सुफो 1:3 - लिम्‍बु

³ कप्‍मो के़बप्‍पा माङ्‌निङ्‌वाॽपान् के़निःप्‍पे़न् मुॽइसाबारो, हे़क्‍क्‍याङ् खे़न् के़घे़म्‍बाहाॽ नु खे़प्‍मो के़बप्‍पा पाःन्‍हाॽ के़इःप्‍पा के़नाःप्‍पाहाॽग मुॽइसाबासिरो, थेआङ्‌भे़ल्‍ले़ आल्‍ल कन् काक् पाःन्‍हाॽ पोङ्‌मा ये़म् निःत्ताङ्‌ङे वाॽरो॥

सुफो 1:3 Referans Kwoze

लुका 11:28

कर ये़सुरे़ पाःत्तु, “हे़क्‍केग मेःन्, कर निङ्‌वाॽफु पाःन्‍जाक्‍किन् के़घे़म्‍बा नु के़इःप्‍पा के़नाःप्‍पाहाॽए मुॽइसाबासिरो॥”

सुफो 22:10

हे़क्‍क्‍याङ् खुने़ॽ इङ्‌गाॽ अक्‍खे मे़त्ताङ्‌लो, “कन् साप्‍पन्‍नोबा माङ्‌निङ्‌वाॽपान्‍हाॽ मे़माॽरे़न्‍ने़ॽओ, थेआङ्‌भे़ल्‍ले़ खे़न् काक् पाःन्‍हाॽ के़प्‍मा ये़म्‍मिन् निःत्ताङ्‌ङे वाॽरो॥

रोमि 13:11

कन् के़रे़क् पाःन्‍हाॽ चोगे़म्‍मे़ॽ, थेआङ्‌भे़ल्‍ले़ आल्‍लोबा ये़म्‍मिन् आक्‍तङ्‌बा चोक् फाॽआङ् के़निसुम्‍लो॥ आल्‍ल आनिॽ मिक् युःमोलाम् सोमाआङ् पोःक्‍मा ये़म् के़रे़आङ् वाॽ, थेआङ्‌भे़ल्‍ले़ तगि नसान् आजोगुम्‍बा ये़म्‍मिन्‍नुःल्‍ले़आङ् कुमनाहाॽ ताङ्‌से़ःप्‍से़ दाङ्‌बाल्‍ले़ कुनुःङ्‌मा युमा ये़म्‍मिन् आल्‍लो निःत्ताङ् वाॽ॥

१ पत्रुस 4:7

काक् पाःन्‍हाॽरे़ कुनुप्‍मान् निःत्ताङ्‌ङे त्‍ये़आङ् वाॽरो॥ खे़ल्‍ले़चोगुल्‍ले़ खिनिॽ तुवा चोःक्‍मा के़सुक्‍तिर फाॽआङ् सेसे निङ्‌वाॽ नु चाङ्‌जाङ्‌ङाङ् वये़म्‍मे़ॽओ॥

खाहुन् 8:34

आत्तिल्‍ले़ आङ्‌गाॽ आबाःन्‍निन् खे़प्‍सुॽ, आत्तिन् थिक्‌याःन्‍धक् आलाम्‍धेःप्‍पो ताआङ् इगेःक्‍काङ् ओमे़त्तार, आलाम्‍धेःप्‍पो हाङ्‌ङा मुॽइसाबा मनाःङ्‌ग हाबा खे़न्‍नेरो॥

सुफो 22:12

ये़सुरे़ पाःत्तुॽ, “ओमे़त्ते़ॽओ, इङ्‌गाॽ हाराए युआरो! हे़क्‍क्‍याङ् काक् मनाहाॽरे़ मे़जोगुबा याःम्‍बक् कुइसिःक्‍के खुम्‍दिङ्‌ङिन् नु हाङ्‌से़म्‍मिन् पिरुङ्‌सिङ्‌लो॥

२ पत्रुस 3:8

कर आमिःम् आन्‍जुम्‍से, लत्‍छा पाःन्‍धिक् निङ्‌वाॽ मे़भेःत्‍छे़म्‍मिन्‍ने़ॽओ—दाङ्‌बाल्‍ले़ कुलागि थिक् ये़न्‍निन् तङ्‌बे हे़न्‍छिङ् (१,०००) कुइसिक् नु हे़न्‍छिङ् तङ्‌बेन् थिक्‌ये़न् कुइसिक् पोङ्‌लो॥

सुफो 22:20

कन् पाःन्‍निन् साःक्‍खि के़बिबाल्‍ले़ पाःत्तुॽ, “से़क्‍खाए इङ्‌गाॽ हाराए युआरो॥” आमे़न्! दाङ्‌बा ये़सुए, ये़ॽओ!

मत्ति 24:15

“माङ्‌निङ्‌वाॽपान् के़बाःप्‍पा दानिए़लरे़ पाःत्तुबा सिक्‍के़ले़ःङ्‌बान् माङ्‌हिम्‍मोबा सेसेदे़न्‍नो ये़प्‍पा के़निसुम्‍लो॥” (के़निःप्‍पाहाॽरे़ कन् पाःन्‍निन् कुसिङ् मे़निःत्तुररो!)

रोमि 13:12

से़न्‍दिक्‍किन् ले़क्‍ल पत्‍लो, हे़क्‍क्‍याङ् खाओःप्‍मान् निःत्ताङ् तार पत्‍लो॥ खे़ल्‍ले़चोगुल्‍ले़ मनाहाॽरे़ खादाम्‍मो मे़जोगुबा ताप्‍फे़ःम्‍बा याःम्‍बक्‍हाॽ ले़रुम् हे़क्‍क्‍याङ् ओःत्तिःल्‍ले़न् थक्‍सुबाहाॽ यारिप् मे़बोङ्‌बा हे़क्‍के यारिप् पोःक्‍खिआङ् नुबा याःम्‍बक् चोगुम्‍लो॥

सुफो 3:11

इङ्‌गाॽ हाराए युआर पत्तारो॥ हे़क्‍केःल्‍ले़ खे़ने़ॽ के़नाःन्‍दुआङ् खोमा के़बोङ्‌बा थुम्‍घोन् आत्तिन्‍हाॽरे़आङ् के़मे़न्‍नाप्‍ने़न्‍ल फाॽआङ् खे़ने़ॽ के़गत्तुबा पाःन्‍हाॽ नुःरिक्‍काङ् ताङ्‌सेःप्‍ते़ कत्ते़ॽओ॥

यर्मिया 51:61

खुने़ॽ सरायाहन् मे़त्तु, “खे़ने़ॽ बेबिलोन के़रे़ॽआङ् कप्‍मो साप्‍ते़आङ् के़बप्‍पा के़रे़क् पाःन्‍हाॽ यम्‍बा इक्‍लाओ निरे़ॽ॥