सुफो 12:8 - लिम्‍बु

⁸ कर खे़न् हन्‍दगेःक्‍गे़न् वासेरिःन् नु खे़ल्‍ले़ कुमाङ्‌लाइङ्‌बाहाॽ थङ्‌ङो हारिमे़द्‌ये़आङ् खे़ङ्‌हाॽरे़ साङ्‌ग्राम्‍पेदाङ्‌ङो खुनिॽ युङ्‌मा ते़न्‍निन् मे़मासु॥

सुफो 12:8 Referans Kwoze

निङ्‌वाॽफु साम्‍लोसुम् 37:10

सप्‍फाआङ् कुइगे़भे़म्‍बाहाॽग खे़प्‍मो मे़न्‌वाॽने़ल्‍लो, खे़ङ्‌हाॽ खे़ने़ॽ के़गोःत्तुसिसाङ् के़ङ्‌घोसुन्‍छिल्‍लो॥

सुफो 12:11

आनिॽ नसानिबा फुॽनुसाॽ ने़ॽनुसाॽहाॽरे़ग मे़ल्‍लुक्‍साःल्‍ले़ कुमाक्‍खिॽ नु खे़ङ्‌हाॽरे़ इङ्‌मे़भोसुबा से़क्‍खाःल्‍ले़ खे़न् माफे़न्‍साम्‍मिन् मे़नाःन्‍दुआङ् मे़वाॽरो॥ हे़क्‍क्‍याङ् खे़ङ्‌हाॽग सिमाआङ् मे़ङ्‌गिसे़न्‍लो॥

यर्मिया 1:19

खे़ङ्‌हाॽ खे़ने़ॽनु थङ् मे़जोक् कर खे़ने़ॽ नाःम्‍मा के़मे़न्‍छुक्‍ने़न्‍लो थेआङ्‌भे़ल्‍ले़ खे़ने़ॽ के़दाङ्‌से़ःप्‍से़ आङ्‌गाॽ खे़ने़ॽनु वाॽआरो॥ आङ्‌गाॽ, यहवे दाङ्‌बाल्‍ले़ पाःत्तुङ्‌ङाङ् वाॽआरो॥”

यहुदा 1:6

हे़क्‍क्‍याङ् आबाङे खुनिॽ वाॽमा ते़न् नु निङ्‌वाॽफुमाङ्‌ङिल्‍ले़ पिरुसिबा युक्‍को मे़न्‌वाॽमनाबा माङ्‌लाइङ्‌बाहाॽ यम्‍बा खासे़न् ये़न् थारिक् निङ्‌वाॽफुमाङ्‌ङिल्‍ले़ खामाक्‍लुम्‍बाःत्तो इघेःक्‍खु युक्‍खुसिआङ् मे़युङ्‌लो॥

मत्ति 16:18

“से़क्‍खा पान् खे़ने़ॽ मे़त्‍ने़ॽ, खे़ने़ॽ पत्रुसने़रो (पत्रुस फाॽइन् लुङ्‌लो), हे़क्‍क्‍याङ् कन् पयम् यम्‍बा लुङ्‌सम्‍दाङ् इङ्‌गाॽ आसेसेहुप्‍लक्‍किन् चोगुङ्‌लो॥ हे़क्‍क्‍याङ् कन् आसेसेहुप्‍लक्‍किन् सिमे़ल्‍ले़न् मुक्‍साम्‍मिल्‍ले़ नाःम्‍मा मे़सुक्‍तुन्‍लो॥

यर्मिया 5:22

आङ्‌गाॽ यहवे दाङ्‌बाआ, खिनिॽ आङ्‌गाॽनु किमा मे़बोङ्‌ने़न्‍बि? आङ्‌गाॽ आदगि थेआङ् थे़गक्‍कक्‍ना के़न्‌यक्‍खिन्‍बे? आङ्‌गाॽ वरःङ्‌ङिल्‍ले़ लागि ये़ःङ्‌घाःन् इःन्‍दो ने़स्‍सुङ् पिरुङ्‌ङाङ् ने़रो॥ खे़न् वरःङ्‌ङिल्‍ले़ काःक्‍मा मे़न्‍छुक्‍मना लत्‍छा तधप् मे़ल्‍लॽमनाबा कुधेःक्‍मा पोःक्‍खे़आङ् ने़रो॥ वरःङ्‌ङोबा वाभे़ल्‍ले़ङ्‌हाॽ पोःक्‍पिलारो कर खे़न् इःन्‍दोन् काःक्‍मा मे़सुक्‍तुन्‍लो॥ खे़न् वाभे़ल्‍ले़ङ्‌हाॽ यम्‍बा सःक्‍पिलारो कर खे़न् हमाआङ् काःक्‍मा मे़सुक्‍तुन्‍लो॥

निङ्‌वाॽफु साम्‍लोसुम् 129:2

“आङ्‌गाॽ थाङ्‌बे़न् वयाङ्‌ङाङ्‌धोए आनिङ्‌मिहाॽरे़ चबे़ःत्‍छिक्‍काङ् लुङ्‌माॽ स्‍याःत् मे़ल्‍लॽए तुक्‍खे मे़जाःत्ताङ्‌लो, कर खे़ङ्‌हाॽरे़ आप्‍फाल्‍ले़आङ् आङ्‌गाॽ नाःम्‍मा मे़न्‍छुक्‍ताङ्‌ङिल्‍लो॥

निङ्‌वाॽफु साम्‍लोसुम् 13:4

आङ्‌गाॽ आनिङ्‌मिहाॽरे़, “खे़न् नाःन्‍दुम्‍बे़आङ् वाॽरो” पाःप्‍मा खे़ङ्‌हाॽरे़ मे़ङ्‌घोसुल्‍लरो॥ मेःन्‍ने़भग्र आङ्‌गाॽ हारि ताआल्‍ले़ आनिङ्‌मिहाॽ मे़सःत्‍लो॥

अयुब 20:9

खे़न् के़निबाहाॽरे़ याम्‍मो आभे़ल्‍ले़आङ् मे़न्‍निसुन्‍लो खे़न् युङे़बा ते़न्‍नोलाम् माबेःक्‍लो॥

अयुब 8:18

कर खे़न् आःक्‍खे़देसे़ॽओ, कुसाःप्‍पोनुए हाॽयाक् आःक्‍खे़देसे़ॽओ॥ खे़न् एगाङ् खे़न् आत्तिन्‍हाॽरे़ खुनिॽ निङ्‌वाॽसुम्‍मोआङ् मे़दाने़ल्‍लो॥

अयुब 7:10

खे़न् आभे़ल्‍ले़आङ् हिम्‍मो मे़नुःङ्‌ने़न् मे़दाने़न्‍लो, खे़ब्‍याङ् कुसिङ् के़निःप्‍पा के़रे़क्‍ले़ खे़न् निङ्‌वाॽ मे़भेःत्‍छुरो॥

सुफो 12:7

हे़क्‍क्‍याङ् साङ्‌ग्राम्‍पेदाङ्‌ङो पयम् यम्‍बा ते़न्‍धङ् पोःक्‍खे़रो॥ मिखाएलहे़क्‍क्‍याङ् खे़ल्‍ले़ कुमाङ्‌लाइङ्‌बाहाॽरे़ खे़न् हन्‍दगेःक्‍गे़न् वासेरिःन् हे़क्‍क्‍याङ् खे़ल्‍ले़ कुमाङ्‌लाइङ्‌बाहाॽनु थङ् मे़जोगुरो॥

सुफो 12:9

कन् पयम् यम्‍बा हन्‍दगेःक्‍गे़न् वासेरिःङ्‌ग उन्‍छोःन्‍बा असेःक्‍पे़न्‍लो, खे़ङ्‌ग इक्‍सादिङ् खाम्‍बेःक्‍मोबाहाॽ इङ्‌ले़क् के़मे़प्‍पा माफे़न्‍साम् इग्र सैतान मे़मे़त्तुरो॥ खे़ङ्‌ग कुमाङ्‌लाइङ्‌बाहाॽनु यो इक्‍सादिङ् खाम्‍बेःक्‍मो लाप्‍फुसे़रो॥

सुफो 20:11

हे़क्‍क्‍याङ् इङ्‌गाॽ पयम् यम्‍बा फगे़लॽबा हाङ्‌युक्‍नान् नु खे़प्‍मो के़युङ्‌बान् निसुङ्‌लो॥ इक्‍सादिङ् खाम्‍बेःक्‍मान् नु तरःङ्‌दिङ् ताङ्‌साक्‍पे़न् खुने़ॽ कुदगिलाम् खे़त्‍ने़त्‍छि, हे़क्‍क्‍याङ् खे़ङ्‌हाॽ याम्‍मो निमे़दे़त्ते़त्‍छिन्‍लो॥