सुफो 12:9 - लिम्बु9 कन् पयम् यम्बा हन्दगेःक्गे़न् वासेरिःङ्ग उन्छोःन्बा असेःक्पे़न्लो, खे़ङ्ग इक्सादिङ् खाम्बेःक्मोबाहाॽ इङ्ले़क् के़मे़प्पा माफे़न्साम् इग्र सैतान मे़मे़त्तुरो॥ खे़ङ्ग कुमाङ्लाइङ्बाहाॽनु यो इक्सादिङ् खाम्बेःक्मो लाप्फुसे़रो॥ Gade chapit la |
सुफो 12:9
68 Referans Kwoze
हे़क्क्याङ् खुनिॽ इङ्ले़क् के़मे़प्पा माफे़न्साम्मिन् मिराःक् नु कान्धाक् के़दिःप्पा लुम्बाःत्तो लाप्फुसुरो॥ खे़प्मोग किप्मा के़घुबा थक्सान् नु इङ्ले़क्पा माङ्निङ्वाॽपान् के़बाःप्पे़न्नाङ् तगिसा लाप्मे़भुसुसिआङ् यागे़त्छिरो॥ हे़क्क्याङ् खे़ङ्हाॽग से़न्दिक् ले़न्दिक् सदादिङ् खे़प्मो तुक्खे मे़जारो॥
खिनिॽ पाःङ्ग माफे़न्साम्लो हे़क्क्याङ् खुने़ॽ हे़क्केए चोःक्मा खिनिॽ सिराॽथाङ्लो॥ खे़ङ्ग तोलिङ्सोमुआङ्धोए मे़न्छाम् याप्मि के़से़प्पा वये़॥ खे़ल्ले़ से़क्खान् चिःत्तुॽरो, थेआङ्भे़ल्ले़ से़क्खान् खुने़ॽओ होप्लो॥ खुने़ॽ ताप्फे़ःम्बा कुसुत्नाःन् कुइसिःक्के इङ्ले़क् पाःत्लो, थेआङ्भे़ल्ले़ खुने़ॽग इङ्ले़क् के़बाःप्पा हे़क्क्याङ् इङ्ले़क्के पाःन्हाॽरे़ कुम्बारो॥
हे़क्क्याङ् खे़न् इक्सादिङ् खाम्बेःक्मो लन् थाङ्ङाङ् काक् पिसाङ्बा के़रे़क् मे़न्छाम् सुवाङ्हाॽ—“गोग” नु “मागोग” मे़प्मनाबा मे़न्छाम् सुवाङ्हाॽ—इङ्ले़क्तुसिआङ् निङ्वाॽफुमाङ्ङिल्ले़ सेसे कुमनाहाॽरे़ खुनिॽ तक्ले़ङ्वाओ थङ् चोःक्मारे़ लागि सुप्सुसिरो॥ खे़ङ्हाॽग आत्तात्तान्ने ये़ःङ्घा कुइसिक् निःप्मा सुक्मे़न्दे़प्मनाबा मे़जोक्लो॥
हे़क्क्याङ् तरःङ्दिङ् ताङ्साक्पो याम्मो इङ्गाॽ वेॽसमा निङ्वाॽ के़माबा मिक्सेःन्धिक्काङ् निसुङ्लो—खे़प्मो हे़ःत्के़लॽबा नुसि कुधे़गेक् के़बप्पा पयम् यम्बा किप्मा के़घुबा हन्दगेःक्गे़न् वासेरिःन् वये़रो॥ खे़ल्ले़ नुसि कुधे़गेःक्हाॽओ नुसि तिचःहाॽ खुःक्खुआङ् पत्छे़॥ खे़ल्ले़ थिबोङ् कुदाङ्हाॽ युङे़रो॥
हे़क्क्याङ् हाङ्ङिल्ले़ कुभे़न्छाङ् ले़प्माङ्बाहाॽ मे़त्तुसि, ‘खिनिॽ निङ्वाॽफु साक्मुराःल्ले़ के़दे़त्तिबासे, खिनिॽ इङ्गाॽओलाम् पेगे़म्मे़ॽओ॥ खिनिॽग माफे़न्साम्मिन् नु खुने़ॽ कुमाङ्लाइङ्बाहाॽ केःप्मासि फाॽआङ् यारिप् चोगुबा आप्फाल्ले़आङ् मे़न्छिःम्ना मि के़दिःप्पा खे़मायङ्सङ्ङो पेगे़म्मे़ॽओ॥
खे़न् ये़न्नो यहवे दाङ्बे़ल्ले़ किप्मा के़घुबा हे़क्क्याङ् कुमुक् के़याक्पा नु यम्बा ताभेःल्ले़ खे़न् खइक् खइक् के़इक्सिङ्बा के़उःङ्सिङ्बार लाङ्गे़घेःक्पा, वरःङ्ङो के़याक्पा आजाजाबा लिब्याताने़न् पाक्ले़ पाक्ले़ च्ये़प्तुरो, खे़ब्याङ् वरःङ्ङो खे़न् के़वे़ःङ्सिङ्बाआङ् के़युङ्बा असेःक्पे़न् खुम्दिङ् पिरुआङ् स्ये़रुरो॥
हे़क्क्याङ् खे़न् किप्मा के़घुबा थक्सान् नु खुने़ॽ कुदगि निङ्वाॽ के़माबा याःम्बक् के़जोःक्पा खे़न् इङ्ले़क्पा माङ्निङ्वाॽपान् के़बाःप्पे़न् मे़दे़म्सुसिरो॥ खे़ल्ले़ मुक्साम्रे़ कुधिम्बा निङ्वाॽ के़माबा याःम्बक्हाॽरे़ खे़न् किप्मा के़घुबा थक्साःल्ले़ इबुगे़न् कुमिक्सेन् के़लक्पा नु कुनावाइत्लान् से़वा के़जोःक्पाहाॽ इङ्ले़क्तुसिआङ् वये़रो॥ खे़ङ्हाॽ ने़प्माङ् कुहिङ्वे़त्ते कान्धाक् के़दिःप्पा मिराःक् लुम्बाःत्तो लाप्मे़भुसुसिरो॥
थिक्सिगेक्पा किप्मा के़घुबा थक्साःल्ले़ कुले़क्वा खे़न् किप्मा के़घुबा थक्साःल्ले़ निङ्वाॽ के़माबा याःम्बक्हाॽ चोःक्मा खोसुआङ् इक्सादिङ् खाम्बेःक्मोबा मे़न्छाम् याप्मिहाॽ इङ्ले़क्तुसिरो॥ खे़ल्ले़ खे़न् सिमालिङ्धोओ थारिक् ताभेःल्ले़ के़गाःम्बाआङ् याम्मो के़हिङ्बा थिक्सिगेक्पा किप्मा के़घुबा थक्साःल्ले़ कुमिङ्सो कुधाःङ्सोओ नावाइत्ला चोक् पाङ्घुसिरो॥
हे़क्क्याङ् कन् मिन्देॽलाम् मे़न्छिःम्ना वेॽ मनाहाॽ आबाङे मे़जोगुबा फे़न्याःम्बक्कोलाम् मे़न्हिन्दे़न्लो॥ आल्लसाङ् खे़ङ्हाॽरे़ फे़न्साम्हाॽ नु मे़म्बाःप्मना, मे़न्निःम्ना हे़क्क्याङ् लाङ्मे़ङ्घेःक्मना साम्म्याङ्, युप्पा, थथनाबा, लुङ् नु सिङ्ङिल्ले़न् नावाइत्लाहाॽ से़वा चोःक्मा मे़ल्ले़रुन्लो॥
‘के़दुमुबा निङ्घुम्हाॽ नु के़याङ्साॽमान् इङ्गाॽ निसुङ्लो, कर से़क्खाःल्ले़ निङ्वाॽफुमाङ्ङिल्ले़ कुनिमाओ खे़ने़ॽ याङ्साकुन्धेसाबा के़जोःक्लो॥ आनिगे यहुदिसिगे़ के़लॽबाहाॽरे़ खे़ने़ॽ के़दक्ले़ङ्वाओ चे़ॽया के़मे़प्पे़न् इङ्गाॽ निसुङ्ङाङ् वाॽआरो॥ खे़ङ्हाॽग यहुदिसि मेःन्, कर माफे़न्साम्मिल्ले़ कुमनासिरो॥
कर अक्खेलॽरिक् आत्तिन्हाॽरे़आङ् इङ्ले़क् के़मे़म्मे़त्तिन्ल, थेआङ्भे़ल्ले़ खे़न् ये़म्मिन् मे़न्दाए वाॽरो॥ खे़न् ये़म्मिन् तामानुःल्ले़ तगिग कुनुप्माओ निङ्वाॽफुमाङ्ङिल्ले़ कुदक्ले़ङ्वाओ पयम् बिफ्युङ् पोङ्, हे़क्क्याङ् पयम् लायो के़जोःक्पा पाक्कुम्भिओ के़बेःक्पा मनान् थाःम्सिङ्लो॥
हे़क्क्याङ् खे़ल्ले़ पयम् यम्बा इक्लाओ अक्खेलॽरिक् पाःत्तुर अःक्ते़रो, “बेबिलोनिन् मे़गे़रो, पयम् यम्बा ये़क्यक्किन् मे़गे़रो! खे़न् आल्ल लेःत्छाम् फुङ्साम् नु फे़न्साम्हाॽरे़ खुनिॽ वाॽमा ते़न् पोःक्खे़आङ् वाॽ॥ खे़प्मोग काक् परिक्ले़न् सिक्के़ले़ःङ्बा नु आसुत्थो पुहाॽ याङ्मे़धोःक्लो॥
खे़ने़ॽ याङ्साकुन्धेसाबा के़ले़ङ्हङ् चोःक्मे़ल्ले़ खे़ने़ॽ कुॽइगे़भे़म्मा लाम्मो लाम्गे़लोसे़रो, हे़क्क्याङ् खे़ने़ॽ लायो लासोत् के़जोगुरो॥ खे़ल्ले़चोगुल्ले़ निङ्वाॽफुमाङ्ङिल्ले़ कुगोःक्मालाम् आङ्गाॽ खे़ने़ॽ सिरिङ्ममो नाःत्ने़देने़रो॥ कुमुक्साम् के़याक्पा कम्ब्राङ्बाए, मिराक् के़दिःप्पा लुङ्हाॽरे़ कुलुम्मोलाम् आङ्गाॽ लःत्ने़देने़रो॥
खे़ने़ॽओ याम्मो आप्फाल्ले़आङ् सेमि मे़ओःत्ने़न्लो, हे़क्क्याङ् सिसामेःत् नु नालिसाङ्ङिल्ले़ खुन्छिॽ इक्लाःन्नाङ् खे़ने़ॽओ याम्मो आप्फाल्ले़आङ् खे़म्मे़दे़त्ने़न्लो॥ खे़ने़ॽ के़ले़ङ्हङ्बाहाॽग इक्सादिङ् खाम्बेःक्मो मुक्साम्साबा नु के़इङ्बा के़धुम्बाहाॽ मे़वये़, हे़क्क्याङ् खे़ने़ॽ फे़न्साम् मुन्धुम्लाम् इक्सादिङ् खाम्बेःक्मोबा काक् मे़न्छाम् सुवाङ्हाॽ इङ्गे़ले़क्तुसिरो॥
खे़ल्ले़चोगुल्ले़ साङ्ग्राम्पेदाङ् नु खे़प्मो के़वाॽबासे, सःत्ते़म्मे़ॽओ! कर इक्सादिङ् खाम्बेःक्मो नु वरःङ्ङो के़वाॽबासे, खिनिॽग के़जिःत्ति के़स्ये़ॽइरो, थेआङ्भे़ल्ले़ माफे़न्साम्मिङ्ग खिनिॽओ थ्ये़आङ् वाॽरो॥ खे़ल्ले़ साॽरिक् कुसिक्के़न् पोगे़, थेआङ्भे़ल्ले़ खे़ल्ले़ कुये़म्मिन् सुःल्लिक्लक् वाॽ फाॽआङ् निङ्वाॽ खोसुआङ् वाॽ॥”
Piblisite