सुफो 14:1 - लिम्बु1 हे़क्क्याङ् इङ्गाॽ मे़ल्लुक्सान् सियोन कोःक्मा सम्दाङ् ये़बे़बा निसुङ्लो॥ खुने़ॽनु लाङे़न्छिङ्धिक्काङ् हे़न्छिङ् लि-लि (१,४४,०००) मनाहाॽ मे़वये़रो॥ खे़ङ्हाॽरे़ खुनिॽ तोवाबो खुने़ॽ कुमिङ् नु पानुदिङ् कुम्बारे़ कुमिङ्ङिन् साप्ते़आङ् पत्छे़रो॥ Gade chapit la |
सुफो 14:1
30 Referans Kwoze
के़नाःम्बाङ्ग आनिङ्वाॽफुमाङ्ङिल्ले़ कुहिम्मो इङ्गाॽ सित्लाङ् चोगुङ्लो॥ खुने़ॽ खे़प्मोलाम् आप्फाल्ले़आङ् मे़जत्छिङ्ङिन्लो॥ आनिङ्वाॽफुमाङ्ङिल्ले़ कुमिङ्ङिन् खे़ल्लो इङ्गाॽ साप्तुङ्, हे़क्क्याङ् खे़ल्लो इङ्गाॽ कुसङ् आमिङ्ङिन्नाङ् साप्तुङ्लो॥ हे़क्क्याङ् आनिङ्वाॽफुमाङ्ङिल्ले़ कुसेसे ये़क्यक् कुसङ् यरुसले़मिल्ले़ कुमिङ्ङिन्नाङ् खे़ल्लो साप्तुङ्लो॥ खे़ङ्ग आनिङ्वाॽफुमाङ्ङिल्ले़ साङ्ग्राम्पेदाङ्लाम् पाङ्घुयुसुॽ॥
कङ्ग साम्योसाप्लाओ अक्खेलॽरिक् साप्ते़बा कुइसिक् पोःक्खे़रो, “ओमे़त्ते़म्मे़ॽ, इङ्गाॽ यरुसले़म्मो मनाहाॽ मे़दोःक्ल फाॽआङ् मना के़घबा लुङ्ङिन् ने़स्सुङ्लो, हे़क्क्याङ् मे़ले़ःङ्ङाङ् मे़गे़ङ्ल फाॽआङ् लुङ्जेक् ने़स्सुङ्लो, कर खुने़ॽ सम्दाङ् नसान् के़जोःक्पाङ्ग आप्फाल्ले़आङ् सिरिङ्ममो मे़धाने़न्लो॥”
हे़क्क्याङ् इङ्गाॽ अम्दाङ्बा अन्निन् खे़प्मो निसुङ्लो॥ खे़न् अन् के़युक्पाल्ले़ कुमिङ्ग “सिमे़न्” वये़॥ हे़क्क्याङ् खे़मायङ्सङ्ङोबा के़सिबाहाॽरे़ खुने़ॽ मे़दिम्दुरो॥ इक्सादिङ् खाम्बेःक्मोबा कुलक् लिसिओ कुलक् थिक् मे़न्छाम् याप्मिहाॽ थङ्, साक्, तुक्मा नु ताम्भुङ् थक्साहाॽलाम् से़प्मासि फाॽआङ् खे़ङ्हाॽ युक् मे़बिरुसिरो॥
खुने़ॽ आङ्गाॽ सेःन्दोसाङ्, “आमोसे, खे़ने़ॽ थेःन् के़निसुबे?” आङ्गाॽ खुने़ॽ नुगप् पिरुङ्, “के़दुम्बा सिङ्सेल्ले़ के़दिम्बा नॽइमा थिक् निसुङ्ॽ॥” खे़ब्याङ् यहवे दाङ्बे़ल्ले़ आङ्गाॽ मे़त्ताङ्, “आङ्गाॽ आमना इस्राइलिहाॽरे़ खुन्छिॽ नुप्मे़न् के़रे़आङ् वाॽरो॥ आल्ल आङ्गाॽ खे़ङ्हाॽ याम्मो मे़ले़त्तासिङ्ङिन्ॽ॥”
खे़ब्याङ् खे़न् मनाःल्ले़ आङ्गाॽ थाङ्गे़त् पिसाङ्बा सिगाङ्बा यम्बा लाम्धेःप्पोलाम् माङ्हिम् तगाङ्बा लक्खुम्मो ताराङ्॥ आङ्गाॽ ओमयाङ्ङिल्ले़ यहवे दाङ्बे़ल्ले़ कुहिम्मिन् यहवे दाङ्बे़ल्ले़ कुमिमिदिङ्ङिल्ले़ थिम्सुबा निसुङ्, हे़क्क्याङ् आङ्गाॽ खाम्बाङ्ङो साम्बोन् हबत् फन्छिङ्ङाङ्॥
आङ्गाॽ थाःङ् ओमे़त्तुङ्ङिल्ले़ थाङ्गे़त् थोलाम्बा खइक् खइक् के़इक्सिङ्बा सुरित् केजङ् हुःक्ते़ ये़र पत्छे़बा, माक्स्दिःङ्ग्याःप्पा खाॽम्मिःप्पा लुम्मो से़न्दाङ्गे़न् ओःत्ति साःम्भे ले़क्ते़र पत्छे़बा निसुङ्॥ खे़प्मो खाॽमिःत्तिल्ले़ कुलुम्मो मि यागे़, हे़क्क्याङ् मिःल्ले़ कुलुम्मो कासान् योःन्दे़बा कुइसिक् तिल्ले़क् तिल्ले़क् ले़क्ते़र पत्छे़॥
खे़ङ्हाॽरे़ निङ्वाॽफुमाङ्ङिल्ले़ कुहाङ्युक्नाःल्ले़न् हे़क्क्याङ् लिसि कुहिङ्वे़त् पाथुङ्साहाॽ नु तुम्लाम्लोबाहाॽरे़ खुनिॽ तगि कुसङ् साम्लोन् साम्मे़मे़त्तुबा इङ्गाॽ खे़प्सुङ्लो॥ खे़न् साम्लोःङ्ग इक्सादिङ् खाम्बेःक्मोलाम् थे़ॽमनाबा खे़न् लाङे़न्छिङ्धिक्काङ् हे़न्छिङ् लि-लि (१,४४,०००) मनाहाॽनुःल्ले़ वेॽ आत्तिन्हाॽरे़आङ् हुॽसिङ्मा मे़न्छुक्तुन्लो॥
Piblisite