सुफो 12:16 - लिम्‍बु

¹⁶ कर इक्‍सादिङ् खाम्‍बेःक्‍माल्‍ले़ खे़न् हन्‍दगेःक्‍गे़न् वासेरिःल्‍ले़ कुमुराओलाम् असु लःत्तुबा यङ्‌घङ्‌ङिन् काक् लरुदेःसुआङ् खे़न् मे़न्‍छुमाॽइन् कुभाॽ पिरुरो॥

सुफो 12:16 Referans Kwoze

१ हाङ् 17:6

खे़प्‍मो काःक्‌वाहाॽरे़ खुने़ॽ तानाम् खरे़ःङ् नु सा हे़क्‍क्‍याङ् युःन्‍छिक् खरे़ःङ् नु सा मे़दारु मे़बिरु, खम्‍भ्‍याङ् खुने़ॽ वहःङ्‌ङोबा च्‍वाःत्तिन् थुङु॥

२ हाङ् 8:9

हजाएलरे़ हुक्‌वा कुइसिक् दमस्‍कसबा के़रे़क् परिक्‍पा नुबा नुबा पाःन्‍हाॽ लिबोङ् उमेहाॽ कुःत्तुसिआङ् खुने़ॽ एलिसाओ पे॥ खुने़ॽ सिगाङ् लासे़आङ् माङ्‌निङ्‌वाॽपान् के़बाःप्‍पे़ल्‍ले़ कुदगि ये़म्‍सिङ्‌ङाङ् मे़त्तु, “आदाङ्‌बारे़ के़स्‍सा अरामबा हाङ् बेन-हददरे़ कन् पाःन्‍निन् सेःन्‍दोमारे़ लागि आङ्‌गाॽ आदाङ्‌बारे़ॽओ पाङ्‌घाङ्‌ङाङ् वाॽ, ‘थे कन् तुक्‍मोलाम् आङ्‌गाॽ वेःत्ताबि?’”

मत्ति 23:24

खिनिॽ मिक्‍फःम्‍बा लाम्‍लोबासे, खिनिॽ सिक्‍चाहाॽ के़साःक्‍तुम् के़लःत्तुम्‍सिम्, कर उमेःन् के़लरुम्‍लो॥

सुफो 12:15

खे़न् हन्‍दगेःक्‍गे़न् वासेरिःल्‍ले़ खे़न् मे़न्‍छुमाॽइन् च्‍वाःत्तिल्‍ले़ वादेःम्‍मा तेमाआङ् से़प्‍मा फाॽआङ् यङ्‌घङ् क्‍याःप्‍पा च्‍वाःत्तिन् कुमुराओलाम् असु लःत्तुरो॥

सुफो 12:17

हे़क्‍क्‍याङ् खे़न् हन्‍दगेःक्‍गे़न् वासेरिःल्‍ले़ मे़न्‍छुमाॽइन्‍नु साॽरिक् कुसिक् पोगे़आङ् निङ्‌वाॽफुमाङ्‌ङिल्‍ले़ कुइङ्‌जाङ् के़नाःप्‍पा के़इःप्‍पा नु ये़सुरे़ कुनिसाम् नसान् के़जोःक्‍पा खे़न् मे़न्‍छुमाॽइल्‍ले़ वेॽ कुमुॽइदाङ्‌साहाॽनु थङ् चोगुरो॥