सुफो 12:3 - लिम्बु3 हे़क्क्याङ् तरःङ्दिङ् ताङ्साक्पो याम्मो इङ्गाॽ वेॽसमा निङ्वाॽ के़माबा मिक्सेःन्धिक्काङ् निसुङ्लो—खे़प्मो हे़ःत्के़लॽबा नुसि कुधे़गेक् के़बप्पा पयम् यम्बा किप्मा के़घुबा हन्दगेःक्गे़न् वासेरिःन् वये़रो॥ खे़ल्ले़ नुसि कुधे़गेःक्हाॽओ नुसि तिचःहाॽ खुःक्खुआङ् पत्छे़॥ खे़ल्ले़ थिबोङ् कुदाङ्हाॽ युङे़रो॥ Gade chapit la |
सुफो 12:3
27 Referans Kwoze
आङ्गाॽ खे़ल्ले़ कुधे़गेःक्को के़युङ्बा थिबोङ् कुदाङ्हाॽरे़ कुयाःम्बेओ नु खे़न् कुदाङ्हाॽओलाम् के़लःम्बा वेॽ कुदाङ्ङिल्ले़ कुयाःम्बेओआङ् कुसिङ् निःप्मा निङ्वाॽ चोगुङ्, खे़ल्ले़ कुबेसाङ् खे़ङ्हाॽओलाम् कुदाङ् सुम्सि मे़आगे़—कुदाङ्ङिन् वेॽहाॽनुःल्ले़ के़धुम्बा निदे़त्ते़ हे़क्क्याङ् खे़ल्ले़ कुमिक् नु आङ्दिङ् पान् के़बाःप्पा कुम्ब्रा पत्छे़॥
खे़न् ये़न्नो यहवे दाङ्बे़ल्ले़ किप्मा के़घुबा हे़क्क्याङ् कुमुक् के़याक्पा नु यम्बा ताभेःल्ले़ खे़न् खइक् खइक् के़इक्सिङ्बा के़उःङ्सिङ्बार लाङ्गे़घेःक्पा, वरःङ्ङो के़याक्पा आजाजाबा लिब्याताने़न् पाक्ले़ पाक्ले़ च्ये़प्तुरो, खे़ब्याङ् वरःङ्ङो खे़न् के़वे़ःङ्सिङ्बाआङ् के़युङ्बा असेःक्पे़न् खुम्दिङ् पिरुआङ् स्ये़रुरो॥
हे़क्क्याङ् इङ्गाॽ वरःङ्ङोलाम् के़लःम्बा किप्मा के़घुबा थक्सान् निसुङ्लो॥ खे़ल्ले़ नुसि कुधे़गेःक्हाॽओ थिबोङ् कुदाङ्हाॽ मे़बत्छे़, हे़क्क्याङ् खे़ल्ले़ कुदाङ्हाॽओ थिबोङ् तिचःहाॽ खुःक्खुआङ् पत्छे़॥ खे़ल्ले़ के़रे़क् कुधे़गेःक्को निङ्वाॽफुमाङ्ङिल्ले़ कुदक्ले़ङ्वाओ माङ्चे़ॽया मिङ् साप्ते़आङ् पत्छे़॥
मनाहाॽरे़ खे़न् हन्दगेःक्गे़न् वासेरिःन् से़वा मे़जोगु, थेआङ्भे़ल्ले़ खे़ल्ले़ कुयुक्किन् किप्मा के़घुबा थक्सान् पिरुआङ् वये़, हे़क्क्याङ् खे़ङ्हाॽरे़ अक्खे मे़बाःत्तुर से़वा मे़जोगु, “कन् किप्मा के़घुबा थक्सान् हे़क्तङ्बा हात् वाॽबे? कन् किप्मा के़घुबा थक्साःन्नु थङ् चोःक्मा के़सुक्पा हात् वाॽआङ्बे?”
आदाङ्बारे़ कल्ले़ कुलाङ्हाॽ नु कुलाङ्जोःक्हाॽ कुभा पसाक्के़साक्पा खाम्, कुभा फे़न्जेल्ले़ चोःक्मनाबा के़निसुबा कुइसिःक्के कन् के़से़म्बा हाङ्जुम् पोङ्ॽ, हे़क्केसाङ् आदाङ्बारे़ फे़न्जेन् पसाक्के़साक्पा खाम्मिन्नु फुत्छिङ्बा के़निसुबा कुइसिक् कप्मो कुभा फे़न्जेन् के़धुम्बा पोङ्ॽ॥
Piblisite