हे़क्क्याङ् इङ्गाॽ हाङ्युक्नाहाॽ निसुङ्सिङ्॥ खे़प्मो खासे़न् लोःम्मा युक् के़घोबाहाॽ मे़युङे़॥ हे़क्क्याङ् ये़सु ख्रिस्तरे़ ओसेःन्दाङ् चोगुबा से़क्खान् नु निङ्वाॽफु पाःन्जाक्किन् इङ्भन् मे़जोगुबाल्ले़ चोगुल्ले़ खुनिॽ थे़गेक्पा मे़घक्तु मे़से़रुसिबाहाॽरे़ खुनिॽ याम्साम्हाॽ निसुङ्सिङ्लो॥ खे़ङ्हाॽरे़ग खे़न् किप्मा के़घुबा थक्सान् नु कुनावाइत्लान् से़वा मे़न्जोगुन् हे़क्क्याङ् इबुगे़न् कुमिक्सेःन्निन्नाङ् खुनिॽ तोवाबो इग्र हुक्को मे़न्दाःक्तुन्नाङ् वये़रो॥ खे़ङ्हाॽग सिमे़न्लाम् याम्मो मे़हिङे़आङ् ख्रिस्ते़न्नु तङ्बे हे़न्छिङ् थारिक् हाङ् मे़जोगुरो॥
सुफो 13:15 - लिम्बु15 हे़क्क्याङ् खे़ल्ले़ खे़न् थिक्सिगेक्पा किप्मा के़घुबा थक्साःल्ले़न् नावाइत्लान् पाःप्मा सुक्ल हे़क्क्याङ् खे़न् से़वा चोःक्मा मे़न्दे़म्मनाबाहाॽ से़रुसिर फाॽआङ् खे़न् नावाइत्लाओ साःङ्गुगे़न् सक्मा केःप्मा मुक्साम् खोसुरो॥ Gade chapit la |
सुफो 13:15
25 Referans Kwoze
हे़क्क्याङ् खे़न् किप्मा के़घुबा थक्सान् नु खुने़ॽ कुदगि निङ्वाॽ के़माबा याःम्बक् के़जोःक्पा खे़न् इङ्ले़क्पा माङ्निङ्वाॽपान् के़बाःप्पे़न् मे़दे़म्सुसिरो॥ खे़ल्ले़ मुक्साम्रे़ कुधिम्बा निङ्वाॽ के़माबा याःम्बक्हाॽरे़ खे़न् किप्मा के़घुबा थक्साःल्ले़ इबुगे़न् कुमिक्सेन् के़लक्पा नु कुनावाइत्लान् से़वा के़जोःक्पाहाॽ इङ्ले़क्तुसिआङ् वये़रो॥ खे़ङ्हाॽ ने़प्माङ् कुहिङ्वे़त्ते कान्धाक् के़दिःप्पा मिराःक् लुम्बाःत्तो लाप्मे़भुसुसिरो॥
हे़क्क्याङ् थिक्सिगेक्पा माङ्लाइङ्बान् पेआङ् कुघोर्यान् खाम्बेःक्मो हुक्खु, हे़क्क्याङ् खे़न् किप्मा के़घुबा थक्साःल्ले़ इबुगे़न् कुमिक्सेःन्निन् के़लक्पा नु कुनावाइत्लान् सेसे माङ्गे़घःबाहाॽ याम्गे़सिङ्बा नु साॽरिक् के़दुक्पा याङ्घेःक्किल्ले़ खुनिॽ थक्किन् सिदे़प् ते़प्तुर लःन्दे़रो॥
साङ्ग्राम्पेदाङ्ङो के़वाॽबासे, खे़न् मे़गे़बाओ सःत्ते़म्मे़ॽओ! निङ्वाॽफुमाङ्ङिल्ले़ सेसे कुमनाहाॽ, सेःक्युक्मिबाहाॽ हे़क्क्याङ् माङ्निङ्वाॽपान् के़बाःप्पासे, सःत्ते़म्मे़ॽओ! थेआङ्भे़ल्ले़ खिनिॽ निङ्घुम् के़मे़त्तिबाल्ले़ चोगुल्ले़ निङ्वाॽफुमाङ्ङिल्ले़ खे़न् खुम्दिङ् पिरुआङ् वाॽरो॥”
हे़क्क्याङ् खे़ङ्हाॽ तुक्खे के़जाःप्पा मिःल्ले़ मिःक्खुॽइङ्ग सदादिङ् सदादिङ् थाःङ् पेःक्लो॥ हे़क्क्याङ् खे़ङ्हाॽरे़ खुनिॽ तुक्खेन् से़न्दिक् ले़न्दिक् आप्फाल्ले़आङ् मे़नुप्ने़न्लो, थेआङ्भे़ल्ले़ खे़ङ्हाॽरे़ किप्मा के़घुबा थक्सा नु कुनावाइत्लान् से़वा मे़जोगुआङ् कुमिङ्ङिल्ले़न् इबुगे़न् मिक्सेःन्निन् मे़लक्तुआङ् मे़वये़रो॥”
थिक्सिगेक्पा किप्मा के़घुबा थक्साःल्ले़ कुले़क्वा खे़न् किप्मा के़घुबा थक्साःल्ले़ निङ्वाॽ के़माबा याःम्बक्हाॽ चोःक्मा खोसुआङ् इक्सादिङ् खाम्बेःक्मोबा मे़न्छाम् याप्मिहाॽ इङ्ले़क्तुसिरो॥ खे़ल्ले़ खे़न् सिमालिङ्धोओ थारिक् ताभेःल्ले़ के़गाःम्बाआङ् याम्मो के़हिङ्बा थिक्सिगेक्पा किप्मा के़घुबा थक्साःल्ले़ कुमिङ्सो कुधाःङ्सोओ नावाइत्ला चोक् पाङ्घुसिरो॥
के़रे़क् मे़न्छाम् याप्मिहाॽ अदङ् मे़जोक्लो हे़क्क्याङ् सिक्कुम्दिङ् निङ्वाॽ मे़ङ्गत्तुन्लो! साम्म्याङ् युप्पा के़धक्पाहाॽ खुन्छिॽ मे़जोगुसिबा नावाइत्लाहाॽलाम् कुनामे़न्छाॽ मे़बोङ्लो, मे़जोगुबा याःम्बक्हाॽ इङ्ले़क्के चोक्लो॥ कन् नावाइत्लाहाॽओ सक्मा इग्र मुक्साम् मे़याक्ने़न्लो॥
खे़न् नावाइत्लाहाॽग पइत् ताप्पो मे़ये़प्सुबा खार्जोःम्बा हे़क्तङ्बा मे़जोक्लो॥ खे़ङ्हाॽ पाःप्मा मे़न्छुक्ने़न्लो॥ खे़ङ्हाॽ पङ्माआङ् कुमा कप्मासि पोङ्लो थेआङ्भे़ल्ले़ खे़ङ्हाॽ लाङ्घेःक्मा मे़न्छुक्ने़न्लो॥ खे़ङ्हाॽनु मे़गिसे़म्मिन्ने़ॽ, खे़ङ्हाॽरे़ खिनिॽ थेआङ् हान्ति चोःक्मा के़मे़न्छुक्तिन्लो, खे़ङ्हाॽरे़ थेआङ् नुबा चोःक्मा मे़न्छुक्तुन्लो॥”
आङ्गाॽ खे़ल्ले़ कुधे़गेःक्को के़युङ्बा थिबोङ् कुदाङ्हाॽरे़ कुयाःम्बेओ नु खे़न् कुदाङ्हाॽओलाम् के़लःम्बा वेॽ कुदाङ्ङिल्ले़ कुयाःम्बेओआङ् कुसिङ् निःप्मा निङ्वाॽ चोगुङ्, खे़ल्ले़ कुबेसाङ् खे़ङ्हाॽओलाम् कुदाङ् सुम्सि मे़आगे़—कुदाङ्ङिन् वेॽहाॽनुःल्ले़ के़धुम्बा निदे़त्ते़ हे़क्क्याङ् खे़ल्ले़ कुमिक् नु आङ्दिङ् पान् के़बाःप्पा कुम्ब्रा पत्छे़॥
हे़क्क्याङ् इङ्गाॽ वरःङ्ङोलाम् के़लःम्बा किप्मा के़घुबा थक्सान् निसुङ्लो॥ खे़ल्ले़ नुसि कुधे़गेःक्हाॽओ थिबोङ् कुदाङ्हाॽ मे़बत्छे़, हे़क्क्याङ् खे़ल्ले़ कुदाङ्हाॽओ थिबोङ् तिचःहाॽ खुःक्खुआङ् पत्छे़॥ खे़ल्ले़ के़रे़क् कुधे़गेःक्को निङ्वाॽफुमाङ्ङिल्ले़ कुदक्ले़ङ्वाओ माङ्चे़ॽया मिङ् साप्ते़आङ् पत्छे़॥
Piblisite