Biblia Todo Logo
Bib sou entènèt

- Piblisite -




सुफो 11:15 - लिम्‍बु

15 हे़क्‍क्‍याङ् नुसिगेक्‍पा माङ्‌लाइङ्‌बाल्‍ले़ कुधुत्‍थुरिःप्‍पे़न् मुःत्तुल्‍ले़ साङ्‌ग्राम्‍पेदाङ्‌ङो यम्‍बा इक्‍लाहाॽ अक्‍खेलॽरिक् त्‍ये़रो, “काक् इक्‍सादिङ् खाम्‍बेःक्‍मान् आनिॽ दाङ्‌बा नु निङ्‌वाॽफुमाङ्‌ङिल्‍ले़ सेःन्‍दुबा ख्रिस्‍ते़ल्‍ले़ कुहाङ्‌जुम् पोःक्‍खे़आङ् वाॽरो॥ हे़क्‍क्‍याङ् खुने़ॽ चक्‍मे़ल्‍लॽए सदादिङ् सदादिङ् हाङ् चोगुॽरो॥”

Gade chapit la Kopi




सुफो 11:15
54 Referans Kwoze  

खुने़ॽ युक्, मिमिदिङ् नु हाङ्‌युक् मे़बिरु, हे़क्‍क्‍याङ् मे़न्‍छाम् याप्‍मिहाॽ, मे़न्‍छाम् सुवाङ्‌हाॽ हे़क्‍क्‍याङ् वेॽ वेॽ पाःन्‍दाङ् के़बाःप्‍पाहाॽरे़ खुने़ॽ माङ्‌से़वा मे़मे़त्तु॥ खुने़ॽ कुहाङ्‌युक्‍किन् नुप्‍मे़न्‍दिङ्‌बा हाङ्‌युक् चोक्, खे़न् आभे़ल्‍ले़आङ् मे़ले़ङ्‌ने़न्, हे़क्‍क्‍याङ् खुने़ॽ कुहाङ्‌जुम्‍मिन् आप्‍फाल्‍ले़आङ् मे़नुप्‍ने़न्‍लो॥”


खे़ब्‍याङ् साङ्‌ग्राम्‍पेदाङ् सिगाङ्‌बा हाङ्‌जुम्‍हाॽओबा हाङ्‌युक्‍किन्, मुक्‍साम्‍मिन् नु पयम् यम्‍बा हाङ्‌वान् के़रे़क्‍नुःल्‍ले़ यम्‍बा निङ्‌वाॽफुमाङ्‌ङिल्‍ले़ कुमनाहाॽ मे़बिरुसिॽ॥ खुने़ॽ कुहाङ्‌जुम्‍मिन् नुप्‍मे़न्‍दिङ्‌बा हाङ्‌जुम् पोङ्‌ॽ, हे़क्‍क्‍याङ् के़रे़क् युक्‍साबाहाॽरे़ खुने़ॽ माङ्‌से़वा मे़मे़त्तुआङ् खुने़ॽ कुइङ्‌जाङ्‌ङिन् मे़इःत्तु मे़नाःत्तुॽ॥’


हे़क्‍क्‍याङ् साङ्‌ग्राम्‍पेदाङ्‌ङो अक्‍तङ्‌बा यम्‍बा इक्‍लाधिक् खे़प्‍सुङ्, “आल्‍ल निङ्‌वाॽफुमाङ्‌ङिल्‍ले़ कुसे़न्‍लप्, कुमुक्‍साम्, कुहाङ्‌जुम् नु खुने़ॽ सेःन्‍दुबा ख्रिस्‍ते़ल्‍ले़ कुयुक्‍किन् त्‍ये़आङ् वाॽरो॥ थेआङ्‌भे़ल्‍ले़ निङ्‌वाॽफुमाङ्‌ङिल्‍ले़ कुदगि से़न्‍दिक् ले़न्‍दिक् आनिॽ नसानिबा फुॽनुसाॽ ने़ॽनुसाॽहाॽ आप्‍तिक् के़गुःप्‍पार के़ने़बान् यो इक्‍सादिङ् खाम्‍बेःक्‍मो लाप्‍मे़भुसु मे़धासुरो॥


कर नुसिगेक्‍पा माङ्‌लाइङ्‌बाल्‍ले़ कुधुत्‍थुरिःप्‍पे़न् मुःत्तुल्‍ले़ माङ्‌निङ्‌वाॽपान् के़बाःप्‍पा कुसे़वारोबाहाॽ तगि इङ्‌भन्‌ चोगुसिबा कुइसिक् निङ्‌वाॽफुमाङ्‌ङिल्‍ले़ कुसिबिॽ पाःन्‍हाॽ के़त्‍लो॥”


यहवे दाङ्‌बे़न् के़रे़क् इक्‍सादिङ् खाम्‍बेःक्‍मोबा हाङ् पोङ्‌ॽ॥ खे़न् ये़न्‍नो यहवे दाङ्‌बा लत्‍छारक् वाॽ हे़क्‍क्‍याङ् मनाहाॽरे़ खुने़ॽ कुमिङ्‌ङोरक् माङ्‌से़वा मे़जोगुॽ॥


खे़न् एगाङ् साङ्‌ग्राम्‍पेदाङ्‌ङो यरिक् मनाहाॽ यम्‍बा इक्‍लाओ अक्‍खेलॽरिक् मे़अःक्‍ते़बा हे़क्‍के खे़प्‍सुङ्‌लो, “हाल्‍ले़लुया! से़न्‍लप्, मिमिदिङ् नु मुक्‍साम्‍मिङ्‌ग आनिॽ निङ्‌वाॽफुमाङ्‌ङिल्‍ले़न्‍लो,


हे़क्‍क्‍याङ् खुने़ॽ इस्राइल सम्‍दाङ् सदादिङ् हाङ् चोगुॽरो॥ खुने़ॽ कुहाङ्‌जुम्‍मिन् आप्‍फाल्‍ले़आङ् मे़नुप्‍ने़न्‍लो॥”


“यहवे दाङ्‌बाए, खे़ने़ॽ सदादिङ् आभे़ल्‍ले़साङ् हाङ् के़बोङ्‌लो॥”


कर के़रे़क्‍नुःल्‍ले़ यम्‍बा निङ्‌वाॽफुमाङ्‌ङिल्‍ले़ कुसेसे मनाहाॽरे़ सदादिङ् युक् चोःक्‍मा मे़घोसुॽ हे़क्‍क्‍याङ् आभे़ल्‍ले़साङ् सदादिङ्‌ले़ लागि कन् हाङ्‌जुम्‍हाॽ मे़घोसुरो॥’


हे़क्‍क्‍याङ् नुसिगेक्‍पा माङ्‌लाइङ्‌बाल्‍ले़ कुघोर्‍यान् सुरित् केजङ्‌ङो हुक्‍खुआङ् निङ्‌वाॽफुमाङ्‌ङिल्‍ले़ कुहिम्‍मोबा हाङ्‌युक्‍नालाम् आल्‍ल चुरे़रो के़लॽबा यम्‍बा इक्‍लाधिक् त्‍ये़रो॥


कर खुने़ॽ आबुगे़न् कुस्‍साःल्‍ले़ कुयाःम्‍बेओ अक्‍खे पाःत्तु, “निङ्‌वाॽफुमाङ्‌ङे, खे़ने़ॽ के़हाङ्‌जुम्‍मिङ्‌ग सदादिङ् वाॽरो॥ हे़क्‍क्‍याङ् खे़ने़ॽ के़हाङ्‌तक्‍काःत्तिल्‍ले़ के़मनाहाॽओ साम्‌योनिमान्‍नु हाङ् के़जोगुॽरो॥


के़वाॽबा के़याःक्‍पा लाङ्‌सक्‍पाहाॽ नु माःङ्‌घा मे़नाःत्तु मे़देसुसिबाहाॽ मुक्‍के़गुबा सुवाङ् चोगुङ्‌सिङ्‌लो॥ खे़न् ये़न्‍नाङ्‌धो यहवे दाङ्‌बे़ल्‍ले़ खे़ङ्‌हाॽरे़ खुन्‍छिॽ लुम्‍मो सियोन कोःक्‍माओ सदादिङ् हाङ्‌युक् चोगुरो॥


यहवे दाङ्‌बाए, खे़ने़ॽ के़जोगुसिबा इक्‍सादिङ् खाम्‍बेःक्‍मोबा के़रे़क् मे़न्‍छाम् सुवाङ्‌हाॽ के़दगि मे़दाआङ् से़वा के़म्‍मे़त्‍लो, हे़क्‍क्‍याङ् खे़ङ्‌हाॽरे़ के़मिङ् के़नारा मे़भोसुरो॥


खुने़ॽ युक् चोगुबा मुक्‍साम्‍मिन् हाबा चक्‍मे़ल्‍लॽए पोआङ् पत्‍लो, खुने़ॽ कुहाङ्‌जुम्‍मो आभे़ल्‍ले़साङ् सनारुङ् नु नुॽमादामा पोङ्‌लो॥ हे़क्‍क्‍याङ् खुने़ॽ कुधाःक् दाउदरे़ कुएगाङ् के़दाबा हाङ्‌ङिङ्‌ग खुने़ॽए पोङ्‌लो॥ खे़ब्‍याङ् कुदोःप्‍मा खासे़न् नु साम्‌योबान् सोरिक् चोगुआङ् हाङ्‌युक् चोगुरो॥ खे़न् ये़म्‍माङ्‌धो सदादिङ्‌ले़ लागि खुने़ॽ हाङ्‌युक् चोगुरो यहवे दाङ्‌बा मुक्‍साम्‍दाङ्‌बे़ल्‍ले़ कुसिक्‍सम्‍मे़ल्‍ले़ कन् पाःन्‍निन् कुलिङ्‌दो के़त्तुरो॥


हे़क्‍क्‍याङ् इङ्‌गाॽ यरिक् मनाहाॽरे़ खुनिॽ इक्‍ला हे़क्‍तङ्‌बा इक्‍लान् खे़प्‍सुङ्॥ खे़ङ्‌ग पयम् यम्‍बा च्‍वाःत् सःक्‍ते़बा कुइसिक् नु खे़रे़ङ्‌घुरुङ् लॽरे़र लोःक्‍खुआङ् अक्‍खेलॽरिक् अःक्‍ते़, “हाल्‍ले़लुया! थेआङ्‌भे़ल्‍ले़ मुक्‍साम्‍दाङ्‌बा आनिगे निङ्‌वाॽफुमाङ्‌ङिल्‍ले़ हाङ् चोगुॽरो॥


यहवे दाङ्‌बाए, खे़ने़ॽग हाःत्‍ले़ के़ङ्‌गित्‍ने़न्‍बे? हे़क्‍क्‍याङ् हाःत्‍ले़ के़नारा मे़भोसुम्‍बे? थेआङ्‌भे़ल्‍ले़ खे़ने़ॽरक् सेसेबा के़जोक्॥ काक् मे़न्‍छाम् सुवाङ्‌हाॽ मे़दाआङ् खे़ने़ॽ से़वा के़म्‍जोःक्‍लो, थेआङ्‌भे़ल्‍ले़ साम्‌योबा के़याःम्‍बक्‍किन् ओसेःन्‍दाङ् पोःक्‍खे़आङ् वाॽरो॥”


खे़प्‍से़म्‍मे़ॽओ, हे़क्‍केलॽरिक्‍के थिक् लायोलाम् के़हिम्‍बाल्‍ले़ लागि निङ्‌वाॽफुमाङ्‌ङिल्‍ले़ कुमाङ्‌लाइङ्‌बाहाॽआङ् मे़सःत्‍लो॥”


खे़न् ये़न्‍नो यरिक् मे़न्‍छाम् सुवाङ्‌हाॽ यहवे दाङ्‌बाओ फुङ्‌सिङ्‌से़ मे़दारो हे़क्‍क्‍याङ् आङ्‌गाॽ आमना मे़बोङ्‌ॽ॥ “आङ्‌गाॽ खिनिॽ लुम्‍मो वाॽआ हे़क्‍क्‍याङ् आङ्‌गाॽ मुक्‍साम्‍दाङ्‌बा यहवे दाङ्‌बे़ल्‍ले़ पाङ्‌घाङ्‌बा फाॽआङ् खिनिॽ निङ्‌वाॽ के़घोसुम्‌ॽ॥


आङ्‌गाॽ आसे़वारोबा याकुबे़न् पिरुङ्‌बा, खे़ङ्‌हाॽरे़ खुन्‍छिॽ पाधे़बाहाॽ मे़युङे़बा लाजेॽओ खे़ङ्‌हाॽ मे़युङ्॥ खे़ङ्‌हाॽ नु खे़ङ्‌हाॽरे़ खुन्‍छिॽ साहाॽ, खे़ङ्‌हाॽरे़ खुन्‍छिॽ एगाङ्, खे़ङ्‌हाॽरे़ खुन्‍छिॽ मे़न्‍छाॽहाॽ, थाःक्‍हाॽरे़ खुन्‍छिॽ एगाङ् थाःक्‍हाॽ सदादिङ् आभे़ल्‍ले़साङ् खे़प्‍मो मे़युङ्‌ॽ॥ हे़क्‍क्‍याङ् आङ्‌गाॽ आसे़वारोबा दाउदे़न् सदादिङ् खे़ङ्‌हाॽरे़ खुन्‍छिॽ हाङ् पोङ्‌ॽ॥


हे़क्‍केलॽरिक् खे़न् ये़न्‍निन् ताःल्‍ले़ इस्राइलिहाॽ उःप्‍मासिरे़ लागि लत्‍छा यम्‍बा थुत्‍थुरिःप्‍पान् लाइक्॥ हे़क्‍क्‍याङ् अस्‍सुर नु मिस्र लाजेॽओ मे़लःत्तुसिआङ् के़वाॽबा इस्राइलि सुवाङ्‌हाॽ मे़दाआङ् यरुसले़ःम्‍बा सेसे सियोन कोःक्‍माओ यहवे दाङ्‌बान् से़वा मे़मे़त्तुरो॥


यहवे दाङ्‌बाङ्‌ग सदादिङ्‌ले़ लागि हाङ्‌लो, सियोःन्‍ने, के़निङ्‌वाॽफुमाङ्‌ङिल्‍ले़ थाःक् थाःक् थारिक् हाङ्‌युक् चोगुरो, यहवे दाङ्‌बे़ल्‍ले़ कुनारा फोसे़म्‍मे़ॽओ!


यहवे दाङ्‌बे़ल्‍ले़ चोगुबा माङ्‌हुप्‍पिन् आभे़ल्‍ले़आङ् मे़ले़क्‍खुन्‍लो— “खे़ने़ॽग मल्‍किसे़दे़क कुइसिःक्‍पा सदादिङ् के़वाॽबा निङ्‌वाॽफुसाम्‍बाने़रो॥”


के़रे़क् हाङ्‌हाॽ कुदगि साम्‍बोन् मे़भन्‍छिङ्‌लो, हे़क्‍क्‍याङ् काक् इक्‍सादिङ् खाम्‍बेःक्‍मोबा मे़न्‍छाम् सुवाङ्‌हाॽरे़ कुसे़वा याःम्‍बक् मे़जोगुरो॥


इक्‍सादिङ् खाम्‍बेःक्‍मोबा हाङ्‌हाॽ थिक्‍हुप् मे़बोःक्‍खे़आङ् इङ्‌मे़दङ्‌घुरो हे़क्‍क्‍याङ् यहवे दाङ्‌बा नु खुने़ॽ सेगुबा कुहाङ्‌ङिल्‍ले़ कुदक्‍ले़ङ्‌वाओ हाङ्‌बिफ्‍युङ् मे़जोगुरो॥


हे़क्‍क्‍याङ् इङ्‌गाॽ हाङ्‌युक्‍नाहाॽ निसुङ्‌सिङ्॥ खे़प्‍मो खासे़न् लोःम्‍मा युक् के़घोबाहाॽ मे़युङे़॥ हे़क्‍क्‍याङ् ये़सु ख्रिस्‍तरे़ ओसेःन्‍दाङ् चोगुबा से़क्‍खान् नु निङ्‌वाॽफु पाःन्‍जाक्‍किन् इङ्‌भन्‌ मे़जोगुबाल्‍ले़ चोगुल्‍ले़ खुनिॽ थे़गेक्‍पा मे़घक्‍तु मे़से़रुसिबाहाॽरे़ खुनिॽ याम्‍साम्‍हाॽ निसुङ्‌सिङ्‌लो॥ खे़ङ्‌हाॽरे़ग खे़न् किप्‍मा के़घुबा थक्‍सान् नु कुनावाइत्‍लान् से़वा मे़न्‍जोगुन् हे़क्‍क्‍याङ् इबुगे़न् कुमिक्‍सेःन्‍निन्‍नाङ् खुनिॽ तोवाबो इग्र हुक्‍को मे़न्‍दाःक्‍तुन्‍नाङ् वये़रो॥ खे़ङ्‌हाॽग सिमे़न्‍लाम् याम्‍मो मे़हिङे़आङ् ख्रिस्‍ते़न्‍नु तङ्‌बे हे़न्‍छिङ् थारिक् हाङ् मे़जोगुरो॥


हे़क्‍क्‍याङ् खे़ङ्‌हाॽरे़ मे़ल्‍लुक्‍साःल्‍ले़ कुदक्‍ले़ङ्‌वाओ थङ् मे़जोगुॽ, कर मे़ल्‍लुक्‍साःल्‍ले़, खुने़ॽ उःत्तुसिबा सेगुसिबा नसाःन्‍साबाहाॽनु सोरिक्, खे़ङ्‌हाॽ नाःन्‍दुसिॽरो, थेआङ्‌भे़ल्‍ले़ मे़ल्‍लुक्‍साःङ्‌ग दाङ्‌बाहाॽरे़ खुनिॽ दाङ्‌बा नु हाङ्‌हाॽरे़ खुनिॽ हाङ्‌लो॥”


हे़क्‍क्‍याङ् तुक्‍सिगेक्‍पा माङ्‌लाइङ्‌बाल्‍ले़ कुधुत्‍थुरिःप्‍पे़न् मुःत्तुल्‍ले़ निङ्‌वाॽफुमाङ्‌ङिल्‍ले़ कुदगिबा साम्‍म्‍याङ् ले़त्ति तोःम्‍मादे़न्‍निल्‍ले़ लिसि कुसुक्‍पो के़बप्‍पा हासम्‍सम्‍बाओनु इक्‍लाधिक् लःन्‍दे़बा खे़प्‍सुङ्॥


हे़क्‍क्‍याङ् ङासिगेक्‍पा माङ्‌लाइङ्‌बाल्‍ले़ कुधुत्‍थुरिःप्‍पे़न् मुःत्तुल्‍ले़ ताङ्‌साक्‍पोलाम् इक्‍सादिङ् खाम्‍बेःक्‍मो मक्‍के़धाःबा खेःम्‍सिक्‍पाधिक् निसुङ्‌लो॥ खे़न् खेःम्‍सिक्‍पे़न् कुद्रोःम् मेःन्‍नेबा लुम्‍बाःत्तोबा तिमिक्‍किन् मे़बिरु॥


आल्‍ल लिसिगेक्‍पा माङ्‌लाइङ्‌बाल्‍ले़ कुधुत्‍थुरिःप्‍पे़न् मुःत्तुल्‍ले़ नाम्, लाबा, नु खेःम्‍सिक्‍पाहाॽ कुलक् सुम्‍सिओ कुसुक्‌वा थिक् याङ्‌घुआङ् खे़ङ्‌हाॽरे़ कुलक् सुम्‍सिओ कुसुक्‌वा थिक् ओःत्तिःन् मये़रो॥ हे़क्‍क्‍याङ् ले़न्‍दिक् नु से़न्‍दिक्‍ले़न्‍नाङ् कुलक् सुम्‍सिओ कुसुक्‌वा थिक् खादामे़रो॥


हङ्‌साॽमो आन्‍धासे़न्‍ने़ॽओ, कर माफे़न्‍साम्‍लाम् आसे़ःप्‍ते़ॽओ॥ ((थेआङ्‌भे़ल्‍ले़ हाङ्‌जुम्, मुक्‍साम् नु मिमिदिङ्‌ङिन् सदादिङ् खे़ने़ॽइन्‍नेरो॥))’


आप्‍फेक् आलागि निङ्‌वाॽफुमाङ्‌ङिल्‍ले़ कुमनाहाॽ इक्‍सादिङ् खाम्‍बेःक्‍को युक्‍खुङ्‌सिङ्‌लो, आङ्‌गाॽ आत्तिन् ‘लुङ्‌माॽ मे़न्‍दुक्‍मनामा’ मे़त्तुङ्‌ङाङ् वये़, आङ्‌गाॽ खे़न् लुङ्‌माॽ तुक्‍तुङ्‌लो॥ आत्तिन्‍हाॽ ‘आङ्‌गाॽ आमनानिङ् मेःन्’ मे़त्तुङ्‌सिङ्‌ङाङ् वये़ खे़ङ्‌हाॽ ‘आङ्‌गाॽ आमनानिङ्’ मे़त्तुङ्‌सिङ्‌लो॥ हे़क्‍क्‍याङ् खे़ङ्‌हाॽरे़ आङ्‌गाॽ अक्‍खे मे़मे़त्तारो, ‘खे़ने़ॽ आनिगे निङ्‌वाॽफुमाङ्‌ने़रो॥’”


खे़न् सदादिङ् आभे़ल्‍ले़साङ् के़वाॽबे़न् के़रे़क्‍नुःल्‍ले़ यम्‍बा निङ्‌वाॽफुमाङ्‌ङिल्‍ले़ कुसेसे मनाहाॽ ले़प्‍माङ् खासे़न्‍ले़ उवा मे़न्‍जोःक्‍के थारिक् नु ये़म् त्‍ये़आङ् खे़ङ्‌हाॽरे़ हाङ्‌जुम्‍मिन् युक् मे़न्‍जोःक्‍के थारिक् खे़ल्‍ले़ नाःन्‍दुसि॥


आल्‍ल खे़निॽ वेॽ लाजेॽबा मे़न्‍छाम् सुवाङ्‌हाॽ के़उःत्तुम्‍सिम्‍लो— थिक् ये़म्‍मो खे़ङ्‌हाॽरे़ खे़निॽ कुसिङ् के़मे़न्‍निःत्तिल्‍लो, कर आल्‍ल खे़ङ्‌हाॽ खिनिॽनु फुत्‍छिङ्‌मारे़ लागि मे़लोक् मे़दारो! थेआङ्‌भे़ल्‍ले़ यहवे दाङ्‌बा खिनिॽ निङ्‌वाॽफुमाङ् इस्राइलबा सेसेबाल्‍ले़ खिनिॽ मिमिदिङ् चोःक्‍निङ्‌ङाङ् वाॽरो॥”


ताङ्‌साङ्‌बे, सःत्ते़ॽआङ् साम्‍लोरे़ॽओ, थेआङ्‌भे़ल्‍ले़ यहवे दाङ्‌बे़ल्‍ले़ हे़क्‍के चोगुआङ् वाॽरो॥ इक्‍सादिङ् खाम्‍बेःक्‍माए, यम्‍बा इक्‍लाओ अःक्‍ते़ॽओ, थे़गुसे, ताम्‍भुङ् नु खे़ॽयोबा के़रे़क् सिङ्‌बुङ्‌से, खे़म्‍गे़दे़प्‍पा इक्‍लाओ साम्‍लोरे़म्‍मे़ॽओ, थेआङ्‌भे़ल्‍ले़ यहवे दाङ्‌बे़ल्‍ले़ कुमे़ल्‍लुङ् हुङुआङ् याकुबे़न् थे़ॽरुआङ् वाॽरो, खुने़ॽ आबाङे इस्राइलओ कुमिमिदिङ्‌ङिन् ओःन्‍धाक्‍तुसिॽरो॥


“नाम्‍गे़त् पिसाङ् नु नाम्‍धा पिसाङ् थारिक् के़रे़क् मे़न्‍छाम् सुवाङ्‌लुम्‍मो आङ्‌गाॽ आमिङ्‌ङिन् पयम् यम्‍बा पोङ्‌ॽ॥ के़रे़क् ते़न्‍हाॽओ आङ्‌गाॽ आमिङ्‌ङो मे़न्‍छाम् सुवाङ्‌हाॽरे़ सुक्‍पा मे़हाःन्‍दुॽ हे़क्‍क्‍याङ् सुत्‍थो हुक्‍सोयाङ् मे़दारुॽ, थेआङ्‌भे़ल्‍ले़ के़रे़क् मे़न्‍छाम् सुवाङ्‌हाॽरे़ आङ्‌गाॽ मिङ्‌सो इङ्‌धाङ् मे़बिआरो,” मुक्‍साम्‍दाङ्‌बा यहवे दाङ्‌बे़ल्‍ले़ पाःत्तुॽ॥


यहवे दाङ्‌बाए, आमुक्‍साम् नु आहाङ्‌यक्‍के, तुक्‍खेवा ये़न्‍नोबा आइःम्‍सिङ्‌मादे़न्‍ने़, इक्‍सादिङ् खाम्‍बेःक्‍माल्‍ले़ कुया नु कुसुक्‍पोलाम्‍बा मे़न्‍छाम् सुवाङ्‌हाॽ खे़ने़ॽओ मे़दारो हे़क्‍क्‍याङ् खे़ङ्‌हाॽरे़ मे़बाःत्तुरो, “आनिगे पाधे़बाहाॽनुग इङ्‌ले़क्‍पा साम्‍माङ्‌हाॽ नु हने़बा नावाइत्‍लाहाॽरक् मे़वये़रो कर वेॽ थेआङ् होःप्‍ते़रो॥


निङ्‌वाॽफुमाङ्‌ङे, पोगे़ॽओ, हे़क्‍क्‍याङ् इक्‍सादिङ् खाम्‍बेःक्‍मान् खासे़न् लोःन्‍दे़ॽओ, थेआङ्‌भे़ल्‍ले़ इक्‍सादिङ् खाम्‍बेःक्‍मोबा के़रे़क् मे़न्‍छाम् सुवाङ्‌हाॽग खे़ने़ॽ के़मनासिरो॥


एसावरे़ कुगोःक्‍माहाॽ युक्‍मारे़ लागि थङ् के़नाःम्‍बाहाॽ सियोन कोःक्‍माओ मे़धोःक्‍सिङ्‌लो हे़क्‍क्‍याङ् हाङ्‌जुम्‍मिङ्‌ग यहवे दाङ्‌बाल्‍ले़न् पोङ्‌लो॥”


हे़क्‍क्‍याङ् खुने़ॽ सेगुसिबा मनाहाॽ सुम्‍से़ के़रे़क् पिसाङ्‌लाम् ताङ्‌साक्‍पाल्‍ले़ खोःप्‍तुबा नु इक्‍सादिङ् खाम्‍बेःक्‍माल्‍ले़ ताःक्‍तुबाओ थुत्तुरिःप्‍पाल्‍ले़न् पयम् इक्‍लानु कुमाङ्‌लाइङ्‌बाहाॽ इक्‍सादिङ् खाम्‍बेःक्‍मो पाङ्‌घु युसुसिॽरो॥


हे़क्‍क्‍याङ् इक्‍सादिङ् खाम्‍बेःक्‍मोबा हाङ्‌हाॽ नु सुहाङ्‌युक्‍पाहाॽ थिक्‍हुप् मे़बोङ्‌ङाङ् दाङ्‌बा नु निङ्‌वाॽफुमाङ्‌ङिल्‍ले़ सेःन्‍दुबा ख्रिस्‍ते़ल्‍ले़ कुदक्‍ले़ङ्‌वाओ मे़जुम्‍लो॥’


खुने़ॽ वेॽ हे़न्‍छिङ् थिक् हुक्‍सिक् सिःक्‍तु, कर कन् लत्‍छा वहःङ् ने़स्‍से़ आङ्‌गाॽ काःक्‍मा मे़न्‍छुक्‍पा, थेआङ्‌भे़ल्‍ले़ च्‍वाःत्तिन् पोरे़आङ् ने़स्‍से़ हे़क्‍क्‍याङ् चाःक्‍मा के़नुॽबा हाःत्‍ले़आङ् काःक्‍मा सुक्‍मे़न्‍दे़प्‍मनाबा वहःङ् पोःक्‍खे़आङ् ने़स्‍से़॥


Swiv nou:

Piblisite


Piblisite