सुफो 1:17 - लिम्बु17 हे़क्क्याङ् खुने़ॽ निसुङ्ङाङ् इङ्गाॽग सिमालिङ्धोओ के़राङ्ङाङ् कुलाङ्जक्पो हर्गुप्सा चोःन्दाङ्लो॥ खुने़ॽ कुजुप्साङ् हुक्किन् आसम्दाङ् ने़स्सुआङ् अक्खे मे़त्ताङ्लो, “मे़गिसे़न्ने़ॽओ इङ्गाॽ तोलिङ्सोमु नु कुनुप्माआरो॥ Gade chapit la |
सुफो 1:17
30 Referans Kwoze
वहित् थासुबा ये़न्नो खाॽमिःत्तो नाम्धिङ्गोन् निधाःप्पा हे़क्के से़ल्ले़ङ् से़ल्ले़ङ् के़ओःप्पाधिक् खुने़ॽ कुगब्रिङ् पिसाङ् पत्छे़॥ आङ्गाॽ यहवे दाङ्बे़ल्ले़ कुमिमिदिङ्ङिन् अक्तङ्बा निसुङ्॥ आङ्गाॽ कन् निसुङ्ङाङ् खाम्बाङ्ङो साम्बोन् हबत् फन्छिङ्ङाङ्, खे़ब्याङ् कुभारे़ आङ्गाॽ पाःन्छाःत्ताङ्ल पत्छाङ्बा इक्ला खे़प्सुङ्लो॥
खुने़ॽ पाःत्तुर तेॽरु, “दानिए़लए, मे़गिसे़न्ने़ॽ, खे़ने़ॽ के़निङ्वान् खासिङ्निःप्मा ले़प्माङ् निङ्वाॽ के़बिरुबा नु खे़ने़ॽ के़निङ्वाॽफुमाङ्ङिल्ले़ कुदगि आप्फेक् नःम्नःम्बा के़जोःक्सिङ्बा थिक्सिगेक्पा ये़न्नाङ्धोए के़बेःल्लिहाॽ के़निङ्वाॽफुमाङ्ङिल्ले़ खे़प्सुआङ् वये़, आङ्गाॽ के़बेलिगे़न् तुवाःल्ले़ नुगप् पिसे़ याङ्ङाङ् वाॽआ॥
आङ्गाॽ कन् खे़प्सुङ्ङाङ् आसिक्लुङ्मान् यक्खे़रो, खे़न् इक्लान् खे़प्सुङ्ङिल्ले़ आम्ब्रासेन् थे़गक्कक्ना यक्खे़रो, आङ्गाॽ आये़त् आलुङ्सिहाॽ सिगाङ्ङे यरे़बेरो, हे़क्क्याङ् आङ्गाॽ आलाङ्हाॽ चिरिम्लिम्ना यक्खे़रो॥ हे़क्केसाङ् आनिगे याप्मि के़भप्पा मे़न्छाम् सुवाङ्हाॽओ के़दाबा तुक्खेलाक्खेबा ये़न्निल्ले़ लागि आङ्गाॽ नासि थःत्तुङ्ङाङ् हाङ्घुङ्ल वाॽआरो॥
इङ्गाॽ युहुन्नाःल्ले़ कन् सक्इङ्घङ्ङिन् एसिया ते़ङ्गप्पो के़ने़बा नुसि सेसेहुप्लक्हाॽ हाक्निङ्लो॥ आल्लो के़वाॽबा, उनाहुरिओआङ् वये़ हे़क्क्याङ् ताःन्दिआङ् के़दाबा निङ्वाॽफुमाङ्लाम् नु कुहाङ्युक्ना तगाङ्बा नुसि साम्हाॽलाम्, हे़क्क्याङ् नसान् चोःक्मा सुक्के़दे़प्पा पान् के़बाःप्पा, के़सिबाओलाम् याम्मो के़हिङ्बाहाॽओ थिक्सिगेक्पा नु इक्सादिङ् खाम्बेःक्मोबा हाङ्हाॽ सम्दाङ् हाङ् के़जोःक्पा ये़सु ख्रिस्तलाम् लुङ्गुम् नु सनारुङ् हाराॽ खिनिॽओ वाॽररो॥ खुने़ॽग आनिॽ लुङ्माॽ आदुक्ते़आङ् आनिॽ लायोलाम् कुमाक्खिॽइल्ले़ से़न्लप् आबिरे़आङ् वाॽरो॥
Piblisite