सुफो 1:18 - लिम्बु18 कुहिङ्वे़त् के़बोङ्बे़ङ्ग इङ्गाॽएरो॥ इङ्गाॽ स्याङ्ङाङ् वयाङ्, कर ओमे़त्ते़ॽ, इङ्गाॽ सदादिङ्ले़ लागि याम्मो हिङाङ्ङाङ् वाॽआरो॥ हे़क्क्याङ् सिमे़न् नु खे़मायङ्सङ्ङिल्ले़न् तिमिक्हाॽ इङ्गाॽ कत्तुङ्लो॥ Gade chapit la |
सुफो 1:18
32 Referans Kwoze
“हे़क्क्याङ् फिलादेल्फियाबा सेसेहुप्लक्कोबा माङ्लाइङ्बान् कन् इङ्घङ्ङिन् साप्ते़ॽओ॥ कन् इङ्घङ्ङिन् सेसे नु से़क्खाबा हे़क्क्याङ् दाउद हाङ्ङिल्ले़ कुदिमिक् के़गप्पे़ल्ले़ पाःत्तुबारो॥ खुने़ॽ हन्दुबान् हाःत्ले़आङ् सुप्मा मे़सुक्तुन्, हे़क्क्याङ् खुने़ॽ सुबुबान् हाःत्ले़आङ् हम्मा मे़सुक्तुन्लो॥
कन् आबुगे़न् कुस्साःल्लो निङ्वाॽफुमाङ्ङिल्ले़ कुमिमिदिङ्ङिन् ले़क्लो हे़क्क्याङ् आबुगे़न् कुस्सान् निङ्वाॽफुमाङ्ङिल्ले़ कुसुत्नाःल्ले़ कुइत्छाप्लो॥ हे़क्क्याङ् खुने़ॽए मुक्साम्गे़न् कुबाःन्जाक्लाम्बा इक्सादिङ् खाम्बेःक्मोबा काक् पाःन्हाॽ वाॽर याःन्दुॽरो॥ खुने़ॽ मे़न्छाम् याप्मिहाॽ लायोलाम् सेसेसाङ्साङ् पोङ्मा तङ्गाम् चोगुआङ् साङ्ग्राम्पेदाङ्ङो मिमिदिङ्गे़न् निङ्वाॽफुमाङ्ङिल्ले़ कुजुप्साङ् ले़प्माङ् युङ्सिङ्लो॥
इङ्गाॽग ख्रिस्ते़न्नु सिलाम्साक्मा सिङ्ङो स्याङ्ङाङ् वाॽआ, हे़क्क्याङ् आल्लआङ्धो इङ्गाॽग मे़हिङ्ङान्, कर ख्रिस्ते़न् इङ्गाॽओ हिङ्लो॥ इङ्गाॽग कन् नासिङ्गे़न् थक्को हिङ्ङाल्ले़ निङ्वाॽफुसाओबा नसाःन्लाम् हिङ्ङारो॥ खुने़ॽए लुङ्माॽ तुक्ताङ् हे़क्क्याङ् आलागि कुहिङ्मन्निन् पिरुरो॥
ख्रिस्ते़ङ्ग सिलाम्साक्मा सिङ्सम्दाङ् मे़न्धुम्मनाबा कुइसिक् मे़भोन्दु, करसाङ् खुने़ॽग निङ्वाॽफुमाङ्ङिल्ले़ कुमुक्साम्लाम् कुहिङ्वे़त् वाॽरो॥ हे़क्केलॽरिक्के आनिगे़आङ् खुने़ॽ कुइसिक् मे़न्धुम्मनाबा चोगिगे़, कर निङ्वाॽफुमाङ्ङिल्ले़ कुमुक्साम्लाम् खिनिॽ लुम्मो याःम्बक् चोःक्से़ खुने़ॽनुए हिङिगे़ॽरो॥
हे़क्क्याङ् खिनिॽ कपर्नहुम पाङ्जुम्मोबा मनासे, साङ्ग्राम्पेदाङ् थारिक् पेगिगे़ॽ के़लॽरिबि? मेःन्लो! खिनिॽग खे़मायङ्सङ् थारिक् के़ध्ये़ॽइरो॥ थेआङ्भे़ल्ले़ खिनिॽ पाङ्जुम्मो चोगे़बा हे़क्तङ्बा निङ्वाॽ के़माबा याःम्बक्हाॽ सदोम ये़क्यक्को चोगे़आङ् वये़ल्ले़ग खे़न् ये़क्यक्किङ्ग आइन् थारिक् ने़स्से़बामे़न्!
हे़क्क्याङ् इङ्गाॽ अम्दाङ्बा अन्निन् खे़प्मो निसुङ्लो॥ खे़न् अन् के़युक्पाल्ले़ कुमिङ्ग “सिमे़न्” वये़॥ हे़क्क्याङ् खे़मायङ्सङ्ङोबा के़सिबाहाॽरे़ खुने़ॽ मे़दिम्दुरो॥ इक्सादिङ् खाम्बेःक्मोबा कुलक् लिसिओ कुलक् थिक् मे़न्छाम् याप्मिहाॽ थङ्, साक्, तुक्मा नु ताम्भुङ् थक्साहाॽलाम् से़प्मासि फाॽआङ् खे़ङ्हाॽ युक् मे़बिरुसिरो॥
Piblisite