Biblia Todo Logo
Bib sou entènèt

- Piblisite -




सुफो 13:14 - लिम्‍बु

14 थिक्‍सिगेक्‍पा किप्‍मा के़घुबा थक्‍साःल्‍ले़ कुले़क्‌वा खे़न् किप्‍मा के़घुबा थक्‍साःल्‍ले़ निङ्‌वाॽ के़माबा याःम्‍बक्‍हाॽ चोःक्‍मा खोसुआङ् इक्‍सादिङ् खाम्‍बेःक्‍मोबा मे़न्‍छाम् याप्‍मिहाॽ इङ्‌ले़क्‍तुसिरो॥ खे़ल्‍ले़ खे़न् सिमालिङ्‌धोओ थारिक् ताभेःल्‍ले़ के़गाःम्‍बाआङ् याम्‍मो के़हिङ्‌बा थिक्‍सिगेक्‍पा किप्‍मा के़घुबा थक्‍साःल्‍ले़ कुमिङ्‌सो कुधाःङ्‌सोओ नावाइत्‍ला चोक् पाङ्‌घुसिरो॥

Gade chapit la Kopi




सुफो 13:14
29 Referans Kwoze  

हे़क्‍क्‍याङ् खे़न् किप्‍मा के़घुबा थक्‍सान् नु खुने़ॽ कुदगि निङ्‌वाॽ के़माबा याःम्‍बक् के़जोःक्‍पा खे़न् इङ्‌ले़क्‍पा माङ्‌निङ्‌वाॽपान् के़बाःप्‍पे़न् मे़दे़म्‍सुसिरो॥ खे़ल्‍ले़ मुक्‍साम्‌रे़ कुधिम्‍बा निङ्‌वाॽ के़माबा याःम्‍बक्‍हाॽरे़ खे़न् किप्‍मा के़घुबा थक्‍साःल्‍ले़ इबुगे़न् कुमिक्‍सेन् के़लक्‍पा नु कुनावाइत्‍लान् से़वा के़जोःक्‍पाहाॽ इङ्‌ले़क्‍तुसिआङ् वये़रो॥ खे़ङ्‌हाॽ ने़प्‍माङ् कुहिङ्‌वे़त्ते कान्‍धाक् के़दिःप्‍पा मिराःक् लुम्‍बाःत्तो लाप्‍मे़भुसुसिरो॥


कन् पयम् यम्‍बा हन्‍दगेःक्‍गे़न् वासेरिःङ्‌ग उन्‍छोःन्‍बा असेःक्‍पे़न्‍लो, खे़ङ्‌ग इक्‍सादिङ् खाम्‍बेःक्‍मोबाहाॽ इङ्‌ले़क् के़मे़प्‍पा माफे़न्‍साम् इग्र सैतान मे़मे़त्तुरो॥ खे़ङ्‌ग कुमाङ्‌लाइङ्‌बाहाॽनु यो इक्‍सादिङ् खाम्‍बेःक्‍मो लाप्‍फुसे़रो॥


से़प्‍मनाबा मे़ल्‍लुक्‍साःल्‍ले़ कुहिङ्‌मन्‍ले़ कुसाप्‍पन्‍नो इक्‍सादिङ् खाम्‍बेःक्‍माल्‍ले़न् नावागे़न् चइःत् ने़मानुःल्‍ले़ तगिए खुनिॽ मिङ् मे़न्‍छाप्‍पे के़वाॽबा इक्‍सादिङ् खाम्‍बेःक्‍मोबा के़रे़क्‍ले़ खे़न् थक्‍सान् से़वा मे़जोगुरो॥


हे़क्‍क्‍याङ् खुनिॽ इङ्‌ले़क् के़मे़प्‍पा माफे़न्‍साम्‍मिन् मिराःक् नु कान्‍धाक् के़दिःप्‍पा लुम्‍बाःत्तो लाप्‍फुसुरो॥ खे़प्‍मोग किप्‍मा के़घुबा थक्‍सान् नु इङ्‌ले़क्‍पा माङ्‌निङ्‌वाॽपान् के़बाःप्‍पे़न्‍नाङ् तगिसा लाप्‍मे़भुसुसिआङ् यागे़त्‍छिरो॥ हे़क्‍क्‍याङ् खे़ङ्‌हाॽग से़न्‍दिक् ले़न्‍दिक् सदादिङ् खे़प्‍मो तुक्‍खे मे़जारो॥


खे़ने़ॽओ याम्‍मो आप्‍फाल्‍ले़आङ् सेमि मे़ओःत्‍ने़न्‍लो, हे़क्‍क्‍याङ् सिसामेःत् नु नालिसाङ्‌ङिल्‍ले़ खुन्‍छिॽ इक्‍लाःन्‍नाङ् खे़ने़ॽओ याम्‍मो आप्‍फाल्‍ले़आङ् खे़म्‍मे़दे़त्‍ने़न्‍लो॥ खे़ने़ॽ के़ले़ङ्‌हङ्‌बाहाॽग इक्‍सादिङ् खाम्‍बेःक्‍मो मुक्‍साम्‍साबा नु के़इङ्‌बा के़धुम्‍बाहाॽ मे़वये़, हे़क्‍क्‍याङ् खे़ने़ॽ फे़न्‍साम् मुन्‍धुम्‍लाम् इक्‍सादिङ् खाम्‍बेःक्‍मोबा काक् मे़न्‍छाम् सुवाङ्‌हाॽ इङ्‌गे़ले़क्‍तुसिरो॥


हे़क्‍क्‍याङ् थिक्‍सिगेक्‍पा माङ्‌लाइङ्‌बान् पेआङ् कुघोर्‍यान् खाम्‍बेःक्‍मो हुक्‍खु, हे़क्‍क्‍याङ् खे़न् किप्‍मा के़घुबा थक्‍साःल्‍ले़ इबुगे़न् कुमिक्‍सेःन्‍निन् के़लक्‍पा नु कुनावाइत्‍लान् सेसे माङ्‌गे़घःबाहाॽ याम्‍गे़सिङ्‌बा नु साॽरिक् के़दुक्‍पा याङ्‌घेःक्‍किल्‍ले़ खुनिॽ थक्‍किन् सिदे़प् ते़प्‍तुर लःन्‍दे़रो॥


हे़क्‍क्‍याङ् इङ्‌गाॽ मि नु के़बुप्‍पा से़ल्‍ले़ङ्‌घो कुइसिःक्‍पा वरःङ्‌धिक् निसुङ्‌लो॥ खे़ल्‍ले़ कुयाओ खे़न् किप्‍मा के़घुबा थक्‍साःन्, कुनावाइत्‍ला नु खे़ल्‍ले़ कुमिङ्‌ङिल्‍ले़ कुघानिःत्तिन् के़नाःम्‍बाहाॽ खे़प्‍मो मे़ये़बे़बा निसुङ्‌सिङ्‌लो॥ खे़ङ्‌हाॽरे़ निङ्‌वाॽफुमाङ्‌ङिल्‍ले़ पिरुसिबा साराङ्‌गिहाॽ मे़गत्तुरो॥


हे़क्‍क्‍याङ् खे़ङ्‌हाॽ तुक्‍खे के़जाःप्‍पा मिःल्‍ले़ मिःक्‍खुॽइङ्‌ग सदादिङ् सदादिङ् थाःङ् पेःक्‍लो॥ हे़क्‍क्‍याङ् खे़ङ्‌हाॽरे़ खुनिॽ तुक्‍खेन् से़न्‍दिक् ले़न्‍दिक् आप्‍फाल्‍ले़आङ् मे़नुप्‍ने़न्‍लो, थेआङ्‌भे़ल्‍ले़ खे़ङ्‌हाॽरे़ किप्‍मा के़घुबा थक्‍सा नु कुनावाइत्‍लान् से़वा मे़जोगुआङ् कुमिङ्‌ङिल्‍ले़न् इबुगे़न् मिक्‍सेःन्‍निन् मे़लक्‍तुआङ् मे़वये़रो॥”


हे़क्‍क्‍याङ् सुम्‍सिगेक्‍पा माङ्‌लाइङ्‌बाल्‍ले़ खुन्‍छिॽ एगाङ् तिम्‍दुसिर यम्‍बा इक्‍लाओ अक्‍खेलॽरिक् अःक्‍ते़, “हाःत्‍ले़ खे़न् किप्‍मा के़घुबा थक्‍सान् नु कुनावाइत्‍लान् से़वा चोगुॽ, हे़क्‍क्‍याङ् कुदोॽवाबो इग्र कुहुक्‍को खे़न् किप्‍मा के़घुबा थक्‍साःल्‍ले़ इबुगे़न् कुमिक्‍सेःन्‍निन् लक्‍तुॽ,


हे़क्‍क्‍याङ् खे़ल्‍ले़ खे़न् थिक्‍सिगेक्‍पा किप्‍मा के़घुबा थक्‍साःल्‍ले़न् नावाइत्‍लान् पाःप्‍मा सुक्‍ल हे़क्‍क्‍याङ् खे़न् से़वा चोःक्‍मा मे़न्‍दे़म्‍मनाबाहाॽ से़रुसिर फाॽआङ् खे़न् नावाइत्‍लाओ साःङ्‌गुगे़न् सक्‍मा केःप्‍मा मुक्‍साम् खोसुरो॥


खे़ल्‍ले़ निङ्‌वाॽफुमाङ् नु मे़न्‍छाम्‍गे़न् याप्‍मिहाॽरे़ से़वा मे़जोगुबा के़रे़क् पाःन्‍हाॽ अत्तुसिआङ् काक्‍नुःल्‍ले़ यम्‍बा ले़ङ्‌सिङ्‌लो॥ हे़क्‍क्‍याङ् इङ्‌गाॽ निङ्‌वाॽफुमाङ्‌आरो लॽरिक् मे़त्‍छिङ्‌ल निङ्‌वाॽफु माङ्‌हिम्‍मो लाःत्ताङ् युङ्‌सिङ्‌लो॥


“थाङ्‌गे़त् पिसाङ्‌बा हाङ्‌ङिल्‍ले़ थे चोःक्‍मा कुसिराॽथाङ् हाबा खे़न्‍ने चोगुॽ॥ खुने़ॽ आप्‍फेक् के़रे़क् माङ्‌हाॽनुःल्‍ले़ थो यम्‍बा चोःक्‍सिङ्‌ॽ हे़क्‍क्‍याङ् के़रे़क्‍नुःल्‍ले़ यम्‍बा निङ्‌वाॽफुमाङ्‌ङिल्‍ले़ कुदक्‍ले़ङ्‌वाओ आप्‍फाल्‍ले़आङ् मे़ङ्‌घे़म्‍मेबा पान् पाःत्तुॽ॥ निङ्‌वाॽफुमाङ्‌ङिल्‍ले़ कुसिक् पोःक्‍मा ये़म्‍मिन् मे़न्‍नुप्‍पे थारिक् खे़न् कुलिङ्‌दो के़गे़प्‍पा पोङ्‌ॽ, थेआङ्‌भे़ल्‍ले़ थे़मा पाःन्‍निन् निःन्‍धो पोःक्‍खे़आङ् वाॽ, खे़न् पाःन्‍निन् के़प्‍माए पोङ्‌ॽ॥


आङ्‌गाॽ खे़ने़ॽ पिने़आङ् वये़बा मुधिङ् इसेःङ्‌बा सामाहाॽ नु साम्‍म्‍याङ् युप्‍पा वाःत्तिहाॽ खे़ने़ॽ के़देॽरु, हे़क्‍क्‍याङ् ये़म्‍बित्‍छा इत्‍हाॽ के़जोगु खम्‍भ्‍याङ् खे़ङ्‌हाॽ माङ्‌से़वा के़मे़त्तुसि॥ कङ्‌ग आङ्‌गाॽ आदक्‍ले़ङ्‌वाओ के़त्‍निमा याःम्‍बक्‍लो!


“‘हे़क्‍क्‍याङ् कुभा माङ्‌निङ्‌वाॽपान् के़बाःप्‍पान् इङ्‌घङ् पिमारे़ लागि इङ्‌ले़क्‍को थ्‍ये़आङ् वाॽने़भग्र, कङ्‌ग आङ्‌गाॽ यहवे दाङ्‌बे़ल्‍ले़ खे़न् माङ्‌निङ्‌वाॽपान् के़बाःप्‍पे़न् इङ्‌ले़क्‍को थासुङ्‌ङाङ् वाॽबाल्‍ले़ चोगुल्‍ले़ हे़क्‍के पोःक्‍खे़बारो॥ अक्‍तङ्‌बा माङ्‌निङ्‌वाॽपान् के़बाःप्‍पान् आङ्‌गाॽ आहुक्‍किल्‍ले़ साःप्‍सुङ्‌ॽ, हे़क्‍क्‍याङ् इस्राइलबा सङ्‌जुम्‍भोलाम् खे़न् मे़क्‍खुङ्‌ॽ॥


खे़ल्‍ले़ खाप्‍पुःन् चरो, इङ्‌ले़क्‍के निङ्‌वाःल्‍ले़ खे़न् मुयःक् चोगुरो॥ खे़ल्‍ले़ कुसक्‍मा साम्‍मिन् से़ःप्‍मा मे़सुक्‍तुन्‍लो, अक्‍खे पाःप्‍माआङ् मे़सुक्‍तुन्‍लो, “थे आङ्‌गाॽ आजुक्‌वा हुक्‍को के़वाॽबा पाःन्‍निन् इङ्‌ले़क्‍केग मेःम्‍बि?”


मुक्‍किन् नु थङ् नाःम्‍माङ्‌ग निङ्‌वाॽफुमाङ्‌ङिल्‍ले़न्‍नेरो॥ इङ्‌गे़ले़क्‍पान् नु इङ्‌ले़क्‍को के़धाबान् ने़प्‍माङ् खुने़ॽ कुहुक्‍को वाॽसिरो॥


कल्‍ले़चोगुल्‍ले़ आङ्‌गाॽ खे़ने़ॽ के़सुधे़बा के़दाक्‍थे़बाहाॽनु सोरिक् फुङ्‌ने़ॽ, हे़क्‍क्‍याङ् खे़ने़ॽ निङ्‌वाॽ तुक्‍खे मे़न्‍जाए के़म्‍जिङ्‌ॽ॥ कन् ते़न्‍नो आङ्‌गाॽ तारुङ्‌बा के़रे़क् मे़क्‍मा सिमाहाॽ खे़ने़ॽ के़मिक्‍किल्‍ले़ निमा के़ङ्‌घोसुन्‌ॽ॥’” खे़ब्‍याङ् खे़ङ्‌हाॽरे़ हाङ् योसियाहओ कन् इङ्‌घङ्‌ङिन् मे़गे़त्तुरो॥


खे़ब्‍याङ् यसैयाःल्‍ले़ मे़त्तुसि, “पःत्‍छेल्‍ले़ कुजाॽइन् इनानाबा चोगे़म्‍मे़ॽआङ् हुःत्ते़म्‍मे़ॽ॥” खे़ङ्‌हाॽरे़ हे़क्‍केए मे़जोगु, हे़क्‍क्‍याङ् खे़न् कुहोॽओ मे़हुःत्तु मे़बिरुआङ् खुने़ॽ वेःत्ते़॥


हे़क्‍केलॽरिक् आङ्‌गाॽ सिगाङ् लासाङ् हे़क्‍क्‍याङ् याम्‍गे़सिङ्‌बा मुन्‍जिङ् वयाक् के़लॽबा नावा चइःत्‍हाॽ नु के़उःङ्‌सिङ्‌बा के़सःन्‍छिङ्‌बा के़रे़क् परिक्‍पा थक्‍साहाॽ मे़लक्‍तुआङ् के़बप्‍पा लुङ्‌धाक्‍हाॽ निसुङ्॥ इस्राइलबा मनाहाॽरे़ यरिक् परिक्‍पा नावाइत्‍लाहाॽ से़वा मे़मे़त्तुसिबाआङ् आङ्‌गाॽ निसुङ्॥


खे़ब्‍याङ् हाङ्‌ङिल्‍ले़आङ् सिक्‍कुम्‍साबा कुमनाहाॽ नु कुगित्‍चाक् के़जोःक्‍पाहाॽरे़ खुन्‍छिॽ उःत्‍छे़ पाङ्‌घुसि हे़क्‍क्‍याङ् खे़ङ्‌हाॽरे़आङ् मिक्‍ले़ःङ्‌मालाम् हे़क्‍तङ्‌बाए मे़जोगु॥


आल्‍ल खे़ने़ॽओ के़दाबार के़बप्‍पा इनोगे़न् तुक्‍खेहाॽनु मे़गिसे़न्‍ने़ॽओ॥ खे़प्‍से़ॽओ, के़नसाःन्‍निन् हङ्‌साॽमारे़ लागि माफे़न्‍साम्‍मिल्‍ले़ कुभा खिनिॽ पुङ्‌लाहिम्‍मो के़धे़क्‍तिॽसाङ् थिबोङ् ये़न् थारिक्‍लक् इनोगे़न् तुक्‍खे के़ज्‍ये़ॽइरो॥ सिमालिङ्‌धोओ के़गे़रिसाङ् इङ्‌गाॽ नसान् चोःक्‍मा याप्‍मि आल्‍ले़रे़म्‍मिन्‍ने़ॽओ, हे़क्‍क्‍याङ् के़नाःन्‍दुम्‍माङ् के़घोसुम्‍बा थुम्‍घोःल्‍ले़ लागि मे़न्‍नुप्‍मनाबा हिङ्‌मन् पिनिङ्‌लो॥


खे़ने़ॽ निङ्‌घुम् के़दुमुल्‍ले़ निङ्‌वाॽ हाङ्‌गे़म्‍सिङ्‌ङे़ॽओ फाॽआङ् इङ्‌गाॽ पिने़बा इङ्‌जाङ्‌ङिन् ते़न्‍दिङ् के़जोगुबाल्‍ले़ चोगुल्‍ले़ खे़ने़ॽग इक्‍सादिङ् खाम्‍बेःक्‍मो के़दाबा इनोगे़न् पयम् यम्‍बा तुक्‍खेलाम् इङ्‌गाॽ ताङ्‌से़ःप्‍ने़ॽरो॥ खे़ङ्‌ग इक्‍सादिङ् खाम्‍बेःक्‍मो के़वाॽबा काक् मनाहाॽरे़ खुनिॽ नसाःन्‍निन् साॽसे़ तार पत्‍लो॥


हे़क्‍क्‍याङ् इङ्‌गाॽ वरःङ्‌ङोलाम् के़लःम्‍बा किप्‍मा के़घुबा थक्‍सान् निसुङ्‌लो॥ खे़ल्‍ले़ नुसि कुधे़गेःक्‍हाॽओ थिबोङ् कुदाङ्‌हाॽ मे़बत्‍छे़, हे़क्‍क्‍याङ् खे़ल्‍ले़ कुदाङ्‌हाॽओ थिबोङ् तिचःहाॽ खुःक्‍खुआङ् पत्‍छे़॥ खे़ल्‍ले़ के़रे़क् कुधे़गेःक्‍को निङ्‌वाॽफुमाङ्‌ङिल्‍ले़ कुदक्‍ले़ङ्‌वाओ माङ्‌चे़ॽया मिङ् साप्‍ते़आङ् पत्‍छे़॥


हे़क्‍क्‍याङ् खे़प्‍मो हन्‍दगेःक्‍गे़न् वासेरिःल्‍ले़ कुमुराओलाम्, थक्‍साःल्‍ले़ कुमुराओलाम् हे़क्‍क्‍याङ् इङ्‌ले़क्‍पा माङ्‌निङ्‌वाॽपान् के़बाःप्‍पाल्‍ले़ कुमुराओलाम् सुम्‍सि पदःक् हे़क्‍तङ्‌बा आजिःन्‍जिःम्‍बा फे़न्‍साम्‍हाॽ मे़लःन्‍दे़बा निसुङ्‌सिङ्‌लो॥


“खे़ल्‍ले़ पाःत्तु, ‘आङ्‌गाॽ पेःक्‍काआङ् खे़ल्‍ले़ कुमाङ्‌निङ्‌वाॽपान् के़बाःप्‍पाहाॽरे़ खुन्‍छिॽ मुराओ इङ्‌ले़क् के़बाःप्‍पा याम्‍साम्‍धिक् पोङ्‌ङा॥’ “यहवे दाङ्‌बे़ल्‍ले़ मे़त्तु, ‘खे़ने़ॽ खे़न् हुमारे़ लागि कुलिङ्‌दो के़गे़प्‍पा के़बोङ्‌ॽ॥ पेगे़ॽआङ् हुसे़ॽ॥’


Swiv nou:

Piblisite


Piblisite