सुफो 11:3 - लिम्बु3 हे़क्क्याङ् इङ्गाॽ ने़त्छि आदोःन्दि के़बिबाहाॽ युक् पिरुङ्सिङ्ॽ, हे़क्क्याङ् खे़ङ्हाॽरे़ सगितेत् चाङ्सुआङ् हे़न्छिङ् थिक् किप् ने़त्छिआङ् तुक्पोङ् (१,२६०) ये़न् थारिक् माङ्निङ्वाॽपान् पाःत्छिरो॥” Gade chapit la |
सुफो 11:3
43 Referans Kwoze
सियोनरे़ कुस्सा मे़न्छुमाःल्ले़ कुलाम्लोबाहाॽ मे़म्बाःत्ते स्वाःत्ताङ् खाम्बाङ्ङो हर्जुॽ मे़युङ्लो॥ खे़ङ्हाॽरे़ खुन्छिॽ थे़गेःक्को खाम्हिःक्किन् मे़जुःत्तुआङ् याक्लो हे़क्क्याङ् खे़ङ्हाॽरे़ सगितेत् मे़जाक्खुआङ् मे़वाॽरो॥ यरुसले़ःम्बा मे़न्छ्याहाॽरे़ खुन्छिॽ थे़गेःक्हाॽ खाम्बाङ्ङो थारिक् अःक्खुम् मे़भत्छुआङ् वाॽरो॥
दाउदे़न् थोहाङ् ले़प्माङ् ओमये़ल्ले़ यहवे दाङ्बे़ल्ले़ कुमाङ्ला इङ्बे़न् साङ्ग्राम्पेदाङ् नु इक्सादिङ् खाम्बेक् लुम्मो ताभेन् तरप् फिःक्खुआङ् यरुसले़म सम्धाङ् सन्छुआङ् ये़बे़गरे़बा निसु॥ खे़ब्याङ् दाउदे़न् नु साम्योसिक्साम्बाहाॽ सगितेत् मे़जाक्खुआङ् खाम्बाङ्ङो साम्बोन् हबत् मे़भन्छिङ्॥
खे़न् साःङ्गाहिम्हाॽओ एल्दाद नु मेदाद मिङ् के़वाःप्पा ने़न्छि मना वये़त्छि॥ खे़न् ने़प्फुरे़ खुन्छिॽ मिङ्ङाङ् मे़साप्तुआङ् पत्छे़, कर खे़न् ने़प्फु मनाहाॽ सेसे साःङ्गाहिम्मो मे़म्बेःक्के वये़त्छि॥ कर याम्साम्मिन् खुन्छिॽ सम्धाङ्ङाङ् ये़, हे़क्क्याङ् साःङ्गाहिम्हाॽओए खुन्छिॽ माङ्निङ्वाॽपान् पाःत्ते़छु॥
हे़क्क्याङ् इङ्गाॽग खुने़ॽ से़वा चोःक्मा फाॽआङ् कुलाङ्ङो साम्बोन् फन्छिङ्ङाङ्, कर खे़ल्ले़ इङ्गाॽ अक्खे मे़त्ताङ्, “हे़क्के चोःक्मा मे़नुॽने़न्! इङ्गाॽग खे़ने़ॽ नु के़म्भुॽ के़न्साॽसि हे़क्तङ्बा निङ्वाॽफुमाङ्ङिल्ले़ कुसे़वारोबा नु ये़सुन् तोःन्दि के़बिबाआरक्लो॥ निङ्वाॽफुमाङ्ङिन्ने से़वा चोगे़ॽ!” थेआङ्भे़ल्ले़ ये़सुरे़ चोगुबा पाःत्तुबा से़क्खा पाःन्हाॽरे़ माङ्निङ्वाॽपान् के़बाःप्पाहाॽ हाङ्हाङ् मे़त्तुसिॽरो॥
खे़न् वहःङ्ङोबा च्वाःत् सम्धाङ् के़ये़प्पा नैनासुत् चाङ् के़जाङ्बा मनाःल्ले़ कुजुक्वा नु कुभे़ङ्वा हुक्हाॽ साङ्ग्राम्पेदाङ् ले़प्माङ् फोःक्खु, हे़क्क्याङ् सदादिङ् के़वाॽबे़ल्ले़ कुमिङ्ङो अक्खे पाःत्तुआङ् माङ्हे़क्सिङ्बे़न् आङ्गाॽ खे़प्सुङ्, “कन् ये़म्, ये़म्हाॽ नु कुभ्रे़ःङ् ये़म्ले़ लागि पोङ्ॽ॥ आल्ल सेसे मनाहाॽरे़ खुन्छिॽ मुक्साम्मिन् कुनुप्मो नुप्, खे़ब्याङ् कन् के़रे़क् पाःन्हाॽ के़त्लो॥”
हे़क्क्याङ् इङ्गाॽ हाङ्युक्नाहाॽ निसुङ्सिङ्॥ खे़प्मो खासे़न् लोःम्मा युक् के़घोबाहाॽ मे़युङे़॥ हे़क्क्याङ् ये़सु ख्रिस्तरे़ ओसेःन्दाङ् चोगुबा से़क्खान् नु निङ्वाॽफु पाःन्जाक्किन् इङ्भन् मे़जोगुबाल्ले़ चोगुल्ले़ खुनिॽ थे़गेक्पा मे़घक्तु मे़से़रुसिबाहाॽरे़ खुनिॽ याम्साम्हाॽ निसुङ्सिङ्लो॥ खे़ङ्हाॽरे़ग खे़न् किप्मा के़घुबा थक्सान् नु कुनावाइत्लान् से़वा मे़न्जोगुन् हे़क्क्याङ् इबुगे़न् कुमिक्सेःन्निन्नाङ् खुनिॽ तोवाबो इग्र हुक्को मे़न्दाःक्तुन्नाङ् वये़रो॥ खे़ङ्हाॽग सिमे़न्लाम् याम्मो मे़हिङे़आङ् ख्रिस्ते़न्नु तङ्बे हे़न्छिङ् थारिक् हाङ् मे़जोगुरो॥
निङ्वाॽफुमाङ्ङिल्ले़ ख्रिस्तरे़ कुधक् सेसेहुप्लक्को अक्खेलॽरिक् सेःक्युक् चोगुसिआङ् वाॽरो— थिक्सिगेःक्पो सेःक्युक्मिबाहाॽ, निसिगेःक्पो माङ्निङ्वाॽपान् के़बाःप्पाहाॽ, सुम्सिगेःक्पो सिक्साम्बाहाॽ, हे़क्क्याङ् निङ्वाॽ के़माबा याःम्बक् के़जोःक्पाहाॽ, के़दुक्पा मनाहाॽ के़वेःम्बाहाॽ, कुभाॽ के़बिबाहाॽ, लाम्गे़लोबाहाॽ, हे़क्क्याङ् परिक्परिक्पा वेॽ पाःन्दाङ् के़बाःप्पाहाॽ॥
निङ्वाॽफुसाम्बासे, सगितेत् चाक्खे़म्मे़ॽओ हे़क्क्याङ् खिनिॽ मे़रिङ् थक्ते़म्मे़ॽओ, ले़त्ति तोःम्मादे़न्नो माङ्से़वा के़जोःक्पासे, हाबे़म्मे़ॽओ॥ आङ्गाॽ आनिङ्वाॽफुमाङ्ङिल्ले़ कुसे़वारोबासे, खिनिॽ सगितेत् चाक्खे़म्मे़ॽआङ् नाम्दाःत्छे़म्मे़ॽओ, थेआङ्भे़ल्ले़ खिनिॽ निङ्वाॽफुमाङ्ङिल्ले़ कुहिम्मो पोगुगे़न् कुजा सिदुङ्जभाहाॽ नु चे़ल्ले़क्सेॽ सेजःङ्वा सिदुङ्जभाहाॽ तोःम्मा मे़ले़रुआङ् वाॽरो॥
निनबेबा मनाहाॽरे़ निङ्वाॽफुमाङ्ङिल्ले़ कुबाःन्जाःक्को नसान् मे़जोगु॥ खे़ल्ले़चोगुल्ले़ खुन्छिॽ निङ्वाॽ लोरे़बा पाःन्निन् ओसेःन्धाक्मारे़ लागि के़रे़क् चाने़त्तो युङ्मा पोङ् फाॽआङ् खे़ङ्हाॽरे़ निःन्धो मे़जोगु॥ खे़ङ्हाॽ यम्बा चुक्पा के़रे़क्ले़ सागि तेत् मे़जाक्खुआङ् आबाङे मे़हिन्दे़बा पाःन्निन् ओसेःन्दाङ् मे़जोगु॥
“खोराजिन नु बे़थसेदा पाङ्जुम्मोबा मनासे, चिःत्ते़आङ्लक् स्ये़रो! खिनिॽ पाङ्जुम्मो पोःक्खे़बा निङ्वाॽ के़माबा याःम्बक्हाॽ थिम्मे़न्दङ् सुवाङ्हाॽरे़ खुनिॽ ये़क्यक् तायर नु सिदोन्नो पोःक्खे़आङ् वये़ल्ले़ग उन्छोःन्छा खे़प्मोबा मनाहाॽ लायोलाम् मे़हिन्दे़बारो फाॽआङ् सगितेत् मे़जाक्सिङ्ङाङ् खाप्पु मे़जुःत्छिङ्बामे़न्॥
“खोराजिन नु बे़थसेदा पाङ्जुम्मोबा मनासे, चिःत्ते़आङ्लक् स्ये़रो! खिनिॽ पाङ्जुम्मो पोःक्खे़बा निङ्वाॽ के़माबा याःम्बक्हाॽ ताक्के़भे़ॽबाहाॽरे़ खुनिॽ ये़क्यक् तायर नु सिदोन्नो पोःक्खे़आङ् वये़ल्ले़ग उन्छोःन्छा खे़प्मोबा मनाहाॽ लायोलाम् हिन्दिगे़ फाॽआङ् सगितेत् मे़जाक्सिङ्ङाङ् खाप्पु मे़जुःत्छिङ्बामे़न्॥
खे़ङ्हाॽरे़ माङ्निङ्वाॽपान् पाःत्छुर थारिक् पाङ्गे़न्दिङ् वाहित्मान् मे़धाने़न्ल फाॽआङ् तरःङ्गे़न् ताङ्साक्पे़न् सुप्मा मुक्साम् कत्छुॽरो॥ हे़क्क्याङ् यङ्घङ् नु वरःङ्ङिन् माक्खिॽओ ले़ङ्मा मुक्साम्माङ् कत्छुॽ, याम्मो इक्सादिङ् खाम्बेःक्मो खुन्छिॽ निङ्वाॽ हे़क्केए काक् परिक्ले़न् मिन्देॽहाॽआङ् ताःप्मा सुक्सुॽरो॥
Piblisite