हे़क्क्याङ् इङ्गाॽ हाङ्युक्नाहाॽ निसुङ्सिङ्॥ खे़प्मो खासे़न् लोःम्मा युक् के़घोबाहाॽ मे़युङे़॥ हे़क्क्याङ् ये़सु ख्रिस्तरे़ ओसेःन्दाङ् चोगुबा से़क्खान् नु निङ्वाॽफु पाःन्जाक्किन् इङ्भन् मे़जोगुबाल्ले़ चोगुल्ले़ खुनिॽ थे़गेक्पा मे़घक्तु मे़से़रुसिबाहाॽरे़ खुनिॽ याम्साम्हाॽ निसुङ्सिङ्लो॥ खे़ङ्हाॽरे़ग खे़न् किप्मा के़घुबा थक्सान् नु कुनावाइत्लान् से़वा मे़न्जोगुन् हे़क्क्याङ् इबुगे़न् कुमिक्सेःन्निन्नाङ् खुनिॽ तोवाबो इग्र हुक्को मे़न्दाःक्तुन्नाङ् वये़रो॥ खे़ङ्हाॽग सिमे़न्लाम् याम्मो मे़हिङे़आङ् ख्रिस्ते़न्नु तङ्बे हे़न्छिङ् थारिक् हाङ् मे़जोगुरो॥
सुफो 13:16 - लिम्बु16 खे़ल्ले़ यम्बा चुक्पा, याङ्साकुन्धेसाबा नु याङ्के़साॽबा, योःक्पा नु चोःक्युम्भोबा काक् मे़न्छाम् याप्मिहाॽ खुनिॽ चुप्साङ् हुक्को इग्र खुनिॽ तोवाबो इबुगे़न् मिक्सेन् लक्मा पाङ्घुसिरो॥ Gade chapit la |
सुफो 13:16
26 Referans Kwoze
हे़क्क्याङ् खे़न् किप्मा के़घुबा थक्सान् नु खुने़ॽ कुदगि निङ्वाॽ के़माबा याःम्बक् के़जोःक्पा खे़न् इङ्ले़क्पा माङ्निङ्वाॽपान् के़बाःप्पे़न् मे़दे़म्सुसिरो॥ खे़ल्ले़ मुक्साम्रे़ कुधिम्बा निङ्वाॽ के़माबा याःम्बक्हाॽरे़ खे़न् किप्मा के़घुबा थक्साःल्ले़ इबुगे़न् कुमिक्सेन् के़लक्पा नु कुनावाइत्लान् से़वा के़जोःक्पाहाॽ इङ्ले़क्तुसिआङ् वये़रो॥ खे़ङ्हाॽ ने़प्माङ् कुहिङ्वे़त्ते कान्धाक् के़दिःप्पा मिराःक् लुम्बाःत्तो लाप्मे़भुसुसिरो॥
यहवे दाङ्बे़ल्ले़ खुने़ॽ मुक्साम्बा कुहुक्किल्ले़ मिस्र लाजेॽलाम् खिनिॽ के़लःत्ति के़भे़त्तिबाल्ले़ चोगुल्ले़ कन् तोःम्मनाबा तङ्नाम्मिन् खिनिॽ निङ्वाॽसुम् के़मे़प्पा पोङ्ल फाॽआङ् खुने़ॽ के़रे़क् कुधिम्हाॽ खिनिॽ मुराओ तामाआङ् पप्मारे़ लागि कन् खिनिॽ लागि लत्छा मिक्सेन् हुक्को नु त्वाबो पत्ल॥
हे़क्क्याङ् इङ्गाॽ यम्बा चुक्पा काक् के़सिबाहाॽ खे़न् हाङ्युक्ना तगि मे़ये़बे़बा निसुङ्सिङ्, हे़क्क्याङ् खे़प्मो साप्पन्हाॽ मे़हन्दे़॥ खे़प्मो वेॽ साप्पन्धिक्काङ् हन्दे़॥ खे़ङ्ग हिङ्मन्ले़न् साप्पन्लो॥ हे़क्क्याङ् खे़न् साप्पन्हाॽओ साप्ते़आङ् पत्छे़बा के़सिबाहाॽरे़ मे़जोगुबा खुनिॽ याःम्बक् कुइसिक् खुनिॽ खासे़न् पोःक्खे़रो॥
कर आइन् थारिक् निङ्वाॽफुमाङ्ङिल्ले़ कुभाॽ पिराङ्ङाङ् वाॽआ॥ हे़क्केःल्ले़ए इङ्गाॽ चुक्पा यम्बा के़रे़क्ले़ खुनिॽ तगि ये़प्माआङ् ये़सुरे़ कुयाःम्बेओ तोःन्दि पिमा सुये़म् खोसुङ्ङाङ् वाॽआरो॥ मोसा हे़क्क्याङ् वेॽ माङ्निङ्वाॽपान् के़बाःप्पाहाॽरे़ ताःन्दि पोङ् लॽरिक् मे़बाःत्तुबान्नाङ्धो, वेॽ थेआङ् इङ्गाॽ मे़म्बाःत्ते वाॽआरो॥
हे़क्क्याङ् इङ्गाॽ मि नु के़बुप्पा से़ल्ले़ङ्घो कुइसिःक्पा वरःङ्धिक् निसुङ्लो॥ खे़ल्ले़ कुयाओ खे़न् किप्मा के़घुबा थक्साःन्, कुनावाइत्ला नु खे़ल्ले़ कुमिङ्ङिल्ले़ कुघानिःत्तिन् के़नाःम्बाहाॽ खे़प्मो मे़ये़बे़बा निसुङ्सिङ्लो॥ खे़ङ्हाॽरे़ निङ्वाॽफुमाङ्ङिल्ले़ पिरुसिबा साराङ्गिहाॽ मे़गत्तुरो॥
मे़न्छाम् सुवाङ्हाॽ खे़ने़ॽनु खुनिॽ याःक्ले़ॽरे़आङ् वाॽ, कर आल्ल खे़ने़ॽ के़सिक् पोःक्मा ये़म् के़रे़आङ् वाॽ॥ के़सिबाहाॽ खासे़न् चोःक्मासि ये़म् त्ये़आङ् वाॽ॥ हे़क्क्याङ् खे़ने़ॽनु के़गिबा चुक्सा नु यम्बा, माङ्निङ्वाॽपान् के़बाःप्पा के़से़वारोबाहाॽ हे़क्क्याङ् के़सेसे मनाहाॽ हाङ्से़म् पिमासि सुये़म् त्ये़आङ् वाॽ॥ आल्ल इक्सादिङ् खाम्बेःक्मान् के़मे़ङ्बाहाॽ मे़ङ्मासि ये़म्माङ् त्ये़आङ् वाॽरो॥”
Piblisite