सुफो 1:20 - लिम्बु20 खे़ने़ॽ इङ्गाॽ आजुप्साङ् ले़प्माङ् के़निसुबा नुसि खेःम्सिक्हाॽ नु नुसि साम्म्याङ् सेमियुङ्दे़न्हाॽरे़न् सिबिॽ पाःन्हाॽग बा कन्लो—नुसि खेःम्सिक्हाॽ नुसि सेसेहुप्लक्हाॽओबा माङ्लाइङ्बासिरो, हे़क्क्याङ् नुसि साम्म्याङ् सेमियुङ्दे़न्हाॽ नुसि सेसेहुप्लक्सिरो॥” Gade chapit la |
सुफो 1:20
24 Referans Kwoze
“सार्दिसबा सेसेहुप्लक्कोबा माङ्लाइङ्बान् कन् इङ्घङ्ङिन् साप्ते़ॽओ॥ कन् इङ्घङ्ङिन् नुसि खेःम्सिक्पा नु निङ्वाॽफुमाङ्ङिल्ले़ नुसि कुसेसेमाङ् के़गप्पाल्ले़ पाःत्तुबारो— “‘खे़ने़ॽ काक् के़याःम्बक्हाॽ इङ्गाॽ निसुङ्लो॥ हे़क्क्याङ् खे़ने़ॽ कुहिङ्वे़त् के़वाॽ फाॽआङ् इङ् से़रे़आङ् वाॽसाङ् खे़ने़ॽग कुसिवे़त् कुइसिक् के़जोःक्लो॥
“हे़क्क्याङ् फिलादेल्फियाबा सेसेहुप्लक्कोबा माङ्लाइङ्बान् कन् इङ्घङ्ङिन् साप्ते़ॽओ॥ कन् इङ्घङ्ङिन् सेसे नु से़क्खाबा हे़क्क्याङ् दाउद हाङ्ङिल्ले़ कुदिमिक् के़गप्पे़ल्ले़ पाःत्तुबारो॥ खुने़ॽ हन्दुबान् हाःत्ले़आङ् सुप्मा मे़सुक्तुन्, हे़क्क्याङ् खुने़ॽ सुबुबान् हाःत्ले़आङ् हम्मा मे़सुक्तुन्लो॥
आमिःम् फुॽनुसाॽ नु ने़ॽनुसाॽसे, खिनिॽ आङ्दिङ् के़न्लॽरिन्ल फाॽआङ् कन् सिबिॽगे़न् पाःन्निन् कुसिङ् निःत्ते़म्मे़ॽ के़लॽबा आनिङ्वाॽ वाॽरो॥ कन् सिबिॽगे़न् पाःन्निङ्ग निङ्वाॽफुमाङ्ङिल्ले़ कुनिङ्सेक् कुइसिक् नसान् चोःक्मा के़बोङ्बा थिम्मे़न्दङ् सुवाङ्हाॽरे़ नसान् चोःक्मा मे़न्छुःत्ते थारिक् यरिक् यहुदिहाॽ खुनिॽ निङ्वाॽ मे़न्नुःङ्मनाबा मे़बोङ्लो॥
इङ्गाॽ युहुन्नाःल्ले़ कन् सक्इङ्घङ्ङिन् एसिया ते़ङ्गप्पो के़ने़बा नुसि सेसेहुप्लक्हाॽ हाक्निङ्लो॥ आल्लो के़वाॽबा, उनाहुरिओआङ् वये़ हे़क्क्याङ् ताःन्दिआङ् के़दाबा निङ्वाॽफुमाङ्लाम् नु कुहाङ्युक्ना तगाङ्बा नुसि साम्हाॽलाम्, हे़क्क्याङ् नसान् चोःक्मा सुक्के़दे़प्पा पान् के़बाःप्पा, के़सिबाओलाम् याम्मो के़हिङ्बाहाॽओ थिक्सिगेक्पा नु इक्सादिङ् खाम्बेःक्मोबा हाङ्हाॽ सम्दाङ् हाङ् के़जोःक्पा ये़सु ख्रिस्तलाम् लुङ्गुम् नु सनारुङ् हाराॽ खिनिॽओ वाॽररो॥ खुने़ॽग आनिॽ लुङ्माॽ आदुक्ते़आङ् आनिॽ लायोलाम् कुमाक्खिॽइल्ले़ से़न्लप् आबिरे़आङ् वाॽरो॥
खे़ने़ॽ तगि मिःम्जि के़मे़त्ताङ्बा मिःम्जिलाम् आक्खे़म्म्याक् माःङ्घा के़बोक्खे़आङ् के़वाॽ खे़न् पाःन्निन् निङ्वाॽ इःत्ते़ॽ॥ खे़ने़ॽ लायोलाम् हिन्दे़ॽआङ् तगि के़जोगुबा हे़क्केए चोगे़ॽओ॥ खे़ने़ॽ के़लायोओनु के़न्नुःङ्ने़न्ने़ फाॽग्र इङ्गाॽ खे़ने़ॽओ ताआ हे़क्क्याङ् के़सेमियुङ्दे़न्निन् कुयुङ्दे़न्नोलाम् खे़त्तुङ्देसुङ्लो॥
Piblisite