे़जोगुआङ् काक् परिक्पा याम्गे़सिङ्बा याम्बोःप्मा याःम्बक्को लाम् मे़बोःत्ते़आङ् मे़वये़॥ खे़ल्ले़चोगुल्ले़ खे़ङ्हाॽ मे़न्छिःम्ना के़दिःप्पा मिलाम्बा खासे़न्नो मे़ध्ये़बा पाःन्निन् मिक्सेन् पोःक्खे़आङ् वाॽरो॥
थेआङ्भे़ल्ले़ यरिक् ये़न् तगि अस्सुरबा यम्बा हाङ्ङिन् मिधिङ्मारे़ लागि यम्बा मि तुम्मादे़न्धिक् मे़जोगुआङ् वये़रो॥ खे़न् ते़न्निन् ताम्दाम्बा नु केःम्बा लुम्बात् चोक्लो हे़क्क्याङ् खे़प्मो यरिक् सिङ् मे़लुप्सुआङ् ने़रो॥ यहवे दाङ्बान् सक्मा सोःन्छिङ्ङिल्ले़ मिधुङ्दिङ् मिराःक् लःन्नाङ् खे़प्मो मि हाःन्दुरो॥
थेआङ्भे़ल्ले़ इक्सादिङ् खाम्बेःक्को के़वाॽबा काक् मे़न्छाम् सुवाङ्हाॽ कुयाम्बोःप्मा सिजङ्वाःल्ले़ मयुसि॥ हे़क्क्याङ् इक्सादिङ् खाम्बेःक्मोबा काक् हाङ्हाॽरे़ खे़न्नु याम्बोःप्मा याःम्बक् मे़जोगु, हे़क्क्याङ् खे़ल्ले़ याम्दादा नु निङ्वाॽतादाबा कुहिङ्मन्निल्ले़ चोगुल्ले़ इक्सादिङ् खाम्बेःक्मोबा ले़ङ्हङ्बाहाॽ साॽरिक् याङ्साकुन्धेसाबा मे़बोःक्खे़रो॥”
खे़न् एगाङ् यहवे दाङ्बे़ल्ले़ आङ्गाॽ अक्खे मे़त्ते़से़ॽ मे़त्ताङ्, “मुक्साम्दाङ्बा यहवे दाङ्बा इस्राइलबा निङ्वाॽफुमाङ्ङिल्ले़ अक्खे पाःत्तुॽ, ‘आङ्गाॽ आसाक्के़न्निल्ले़ के़दिम्बा कन् खोर्यान् थुङे़म्मे़ॽ, मआसिम्मे़ॽ हे़क्क्याङ् पे़से़म्मे़ॽ॥ हे़क्क्याङ् आभे़ल्ले़आङ् पोःक्मा मे़न्छुक्के हाम्ब्रिक् चोःन्दे़म्मे़ॽ॥ आङ्गाॽ खिनिॽ लुम्मो पाङ्घुङ्बा थङ्ङिल्ले़ चोगुल्ले़ हे़क्के पोङ्ॽ॥’
खे़ङ्हाॽरे़ नोगप् मे़बिरु, “आनिगे़ग कर्नालियस मे़प्मनाबा थक्तुम्बे़ल्ले़ याप्मि पाङ्घे़बारो॥ खुने़ॽग साम्योबा हे़क्क्याङ् निङ्वाॽफुमाङ्ङिन्नु के़गिबा मना नु यहुदिहाॽरे़ खुने़ॽग साॽरिक्के मिङ्सो इङ्धाङ् मे़बिरुरो॥ निङ्वाॽफुमाङ्ङिल्ले़ पाङ्घुबा सेसे माङ्लाइङ्बाधिक्ले़ खे़ने़ॽ कुहिम्मो उःप्माआङ् खे़ने़ॽलाम् पाःप्मा के़गत्तुबा पाःन्हाॽ खे़म्मा फाॽआङ् खुने़ॽ मे़त्तुरो॥”
दाङ्बा ये़सुन् साङ्ग्राम्पेदाङ्लाम् नुःङ् युःल्ले़ खिनिॽ तुक्खेओलाम् नाःम्सिङ्मा के़बिरिॽ, हे़क्क्याङ् आनिगे़आङ् नाःम्सिङ्मा खोसुम्बे़ॽरो॥ खुने़ॽ कुमुक्साम्गे़न् माङ्लाइङ्बाहाॽनु मिराःक्को युआङ् निङ्वाॽफुमाङ्ङिन् कुसिङ् मे़न्निःप्मनाबाहाॽ नु मिःम्जि दाङ्बा ये़सुरे़ कुसुनाइङ् ते़न्दिङ् चोःक्मा मे़न्दे़म्मनाबाहाॽ खुम्दिङ् पिरुसिरो॥
खुने़ॽ कुमुराओलाम् इक्सादिङ् खाम्बेःक्मोबा मे़न्छाम् सुवाङ्हाॽ नाःम्मासि फाॽआङ् खागे़सुक्पा ताभेन् लःन्दे़रो॥ हे़क्क्याङ् खे़ङ्हाॽ फे़न्जेॽ तक्काःत्तिल्ले़ युक् चोगुसिॽरो॥ हे़क्क्याङ् खुने़ॽ चे़ल्ले़क्सेॽ एःम्मादे़न्नो लाङ्ङिल्ले़ चे़ल्ले़क्सेॽइन् सॽमनाबा हे़क्के मुक्साम्दाङ्बा निङ्वाॽफुमाङ्ङिल्ले़ कुसाक्के़न्निल्ले़ कुनिङ्मिहाॽ सॽरुसिरो॥
Piblisite