Biblia Todo Logo
Bib sou entènèt

- Piblisite -




सुफो 13:10 - लिम्‍बु

10 पुङ्‌लाहिम्‍मो थाःमा के़बोङ्‌बान्, पुङ्‌लाहिम्‍मो थाःॽ हे़क्‍क्‍याङ् ताभेलाम् सिमा के़बोङ्‌बान्, ताभेलाम्‍बाए सिःरो॥ खे़ल्‍ले़चोगुल्‍ले़ निङ्‌वाॽफुमाङ्‌ङिल्‍ले़ सेसे कुमनाहाॽरे़ इनोगे़न् तुक्‍खेन् नासिथःप्‍मा पोङ्‌ङाङ् नसाःन्‍साबा पोङ्‌माआङ् वाॽमाए पोङ्‌लो॥

Gade chapit la Kopi




सुफो 13:10
29 Referans Kwoze  

खे़ङ्‌हाॽरे़ खे़ने़ॽ ‘आनिगे आत्तान् पेगिगे़बा’ फाॽआङ् से़ःन्‍के़म्‍दोने़भग्र आङ्‌गाॽ अक्‍खे पाःत्तुङ्‌ङाङ् वाॽ फाॽआङ् खे़ङ्‌हाॽ मे़त्ते़से़ॽ, ‘यहवे दाङ्‌बे़ल्‍ले़ अक्‍खे पाःत्तुरो— “‘आत्तिन्‍हाॽ मिङ्‌देॽलाम्‍बा मे़सि, खे़ङ्‌हाॽ मिङ्‌देॽओ मे़बेःक्‍लरो! आत्तिन्‍हाॽ थङ्‌ङो मे़सि, खे़ङ्‌हाॽ थङ्‌ङो मे़बेःक्‍लरो! आत्तिन्‍हाॽ साक्‍मे़न्‍जाए मे़सि, खे़ङ्‌हाॽ साक्‌वाःन्‍नो मे़धाररो! हे़क्‍क्‍याङ् आत्तिन्‍हाॽ मे़दे़म्‍सु मे़देॽरुसि, खे़ङ्‌हाॽ मे़दे़म्‍सु मे़देॽरुसिररो!’


खे़ल्‍ले़चोगुल्‍ले़ निङ्‌वाॽफुमाङ्‌ङिल्‍ले़ कुइङ्‌जाङ् के़घे़म्‍बाहाॽ नु ये़सुन् नसान् के़जोःक्‍पा निङ्‌वाॽफुमाङ्‌ङिल्‍ले़ सेसे कुमनाहाॽरे़ नासि थःप्‍माए पोङ्‌लो॥


खे़ने़ॽ निङ्‌घुम् के़दुमुल्‍ले़ निङ्‌वाॽ हाङ्‌गे़म्‍सिङ्‌ङे़ॽओ फाॽआङ् इङ्‌गाॽ पिने़बा इङ्‌जाङ्‌ङिन् ते़न्‍दिङ् के़जोगुबाल्‍ले़ चोगुल्‍ले़ खे़ने़ॽग इक्‍सादिङ् खाम्‍बेःक्‍मो के़दाबा इनोगे़न् पयम् यम्‍बा तुक्‍खेलाम् इङ्‌गाॽ ताङ्‌से़ःप्‍ने़ॽरो॥ खे़ङ्‌ग इक्‍सादिङ् खाम्‍बेःक्‍मो के़वाॽबा काक् मनाहाॽरे़ खुनिॽ नसाःन्‍निन् साॽसे़ तार पत्‍लो॥


खिनिॽ कन् के़रे़क् पाःन्‍हाॽ के़धरुम्‍मिल्‍ले़ए खिनिॽ हिङ्‌मन्‍निन् ताङ्‌लो॥”


मना के़से़प्‍पा खिनिॽ अस्‍सेरियाहाॽ, के़जिःत्ति के़स्‍ये़ॽइरो! कर खे़निॽग हाःत्‍ले़आङ् मे़न्‍छे़त्ते के़वयिॽ! चिःत्ते़स्‍ये़रो, खिनिॽ इङ्‌ले़क्‍स्‍वाबाहाॽ, खिनिॽग हाःत्‍ले़आङ् इङ्‌मे़ल्‍ले़क्‍के के़वयिरो! मनाहाॽ खे़निॽ मे़ङ्‌मा के़ले़रुम्‍सिम्‍मिल्‍ले़, खे़निॽआङ् के़म्‍मे़क्‍खिरो॥ मनाहाॽ खे़निॽ इङ्‌ले़क्‍मा के़ले़रुम्‍सिम्‌ॽ, खिनिॽआङ् इङ्‌ले़क्‍को के़ध्‍ये़ॽइरो॥


हे़क्‍क्‍याङ् खिनिॽ ले़म्‍स्‍वाबा मनाहाॽ कुइसिक् मेःन्, कर नसान् नु निङ्‌वाॽ हाङ्‌गे़म्‍सिङ्‌मालाम्‍बा निङ्‌वाॽफुमाङ्‌ङिल्‍ले़ माङ्‌हे़क् चोगुबान् लक् के़घोबाहाॽरे़ खुनिॽ चोःङ् इःत्ते़म्‍मे़ॽओ के़लॽबा आनिगे निङ्‌वाॽ वाॽरो॥


“‘खे़ने़ॽ आक्‍खे़न् साॽरिक् याम्‍बुधिक्‍पा नु नासि के़धःप्‍पा के़जोक् फाॽआङ् इङ्‌गाॽ निसुङ्‌लो॥ हे़क्‍क्‍याङ् खे़ने़ॽ ताप्‍फे़ःम्‍बा मनाहाॽ नासि के़न्‍धःत्तुन्‍छिम्‍बान् नु खे़ङ्‌हाॽ सेःक्‌युक्‍मिबा मे़ःन्‍छिसाङ् आनिगे सेःक्‌युक्‍मिबासिगे़ के़लॽबाहाॽरे़ खुनिॽ याःम्‍बक्‍किन् के़साॽरुआङ् खे़ङ्‌हाॽ इङ्‌ले़क्‍पासि फाॽआङ् निङ्‌वाॽ के़घोसुबान् इङ्‌गाॽ निसुङ्‌लो॥


ये़सुरे़ खे़न् मे़त्तु, “के़दाभेःन् फे़सिःप्‍पो याक्‍ते़ॽ, थेआङ्‌भे़ल्‍ले़ आत्तिल्‍ले़ ताभेन् ओगप्‌ चोगुॽ, खे़न् ताभेलाम्‍मे सिःॽ॥


हे़क्‍क्‍याङ् खुने़ॽ फे़न्‍नाङ् मिस्र लाजेन् खाप्‍पुथ्‍यःङ् चोगुॽ॥ मिङ्‌देॽलाम् आत्तिन् सिमा के़बोङ्‌बा वाॽ, खे़न् मिङ्‌देल्‍ले़ सिःॽ, आत्तिन् ते़म्‍मा तेॽमा के़बोङ्‌बा वाॽ, खे़न् मे़दे़म्‍सु मे़देॽरु, हे़क्‍क्‍याङ् थङ्‌ङो आत्तिन् सिमा के़बोङ्‌बा वाॽ, खे़न् थङ्‌ङो सिःॽ॥


खे़ङ्‌हाॽरे़ निङ्‌वाॽफुमाङ्‌ङिल्‍ले़ सेसे कुमनाहाॽ नु माङ्‌निङ्‌वाॽपान् के़बाःप्‍पाहाॽरे़ खुनिॽ माक्‍खिॽइन् मे़से़सुआङ् मे़वाॽरो॥ खे़ल्‍ले़चोगुल्‍ले़ खे़ङ्‌हाॽ माक्‍खिॽइन् थुङ्‌मा के़बाङ्‌घुसिरो॥ खे़ङ्‌ग खे़ङ्‌हाॽ लाॽरुसिबा खुम्‍दिङ्‌ङिन् वये़रो॥”


इङ्‌गाॽ युहुन्‍नान् नसाःन्‍नो खिनिॽ फुॽआरो॥ ख्रिस्‍त ये़सुन् नसान् चोःक्‍मे़ल्‍ले़ खुने़ॽ कुहाङ्‌जुम्‍मो के़वाॽबाहाॽरे़ मे़घोसुबा निङ्‌घुम्‍मिन् खिनिॽनु सोसोरिक् नासि थःत्तुङ्‌ल थरुङ्‌ङाङ् वाॽआरो॥ निङ्‌वाॽफु पाःन्‍जाक्‍किन् नु ये़सुरे़ पाःत्तुबा नु चोगुबा पाःन्‍हाॽ इङ्‌भन्‌ चोगुङ्‌बाल्‍ले़ चोगुल्‍ले़ इङ्‌गाॽ पत्‍मोस वागप्‍लाजेॽओ साक्‍पा के़धाबा मे़जोगाङ् मे़देॽराङ्‌ङाङ् वयाङ्॥


थेआङ्‌भे़ल्‍ले़ निःन्‍धो के़बोङ्‌बा ये़म्‍मिन् के़प्‍मारे़ लागि सुफोःल्‍ले़ हाङ्‌घुर वाॽरो, खे़ल्‍ले़ कुनुप्‍माल्‍ले़ कुयाःम्‍बेओ पाःत्तुरो हे़क्‍क्‍याङ् खे़न् से़क्‍खाए पोङ्‌लो॥ खे़न् के़प्‍मा सुसाङ् खे़ने़ॽ हाङ्‌से़ॽआङ् युङे़ॽओ, थेआङ्‌भे़ल्‍ले़ खे़न् से़क्‍खाए के़त्‍लो, खे़न् के़प्‍मा साॽरिक् मे़सुने़न्‍लो॥


स्‍वाःत्ताङ् यहवे दाङ्‌बे़ल्‍ले़ आसे़ःप्‍से़ःप्‍पा कुलाम्‍मिन् ओमे़प्‍माए के़रे़क्‍नुःल्‍ले़ नुबा पोङ्‌लो॥


खे़ने़ॽ के़घे़प्‍सुबा नु के़हुॽसिङ्‌बा पाःन्‍निन् नुरिक्‍काङ् इःत्ते़ॽ॥ हे़क्‍क्‍याङ् खे़न् ते़न्‍दिङ् चोगे़ॽआङ् के़लायोलाम् हिन्‍दे़ॽओ॥ कर के़म्‍बोःक्‍ने़न्‍ने़ फाॽग्र के़घुःम्‍बान् सुल्‍लि ताबा कुइसिक् इङ्‌गाॽ खे़ने़ॽओ ताआरो, हे़क्‍क्‍याङ् ताःआबा ये़म्‍मिन् खे़ने़ॽ के़न्‍निसुन्॥


‘खे़ने़ॽ के़याःम्‍बक्‍किन्, के़मिःम्‍जिन्, के़नसाःन्‍निन्, के़माङ्‌सेवान् हे़क्‍क्‍याङ् खे़ने़ॽ तुक्‍खे के़धरुबान् इङ्‌गाॽ निसुङ्, हे़क्‍क्‍याङ् आल्‍लोग खे़ने़ॽ तगिनुःल्‍ले़आङ् यरिक् माङ्‌से़वा याःम्‍बक् के़जोक् फाॽआङ् निसुङ्‌लो॥


खुने़ॽ कुमिमिदिङ्‌गे़न् कुमुक्‍साम्‍लाम्‍बा खिनिॽ के़धुम्‍बा के़बोःक्‍खिर फाॽआङ् आनिगे तुवा चोगुम्‍बे़, हे़क्‍केलॽरिक् खिनिॽ चाहाबा के़जोगिबा काक् निङ्‌वाॽ हाङ्‌गे़म्‍सिङ्‌मान् नु नासि थःप्‍मान् के़घोसुम्‍लरो॥ हे़क्‍क्‍याङ् सःप्‍मे़ल्‍ले़ कुधिम् के़बोःक्‍खिररो,


इक्‍सादिङ् खाम्‍बेःक्‍कोबा मे़न्‍छाम् सुवाङ्‌हाॽरे़ यहवे दाङ्‌बे़ल्‍ले़ कुमनाहाॽ नुःङ्‌मा पेःक्‍मा मे़भाॽरुसिरो, हे़क्‍क्‍याङ् यहवे दाङ्‌बे़ल्‍ले़ कुलाजेॽओ युङ्‌से़ के़दाबा मनाहाॽरे़ इस्राइलिहाॽ से़वा मे़मे़त्तुसिआङ् याःम्‍बक् मे़जोगु मे़बिरुसिरो॥ खे़न् इस्राइलिहाॽ के़दे़म्‍बा के़घेःङ्‌बाहाॽ इस्राइलिहाॽरे़ मे़दे़म्‍सु मे़घेःक्‍खुसिरो, खे़ब्‍याङ् इस्राइलिहाॽरे़ खुन्‍छिॽ निङ्‌मिहाॽ सम्‍धाङ् युक् मे़जोगुरो॥


वेॽहाॽ पान् के़धिक्‍तुम्‍सिम्‍बा हे़क्‍केए निङ्‌वाॽफुमाङ्‌ङिल्‍ले़ खिनिॽआङ् पान् के़धिक्‍तिॽरो॥ आक्‍खेलॽरिक् वेॽहाॽ के़मे़त्तुम्‍सिम्, बा हे़क्‍केलॽरिक्‍के निङ्‌वाॽफुमाङ्‌ङिल्‍ले़ खिनिॽआङ् के़मे़त्तिॽरो॥


ओमे़त्ताम्‍मे़ॽ! इक्‍सादिङ् खाम्‍बेःक्‍कोबा मनाहाॽरे़ खुन्‍छिॽ लायोल्‍ले़ चोगुल्‍ले़ खे़ङ्‌हाॽ खुम्‍दिङ् पिमासिरे़ लागि यहवे दाङ्‌बान् साङ्‌ग्राम्‍पेदाङ्‌लाम् युर पत्‍लो॥ इक्‍सादिङ् खाम्‍बेःक्‍मोबा मनाहाॽरे़ मे़से़सुबा माक्‍खिन् ओसेःन्‍धाङ् मे़जोगुरो, हे़क्‍क्‍याङ् मे़स्‍ये़रुसिबाहाॽ आल्‍ल याम्‍मो इक्‍सादिङ् खाम्‍बेःक्‍माल्‍ले़ चिङ्‌मा मे़सुक्‍तुसिन्‍लो॥


मे़न्‍छाम् सुवाङ्‌हाॽ खे़ने़ॽनु खुनिॽ याःक्‍ले़ॽरे़आङ् वाॽ, कर आल्‍ल खे़ने़ॽ के़सिक् पोःक्‍मा ये़म् के़रे़आङ् वाॽ॥ के़सिबाहाॽ खासे़न् चोःक्‍मासि ये़म् त्‍ये़आङ् वाॽ॥ हे़क्‍क्‍याङ् खे़ने़ॽनु के़गिबा चुक्‍सा नु यम्‍बा, माङ्‌निङ्‌वाॽपान् के़बाःप्‍पा के़से़वारोबाहाॽ हे़क्‍क्‍याङ् के़सेसे मनाहाॽ हाङ्‌से़म् पिमासि सुये़म् त्‍ये़आङ् वाॽ॥ आल्‍ल इक्‍सादिङ् खाम्‍बेःक्‍मान् के़मे़ङ्‌बाहाॽ मे़ङ्‌मासि ये़म्‍माङ् त्‍ये़आङ् वाॽरो॥”


खे़न् के़निसुबा किप्‍मा के़घुबा थक्‍साःङ्‌ग कुहिङ्‌वे़त् वये़, कर खे़न् आल्‍लो होप्‍लो॥ खे़ङ्‌ग याम्‍मो कुद्रोःम् मेःन्‍नेबा लुम्‍बाःत्तोलाम् थाङ्‌ङाङ् मे़न्‍नुप्‍मनाबा मे़क्‍माओ पेःक्‍लो॥ हे़क्‍क्‍याङ् कन् इक्‍सादिङ् खाम्‍बेःक्‍माल्‍ले़न् नावागे़न् चइःत् ने़स्‍से़आङ्‌धो हिङ्‌मन्‍ले़न् साप्‍पन्‍नो खुनिॽ मिङ् मे़म्‍बप्‍मना इक्‍सादिङ् खाम्‍बेःक्‍मोबा मे़न्‍छाम् याप्‍मिहाॽरे़ कन् के़सिबा किप्‍मा के़घुबा थक्‍सान् याम्‍मो कुहिङ्‌वे़त् मे़निसुआङ् खुनिॽ निङ्‌वाॽ मारो॥


खे़न् तगि कुहिङ्‌वे़त् के़वाॽबा कर आल्‍लो के़होप्‍पा किप्‍मा के़घुबा थक्‍सान् ये़त्‍छिगेक्‍पा हाङ्‌लो॥ खे़न् वेॽसमा नुसि हाङ्‌हाॽ हे़क्‍तङ्‌बा चोक्‍लो, हे़क्‍क्‍याङ् खे़न्‍नाङ् मे़क्‍लो॥


Swiv nou:

Piblisite


Piblisite