सुफो 12:11 - लिम्बु11 आनिॽ नसानिबा फुॽनुसाॽ ने़ॽनुसाॽहाॽरे़ग मे़ल्लुक्साःल्ले़ कुमाक्खिॽ नु खे़ङ्हाॽरे़ इङ्मे़भोसुबा से़क्खाःल्ले़ खे़न् माफे़न्साम्मिन् मे़नाःन्दुआङ् मे़वाॽरो॥ हे़क्क्याङ् खे़ङ्हाॽग सिमाआङ् मे़ङ्गिसे़न्लो॥ Gade chapit la |
सुफो 12:11
33 Referans Kwoze
के़नाःम्बाङ्ग आनिङ्वाॽफुमाङ्ङिल्ले़ कुहिम्मो इङ्गाॽ सित्लाङ् चोगुङ्लो॥ खुने़ॽ खे़प्मोलाम् आप्फाल्ले़आङ् मे़जत्छिङ्ङिन्लो॥ आनिङ्वाॽफुमाङ्ङिल्ले़ कुमिङ्ङिन् खे़ल्लो इङ्गाॽ साप्तुङ्, हे़क्क्याङ् खे़ल्लो इङ्गाॽ कुसङ् आमिङ्ङिन्नाङ् साप्तुङ्लो॥ हे़क्क्याङ् आनिङ्वाॽफुमाङ्ङिल्ले़ कुसेसे ये़क्यक् कुसङ् यरुसले़मिल्ले़ कुमिङ्ङिन्नाङ् खे़ल्लो साप्तुङ्लो॥ खे़ङ्ग आनिङ्वाॽफुमाङ्ङिल्ले़ साङ्ग्राम्पेदाङ्लाम् पाङ्घुयुसुॽ॥
हे़क्क्याङ् इङ्गाॽ हाङ्युक्नाहाॽ निसुङ्सिङ्॥ खे़प्मो खासे़न् लोःम्मा युक् के़घोबाहाॽ मे़युङे़॥ हे़क्क्याङ् ये़सु ख्रिस्तरे़ ओसेःन्दाङ् चोगुबा से़क्खान् नु निङ्वाॽफु पाःन्जाक्किन् इङ्भन् मे़जोगुबाल्ले़ चोगुल्ले़ खुनिॽ थे़गेक्पा मे़घक्तु मे़से़रुसिबाहाॽरे़ खुनिॽ याम्साम्हाॽ निसुङ्सिङ्लो॥ खे़ङ्हाॽरे़ग खे़न् किप्मा के़घुबा थक्सान् नु कुनावाइत्लान् से़वा मे़न्जोगुन् हे़क्क्याङ् इबुगे़न् कुमिक्सेःन्निन्नाङ् खुनिॽ तोवाबो इग्र हुक्को मे़न्दाःक्तुन्नाङ् वये़रो॥ खे़ङ्हाॽग सिमे़न्लाम् याम्मो मे़हिङे़आङ् ख्रिस्ते़न्नु तङ्बे हे़न्छिङ् थारिक् हाङ् मे़जोगुरो॥
हे़क्क्याङ् इङ्गाॽग खुने़ॽ से़वा चोःक्मा फाॽआङ् कुलाङ्ङो साम्बोन् फन्छिङ्ङाङ्, कर खे़ल्ले़ इङ्गाॽ अक्खे मे़त्ताङ्, “हे़क्के चोःक्मा मे़नुॽने़न्! इङ्गाॽग खे़ने़ॽ नु के़म्भुॽ के़न्साॽसि हे़क्तङ्बा निङ्वाॽफुमाङ्ङिल्ले़ कुसे़वारोबा नु ये़सुन् तोःन्दि के़बिबाआरक्लो॥ निङ्वाॽफुमाङ्ङिन्ने से़वा चोगे़ॽ!” थेआङ्भे़ल्ले़ ये़सुरे़ चोगुबा पाःत्तुबा से़क्खा पाःन्हाॽरे़ माङ्निङ्वाॽपान् के़बाःप्पाहाॽ हाङ्हाङ् मे़त्तुसिॽरो॥
हे़क्क्याङ् मे़ल्लुक्साःल्ले़ ङासिगेक्पा एःप्साप्पिन् फाःक्खुल्ले़ निङ्वाॽफु पाःन्जाक्किन् नु ये़सुरे़ कुयाःम्बेओ मे़बाःत्तुबा पाःन्नो नसाःन्साबा मे़जोगे़बाल्ले़ चोगुल्ले़ मे़से़रुसिबा मे़न्छाम् याप्मिहाॽरे़ खुनिॽ याम्साम्हाॽ इङ्गाॽ ले़त्ति तोःम्मादे़न्निल्ले़ कुसिगाङ् निसुङ्सिङ्लो॥
सेसेमाङ्ङिल्ले़ सेसेहुप्लक्हाॽ मे़त्तुसिबा पाःन्निन् नुरिक्काङ् खे़प्से़म्मे़ॽआङ् कुसिङ् निःत्ते़म्मे़ॽओ! के़नाःम्बे़न् इङ्गाॽ चिङ्मनाबा मन्नाःन् पिरुङ्लो॥ हे़क्क्याङ् खे़न् फगे़लॽबा लुङ्धिक्काङ् पिरुङ्लो॥ खे़प्मो कुसङ् मिङ् साप्ते़आङ् पत्लो, खे़न् के़घोबाल्ले़रक् कुसिङ् निःत्तुॽरो॥’”
इङ्गाॽ युहुन्नान् नसाःन्नो खिनिॽ फुॽआरो॥ ख्रिस्त ये़सुन् नसान् चोःक्मे़ल्ले़ खुने़ॽ कुहाङ्जुम्मो के़वाॽबाहाॽरे़ मे़घोसुबा निङ्घुम्मिन् खिनिॽनु सोसोरिक् नासि थःत्तुङ्ल थरुङ्ङाङ् वाॽआरो॥ निङ्वाॽफु पाःन्जाक्किन् नु ये़सुरे़ पाःत्तुबा नु चोगुबा पाःन्हाॽ इङ्भन् चोगुङ्बाल्ले़ चोगुल्ले़ इङ्गाॽ पत्मोस वागप्लाजेॽओ साक्पा के़धाबा मे़जोगाङ् मे़देॽराङ्ङाङ् वयाङ्॥
Piblisite