सुफो 13:8 - लिम्बु8 से़प्मनाबा मे़ल्लुक्साःल्ले़ कुहिङ्मन्ले़ कुसाप्पन्नो इक्सादिङ् खाम्बेःक्माल्ले़न् नावागे़न् चइःत् ने़मानुःल्ले़ तगिए खुनिॽ मिङ् मे़न्छाप्पे के़वाॽबा इक्सादिङ् खाम्बेःक्मोबा के़रे़क्ले़ खे़न् थक्सान् से़वा मे़जोगुरो॥ Gade chapit la |
सुफो 13:8
25 Referans Kwoze
खे़न् के़निसुबा किप्मा के़घुबा थक्साःङ्ग कुहिङ्वे़त् वये़, कर खे़न् आल्लो होप्लो॥ खे़ङ्ग याम्मो कुद्रोःम् मेःन्नेबा लुम्बाःत्तोलाम् थाङ्ङाङ् मे़न्नुप्मनाबा मे़क्माओ पेःक्लो॥ हे़क्क्याङ् कन् इक्सादिङ् खाम्बेःक्माल्ले़न् नावागे़न् चइःत् ने़स्से़आङ्धो हिङ्मन्ले़न् साप्पन्नो खुनिॽ मिङ् मे़म्बप्मना इक्सादिङ् खाम्बेःक्मोबा मे़न्छाम् याप्मिहाॽरे़ कन् के़सिबा किप्मा के़घुबा थक्सान् याम्मो कुहिङ्वे़त् मे़निसुआङ् खुनिॽ निङ्वाॽ मारो॥
“खे़न् ये़म्मो तुम् माङ्लाइङ्बा मिखाएले़न् ओसेःन्धाङ् पोङ्ङाङ् खुने़ॽ के़मनाहाॽ ताङ्से़ःप्तुसिॽ॥ मे़न्छाम् याप्मिहाॽरे़ खुन्छिॽ हेःक्सिङ्मा पोःक्खे़आङ्धो खे़न् ये़म्मो थारिक् हे़क्तङ्बा आप्फाल्ले़आङ् मे़म्बोङ्ङे के़वाॽबा अक्तङ्बा साॽरिक् तुक्खे लाक्खेरे़ ये़म् तारो—कर साप्पन्नो मिङ् साप्ते़आङ् के़बप्पा के़रे़क् के़मनाहाॽ ताङ्मे़से़ःप्लो॥
हे़क्क्याङ् निङ्वाॽ इरे़ खोःप्तुबा आन्जुम्मे, कन् मे़न्छुमाहाॽ कुभाॽ पिरे़से़ॽ फाॽआङ् मे़त्ने़ॽरो, थेआङ्भे़ल्ले़ खे़ङ्हाॽरे़ग सुनाइङ् इङ्भोमा याःम्बक्किन् इङ्गाॽनु याम्बुधिक्काङ् चोगे़त्छु॥ खे़ङ्हाॽरे़ क्लेमे़न्त हे़क्क्याङ् वेॽ इङ्गाॽनु याःम्बक् के़जोःक्पा चुम्हाॽनुआङ् याःम्बक् चोगे़त्छुरो॥ खे़ङ्हाॽरे़ खुनिॽ मिङ्ङिन् हिङ्मन्ले़न् साप्पन्नो साप्ते़आङ् पत्लो॥
खे़ने़ॽ निङ्घुम् के़दुमुल्ले़ निङ्वाॽ हाङ्गे़म्सिङ्ङे़ॽओ फाॽआङ् इङ्गाॽ पिने़बा इङ्जाङ्ङिन् ते़न्दिङ् के़जोगुबाल्ले़ चोगुल्ले़ खे़ने़ॽग इक्सादिङ् खाम्बेःक्मो के़दाबा इनोगे़न् पयम् यम्बा तुक्खेलाम् इङ्गाॽ ताङ्से़ःप्ने़ॽरो॥ खे़ङ्ग इक्सादिङ् खाम्बेःक्मो के़वाॽबा काक् मनाहाॽरे़ खुनिॽ नसाःन्निन् साॽसे़ तार पत्लो॥
हे़क्क्याङ् इङ्गाॽ साङ्ग्राम्पेदाङ्बा, इक्सादिङ् खाम्बेःक्मोबा नु इक्सादिङ् खाम्बेक् सिगाङ्बा, हे़क्क्याङ् वरःङ्ङोबा के़रे़क् पाथुङ्साहाॽ अक्खेलॽरिक् साम्मे़लोरे़बा खे़प्सुङ्लो, “हाङ्युक्नाओ के़युङ्बान् नु मे़ल्लुक्साःल्ले़ कुनारा फोमान्, मिङ्सो इङ्धाङ्, मिमिदिङ् नु मुक्साम् सदादिङ् सदादिङ् पोङ्लरो!”
Piblisite