हे़क्क्याङ् इङ्गाॽ थाःङ् ओमे़त्तुङ्ङिल्ले़ ताङ्साक्पो के़बे़बार के़बप्पा मुयाधिक् यम्बा इक्लाओ अक्खेलॽरिक् अःक्ते़बा खे़प्सुङ्लो, “इक्सादिङ् खाम्बेःक्मो के़वाॽबाहाॽओ तुक्खे, तुक्खे, तुक्खेरो, थेआङ्भे़ल्ले़ आल्ल वेॽसमा सुम्सि माङ्लाइङ्बाहाॽरे़ खुनिॽ थुत्थुरिःप्पे़न् मुःप्मा ये़म् त्ये़आङ् वाॽरो॥”
सुफो 12:12 - लिम्बु12 खे़ल्ले़चोगुल्ले़ साङ्ग्राम्पेदाङ् नु खे़प्मो के़वाॽबासे, सःत्ते़म्मे़ॽओ! कर इक्सादिङ् खाम्बेःक्मो नु वरःङ्ङो के़वाॽबासे, खिनिॽग के़जिःत्ति के़स्ये़ॽइरो, थेआङ्भे़ल्ले़ माफे़न्साम्मिङ्ग खिनिॽओ थ्ये़आङ् वाॽरो॥ खे़ल्ले़ साॽरिक् कुसिक्के़न् पोगे़, थेआङ्भे़ल्ले़ खे़ल्ले़ कुये़म्मिन् सुःल्लिक्लक् वाॽ फाॽआङ् निङ्वाॽ खोसुआङ् वाॽ॥” Gade chapit la |
सुफो 12:12
18 Referans Kwoze
ताङ्साङ्बे, सःत्ते़ॽआङ् यम्बा इक्लाओ साम्लोरे़ॽओ, इक्सादिङ् खाम्बेःक्के, ये़ये़ लॽरे़ॽओ॥ कोःक्मा फाङ्जङ्से, खे़निॽ इक्लान् लःत्ते़म्मे़ॽआङ् साम्लोरे़म्मे़ॽओ! थेआङ्भे़ल्ले़ यहवे दाङ्बे़ल्ले़ आबाङे कुमना इस्राइलिहाॽ आःन्छिङ्मा पिरुसिआङ् वाॽरो, हे़क्क्याङ् तुक्खे के़दुम्बा खुने़ॽ कुमनाहाॽ लुङ्माॽ तुक्तुसिआङ् मे़वाॽरो॥
साङ्ग्राम्पेदाङ्ङो के़वाॽबासे, खे़न् मे़गे़बाओ सःत्ते़म्मे़ॽओ! निङ्वाॽफुमाङ्ङिल्ले़ सेसे कुमनाहाॽ, सेःक्युक्मिबाहाॽ हे़क्क्याङ् माङ्निङ्वाॽपान् के़बाःप्पासे, सःत्ते़म्मे़ॽओ! थेआङ्भे़ल्ले़ खिनिॽ निङ्घुम् के़मे़त्तिबाल्ले़ चोगुल्ले़ निङ्वाॽफुमाङ्ङिल्ले़ खे़न् खुम्दिङ् पिरुआङ् वाॽरो॥”
हे़क्क्याङ् खे़ङ्हाॽ स्ये़त्छिबाओ इक्सादिङ् खाम्बेःक्मोबा मनाहाॽरे़ खुनिॽ सिराॽ थाङ्ङाङ् मे़सःत्लो, हे़क्क्याङ् मिक्तोक् मे़बिसिङ्लो, थेआङ्भे़ल्ले़ खे़न् ने़प्फु माङ्निङ्वाॽपान् के़बाःप्पाहाॽरे़ इक्सादिङ् खाम्बेःक्मो के़वाॽबाहाॽ साॽरिक् इनोगे़न् तुक्खे चाःत्ते़त्छुआङ् वये़त्छिरो॥
ताङ्साङ्बे, सःत्ते़ॽआङ् साम्लोरे़ॽओ, थेआङ्भे़ल्ले़ यहवे दाङ्बे़ल्ले़ हे़क्के चोगुआङ् वाॽरो॥ इक्सादिङ् खाम्बेःक्माए, यम्बा इक्लाओ अःक्ते़ॽओ, थे़गुसे, ताम्भुङ् नु खे़ॽयोबा के़रे़क् सिङ्बुङ्से, खे़म्गे़दे़प्पा इक्लाओ साम्लोरे़म्मे़ॽओ, थेआङ्भे़ल्ले़ यहवे दाङ्बे़ल्ले़ कुमे़ल्लुङ् हुङुआङ् याकुबे़न् थे़ॽरुआङ् वाॽरो, खुने़ॽ आबाङे इस्राइलओ कुमिमिदिङ्ङिन् ओःन्धाक्तुसिॽरो॥
Piblisite