“आल्ल आङ्गाॽ खे़न् कुदाङ्हाॽरे़ कुयाःम्बेओ इःत्छिङ्ङार पत्छाङ्ङिल्ले़ आङ्गाॽ आदगि लत्छा चुक्सा कुदाङ् थिक् खे़ङ्हाॽओलाम् लिङे़आङ् युङे़, हे़क्क्याङ् तगिबा कुदाङ्हाॽओबा सुम्सिग खे़ल्ले़ कुदगि कुबुङ् थे़र्ले़ हाॽयाक् मे़आगे़॥ मना मिक् हे़क्तङ्बाए कन् कुदाङ्ङिल्ले़ कुमिक् पत्छे़, हे़क्क्याङ् आङ्दिङ् पान् के़बाःप्पा खे़ल्ले़ कुम्ब्रा पत्छे़रो॥”
सुफो 13:11 - लिम्बु11 हे़क्क्याङ् इङ्गाॽ इक्सादिङ् खाम्बेःक्मोलाम् वेॽसमा किप्मा के़घुबा थक्साधिक् लःन्दे़ थाङे़बा निसुङ्लो॥ खे़ल्ले़ थुःम्बाल्ले़न् कुइसिक् ने़त्छि कुदाङ् युङे़, कर खे़ङ्ग हन्दगेःक्गे़न् वासेरिःन् कुइसिक् पारे़रो॥ Gade chapit la |
सुफो 13:11
17 Referans Kwoze
खे़न् के़निसुबा किप्मा के़घुबा थक्साःङ्ग कुहिङ्वे़त् वये़, कर खे़न् आल्लो होप्लो॥ खे़ङ्ग याम्मो कुद्रोःम् मेःन्नेबा लुम्बाःत्तोलाम् थाङ्ङाङ् मे़न्नुप्मनाबा मे़क्माओ पेःक्लो॥ हे़क्क्याङ् कन् इक्सादिङ् खाम्बेःक्माल्ले़न् नावागे़न् चइःत् ने़स्से़आङ्धो हिङ्मन्ले़न् साप्पन्नो खुनिॽ मिङ् मे़म्बप्मना इक्सादिङ् खाम्बेःक्मोबा मे़न्छाम् याप्मिहाॽरे़ कन् के़सिबा किप्मा के़घुबा थक्सान् याम्मो कुहिङ्वे़त् मे़निसुआङ् खुनिॽ निङ्वाॽ मारो॥
हे़क्क्याङ् इङ्गाॽ वरःङ्ङोलाम् के़लःम्बा किप्मा के़घुबा थक्सान् निसुङ्लो॥ खे़ल्ले़ नुसि कुधे़गेःक्हाॽओ थिबोङ् कुदाङ्हाॽ मे़बत्छे़, हे़क्क्याङ् खे़ल्ले़ कुदाङ्हाॽओ थिबोङ् तिचःहाॽ खुःक्खुआङ् पत्छे़॥ खे़ल्ले़ के़रे़क् कुधे़गेःक्को निङ्वाॽफुमाङ्ङिल्ले़ कुदक्ले़ङ्वाओ माङ्चे़ॽया मिङ् साप्ते़आङ् पत्छे़॥
मनाहाॽरे़ खे़न् हन्दगेःक्गे़न् वासेरिःन् से़वा मे़जोगु, थेआङ्भे़ल्ले़ खे़ल्ले़ कुयुक्किन् किप्मा के़घुबा थक्सान् पिरुआङ् वये़, हे़क्क्याङ् खे़ङ्हाॽरे़ अक्खे मे़बाःत्तुर से़वा मे़जोगु, “कन् किप्मा के़घुबा थक्सान् हे़क्तङ्बा हात् वाॽबे? कन् किप्मा के़घुबा थक्साःन्नु थङ् चोःक्मा के़सुक्पा हात् वाॽआङ्बे?”
Piblisite