सुफो 13:5 - लिम्बु5 हे़क्क्याङ् खे़न् किप्मा के़घुबा थक्सान् आङ्दिङ् पान् नु निङ्वाॽफुमाङ्ङिल्ले़ कुदक्ले़ङ्वाओ ताप्फे़ःम्बा माङ्चे़ॽया पाःन्हाॽ पाःप्मा मे़बाङ्घुरो॥ हे़क्क्याङ् लि-ने़त् ला (४२) थारिक् कुबाःप्पाःत् चोःक्मा युक् खोसुरो॥ Gade chapit la |
सुफो 13:5
17 Referans Kwoze
“आल्ल आङ्गाॽ खे़न् कुदाङ्हाॽरे़ कुयाःम्बेओ इःत्छिङ्ङार पत्छाङ्ङिल्ले़ आङ्गाॽ आदगि लत्छा चुक्सा कुदाङ् थिक् खे़ङ्हाॽओलाम् लिङे़आङ् युङे़, हे़क्क्याङ् तगिबा कुदाङ्हाॽओबा सुम्सिग खे़ल्ले़ कुदगि कुबुङ् थे़र्ले़ हाॽयाक् मे़आगे़॥ मना मिक् हे़क्तङ्बाए कन् कुदाङ्ङिल्ले़ कुमिक् पत्छे़, हे़क्क्याङ् आङ्दिङ् पान् के़बाःप्पा खे़ल्ले़ कुम्ब्रा पत्छे़रो॥”
“थाङ्गे़त् पिसाङ्बा हाङ्ङिल्ले़ थे चोःक्मा कुसिराॽथाङ् हाबा खे़न्ने चोगुॽ॥ खुने़ॽ आप्फेक् के़रे़क् माङ्हाॽनुःल्ले़ थो यम्बा चोःक्सिङ्ॽ हे़क्क्याङ् के़रे़क्नुःल्ले़ यम्बा निङ्वाॽफुमाङ्ङिल्ले़ कुदक्ले़ङ्वाओ आप्फाल्ले़आङ् मे़ङ्घे़म्मेबा पान् पाःत्तुॽ॥ निङ्वाॽफुमाङ्ङिल्ले़ कुसिक् पोःक्मा ये़म्मिन् मे़न्नुप्पे थारिक् खे़न् कुलिङ्दो के़गे़प्पा पोङ्ॽ, थेआङ्भे़ल्ले़ थे़मा पाःन्निन् निःन्धो पोःक्खे़आङ् वाॽ, खे़न् पाःन्निन् के़प्माए पोङ्ॽ॥
“खे़ब्याङ् कन् कुदाङ्ङिल्ले़ आङ्दिङ् लॽमा पाःन्हाॽ पाःत्तुर पत्छे़बाल्ले़ चोगुल्ले़ आङ्गाॽ ओमे़त्तुङ्ङाङ् पत्छाङ्॥ खे़न् ताम्भुङ् थक्सान् मे़स्ये़रुआङ् मिधुङ् मिराःक्को लाप्मे़देसु हे़क्क्याङ् खे़ल्ले़ कुधक्किन् खाप्पुथ्यःङ् मे़बोःक्खे़न्ल थे़म्बा आङ्गाॽ ओमे़त्तुङ्ङाङ् पत्छाङ्॥
आङ्गाॽ खे़ल्ले़ कुधे़गेःक्को के़युङ्बा थिबोङ् कुदाङ्हाॽरे़ कुयाःम्बेओ नु खे़न् कुदाङ्हाॽओलाम् के़लःम्बा वेॽ कुदाङ्ङिल्ले़ कुयाःम्बेओआङ् कुसिङ् निःप्मा निङ्वाॽ चोगुङ्, खे़ल्ले़ कुबेसाङ् खे़ङ्हाॽओलाम् कुदाङ् सुम्सि मे़आगे़—कुदाङ्ङिन् वेॽहाॽनुःल्ले़ के़धुम्बा निदे़त्ते़ हे़क्क्याङ् खे़ल्ले़ कुमिक् नु आङ्दिङ् पान् के़बाःप्पा कुम्ब्रा पत्छे़॥
हे़क्क्याङ् खे़न् थक्साःल्ले़ निङ्वाॽफुमाङ्ङिल्ले़ सेसे कुमनाहाॽरे़ खुनिॽ तक्ले़ङ्वाओ थङ् चोःक्माआङ् नाःम्मासि युक् खोसुरो॥ हे़क्क्याङ् याम्मो खे़न् थक्साःल्ले़ इक्सादिङ् खाम्बेःक्मोबा के़रे़क् मे़न्छाम् सुवाङ्हाॽ, के़रे़क् पाःन्दाङ्हाॽ, हे़क्क्याङ् के़रे़क् लाजेॽहाॽ सम्दाङ् युक् चोःक्मा खोसुरो॥
कर अक्खेलॽरिक् आत्तिन्हाॽरे़आङ् इङ्ले़क् के़मे़म्मे़त्तिन्ल, थेआङ्भे़ल्ले़ खे़न् ये़म्मिन् मे़न्दाए वाॽरो॥ खे़न् ये़म्मिन् तामानुःल्ले़ तगिग कुनुप्माओ निङ्वाॽफुमाङ्ङिल्ले़ कुदक्ले़ङ्वाओ पयम् बिफ्युङ् पोङ्, हे़क्क्याङ् पयम् लायो के़जोःक्पा पाक्कुम्भिओ के़बेःक्पा मनान् थाःम्सिङ्लो॥
Piblisite