कर यरुसले़ःम्मो के़वाॽबा माङ्निङ्वाॽपान् के़बाःप्पाहाॽओ आरसाङ् याम्गे़सिङ्बा याःम्बक् मे़जोगुबा आङ्गाॽ निसुङ्ङाङ् वाॽरो॥ खे़ङ्हाॽरे़ याम्बोःप्मा याःम्बक् नु नुबा ले़ङ्सिङ्मा, फे़न्याःम्बक् मे़जोगुरो ताप्फे़ःम्बा याःम्बक् के़जोःक्पा मनाहाॽ कुभाॽ मे़बिरुसिरो खे़ल्ले़चोगुल्ले़ आत्तिन्हाॽरे़आङ् फे़न्याःम्बक् चोःक्मा मे़न्ले़रुन्लो॥ आलागि खे़ङ्हाॽ के़रे़क् सदोम हे़क्तङ्बा नु यरुसले़ःम्बा मनाहाॽ गमोराबा हे़क्के ताक्के़भे़ॽबा मे़बोःक्खे़आङ् मे़वाॽरो॥”
सुफो 11:8 - लिम्बु8 हे़क्क्याङ् खे़ङ्हाॽरे़ खुन्छिॽ थक्किङ्ग खे़न् पयम् यम्बा ये़क्यक्किल्ले़ कुमाराम्मो ने़सिरो॥ खे़प्मोए खुन्छिॽ दाङ्बान् सिलाम्साक्मा सिङ्सम्दाङ् मे़भोन्दु मे़से़रुआङ् वये़रो॥ खे़न् ये़क्यक्किङ्ग सदोम ये़क्यक् नु मिस्र लाजेॽ हे़क्तङ्बारो॥ Gade chapit la |
सुफो 11:8
40 Referans Kwoze
हे़क्क्याङ् सदोम नु गमोरा हे़क्क्याङ् खिरिबा ये़क्यक्कोबा मनाहाॽआङ् इःत्ते़म्सिम्मे़ॽ॥ खे़ङ्हाॽग याम्बोःप्मा याःम्बक् मे़जोगुआङ् काक् परिक्पा याम्गे़सिङ्बा याम्बोःप्मा याःम्बक्को लाम् मे़बोःत्ते़आङ् मे़वये़॥ खे़ल्ले़चोगुल्ले़ खे़ङ्हाॽ मे़न्छिःम्ना के़दिःप्पा मिलाम्बा खासे़न्नो मे़ध्ये़बा पाःन्निन् मिक्सेन् पोःक्खे़आङ् वाॽरो॥
कम्भलॽरिक् खे़ने़ॽ मिस्रलाम् के़धाक्तुबा चाराम्मा के़याःम्बक्किन् नु के़त्निमा चोःक्मा के़याःम्बक्किन् आङ्गाॽ साक्तुङ् पिने़रो॥ खे़ने़ॽ याम्मो आभे़ल्ले़आङ् खे़न् पाःन्हाॽओ के़निङ्वाॽ इगेःक्काङ् मिक् के़ङ्गेःत्तुन्ॽ इग्र खे़ने़ॽ मिस्र के़वये़बा के़ये़म्मिन् के़लुङ्माॽ हिःम्ल खे़ने़ॽ निङ्वाॽ के़न्इःत्तुन्ॽ॥
खुने़ॽ मिस्रलाम् लःन्दे़थाङे़ल्ले़, खुने़ॽ के़त्निबा चोःक्मा कुयाःम्बक्किन् एगाङ् मे़ले़रुन् मे़धने़न्॥ मिस्रबा मनाहाॽ खे़न्नु मे़इप्से़ल्ले़, खुने़ॽ कुनुबक्हाॽरे़ खुन्छिॽ सिक्चिमे़बा नु खुने़ॽ के़त्निमा मे़गत्तुल्ले़बा कुइसिक् मे़न्छ्या वये़ल्ले़बा हे़क्केए खे़न् आल्लसाङ् चिःन्जिःन् के़घुमा चोगे़॥
खे़ङ्हाॽरे़ खुन्छिॽ आबाङे नाराःल्ले़ए खे़ङ्हाॽरे़ खुन्छिॽ तक्ले़ङ्वाओ तोःन्दि पिरुरो॥ सदोम ये़क्यक्को के़युङ्बा मनाहाॽ कुइसिःक्के खे़ङ्हाॽरे़आङ् आबाङे खुन्छिॽ लायोन् ओसेःन्धाङ् मे़जोगुरो॥ खे़ङ्हाॽरे़ खे़न् खुन्छिॽ लायोन् मे़न्जिक्खुन्लो॥ खे़ङ्हाॽग मे़जिःत्ते़ मे़स्ये़रो! खे़ङ्हाॽरे़ आबाङे खुन्छिॽ सम्दाङ् मे़क्मासिमान् मे़दारुआङ् वाॽरो॥
यहवे दाङ्बे़ल्ले़ मे़त्तु, “मिस्र लाजेॽओ आङ्गाॽ आमनाहाॽ साॽरिक् ताप्फे़ःल्लिक् मे़मे़त्तुसिआङ् तुक्खे मे़जाःत्तुसिर मे़याक्, खे़न् आङ्गाॽ निसुङ्ङाङ् वाॽ॥ याःम्बक्को मना के़भम्बा मिस्रिहाॽरे़ खुन्छिॽ हुक्कोलाम् से़म्मारे़ लागि खे़ङ्हाॽरे़ खुन्छिॽ पेलिन् आङ्गाॽ खे़प्सुङ्ङाङ् वाॽ॥ खे़ङ्हाॽरे़ खुनिॽ तुक्खेन् नु के़साक्पा मे़दुमुबान् आङ्गाॽ कुसिङ् निःत्तुङ्ॽ॥
हे़क्क्याङ् खे़ल्ले़ पयम् यम्बा इक्लाओ अक्खेलॽरिक् पाःत्तुर अःक्ते़रो, “बेबिलोनिन् मे़गे़रो, पयम् यम्बा ये़क्यक्किन् मे़गे़रो! खे़न् आल्ल लेःत्छाम् फुङ्साम् नु फे़न्साम्हाॽरे़ खुनिॽ वाॽमा ते़न् पोःक्खे़आङ् वाॽ॥ खे़प्मोग काक् परिक्ले़न् सिक्के़ले़ःङ्बा नु आसुत्थो पुहाॽ याङ्मे़धोःक्लो॥
हे़क्क्याङ् खे़न् पयम् यम्बा ये़क्यक् बेबिलोनिन् खे़ल्ले़क् पःक्खे़र सुम्सि लक्को हासिङ्लो, हे़क्क्याङ् इक्सादिङ् खाम्बेःक्मोबा काक् लाजेॽबा ये़क्यक्हाॽ थ्यःङ् पोःक्खे़रो॥ बेबिलोनरे़ काक् कुलायोहाॽ निङ्वाॽफुमाङ्ङिल्ले़ इतुआङ् किप्मा के़घुबा कुसाक्के़न्निल्ले़ के़दिम्बा खोर्यालाम् खे़न् थुङ्मा पाङ्घुरो॥
हे़क्क्याङ् थिक्सिगेक्पा माङ्लाइङ्बाल्ले़ कुएगाङ् के़बप्पा निसिगेक्पा माङ्लाइङ्बाल्ले़ अक्खे पाःत्तुर अःक्ते़, “बेबिलोनिन् मे़गे़रो, पयम् यम्बा ये़क्यक्किन् मे़गे़रो॥ खे़न् ये़क्यक्किल्ले़ इक्सादिङ् खाम्बेःक्मोबा के़रे़क् मे़न्छाम् याप्मिहाॽ सिजङ्वाःल्ले़ मयुसिबा कुइसिक् याम्बोःप्माल्ले़ मःसुसिआङ् वाॽरो॥”
हे़क्क्याङ् आम्भा खे़न् ये़म्मो पयम् यम्बा किप्मा के़घुबा लुप्लि थाङे़आङ् खे़न् ये़क्यक्किन् थिबोङ्लक् यरे़ल्ले़ हे़न्छिङ् नुसि (७,०००) मनाहाॽ हदॽ मे़स्ये़रो॥ हे़क्क्याङ् मे़न्छिःम्ना काक् मनाहाॽ साॽरिक् मे़गिसे़आङ् साङ्ग्राम्पेदाङ्बा निङ्वाॽफुमाङ्ङिन् मुक्साम्दाङ्बा चोक् फाॽआङ् मिमिदिङ् मे़बिरुरो॥
हे़क्क्याङ् खोर्याहाॽ के़गप्पा खे़न् नुसि माङ्लाइङ्बाहाॽओ थिक्पा फे़रे़आङ् अक्खे मे़त्ताङ्, “फे़रे़ॽ, इङ्गाॽ खे़ने़ॽ खे़न् कुइङ् कुनाम् के़से़मा के़त्निमाल्ले़ खोमा के़बोङ्बा खुम्दिङ्ङिन् ओसेःन्धाक्ने़ॽरो॥ खे़न् के़त्निमान् यरिक् च्वाःत्तिल्ले़ कुबेसाङ् के़ने़बा यम्बा ये़क्यक्किन्लो॥
Piblisite