निङ्वाॽफु पाःन्जाक्किङ्ग कुहिङ्वे़त् नु चोक्साम्बा चोक्लो॥ खे़ङ्ग ने़प्जाङ् ले़प्माङ् कुया के़बप्पा खागे़सुक्पा ताभेःन्नुःल्ले़आङ् खागे़सुक्पा चोक्लो॥ खे़ल्ले़ याम्साम्मिन् नु सक्मासाम्मिन् से़न्दुॽ हे़क्क्याङ् ये़प्पाल्ले़ कुदुम्बे़ॽ नु कुसिन् लस्सुआङ् से़न्दुॽ॥ आनिॽ निङ्वाॽसुम्मिन् नु निङ्वाॽ इःप्मान् से़म्मा सुक्तुॽरो॥
सुफो 1:16 - लिम्बु16 खुने़ॽ कुजुप्साङ् हुक्किल्ले़ नुसि खेःम्सिक्हाॽ ते़म्सुसिआङ् पत्छे़, हे़क्क्याङ् कुमुराओलाम् ने़प्जाङ् ले़प्माङ् खागे़सुक्पा कुया के़बप्पा ताभेन् लःन्दे़आङ् पत्छे़रो॥ हे़क्क्याङ् कुनाराःङ्ग ले़न्दिक् के़ओःप्पा नाम्मिन् हे़क्के मिक् के़जे़म्बा चोगे़रो॥ Gade chapit la |
सुफो 1:16
26 Referans Kwoze
खुने़ॽ कुमुराओलाम् इक्सादिङ् खाम्बेःक्मोबा मे़न्छाम् सुवाङ्हाॽ नाःम्मासि फाॽआङ् खागे़सुक्पा ताभेन् लःन्दे़रो॥ हे़क्क्याङ् खे़ङ्हाॽ फे़न्जेॽ तक्काःत्तिल्ले़ युक् चोगुसिॽरो॥ हे़क्क्याङ् खुने़ॽ चे़ल्ले़क्सेॽ एःम्मादे़न्नो लाङ्ङिल्ले़ चे़ल्ले़क्सेॽइन् सॽमनाबा हे़क्के मुक्साम्दाङ्बा निङ्वाॽफुमाङ्ङिल्ले़ कुसाक्के़न्निल्ले़ कुनिङ्मिहाॽ सॽरुसिरो॥
“सार्दिसबा सेसेहुप्लक्कोबा माङ्लाइङ्बान् कन् इङ्घङ्ङिन् साप्ते़ॽओ॥ कन् इङ्घङ्ङिन् नुसि खेःम्सिक्पा नु निङ्वाॽफुमाङ्ङिल्ले़ नुसि कुसेसेमाङ् के़गप्पाल्ले़ पाःत्तुबारो— “‘खे़ने़ॽ काक् के़याःम्बक्हाॽ इङ्गाॽ निसुङ्लो॥ हे़क्क्याङ् खे़ने़ॽ कुहिङ्वे़त् के़वाॽ फाॽआङ् इङ् से़रे़आङ् वाॽसाङ् खे़ने़ॽग कुसिवे़त् कुइसिक् के़जोःक्लो॥
कर आङ्गाॽनु के़गिबा हे़क्क्याङ् आमिङ्ङे़न् मिङ्सो इङ्धाङ् के़बिबा सम्धाङ्ग नाम्मिन् फिरिरिना लिङ्बा कुइसिक् साम्योनिमाल्ले़ तुक्मा लाःक्मालाम् वेःप्मा नु नुॽमादामे़न् तारुआङ् ताःॽ॥ हे़क्क्याङ् पित्थाःङ्ङो के़ये़प्पा पित्साःत्ते़न् ले़प्मे़ल्ले़ चाराम्मादे़न्नो पित्चाक् पित्चाक् पिन्ल लाःक्कात् पेःक्पा कुइसिक् खे़निॽआङ् लाःक्कात् के़लःन्दिरो॥
हे़क्क्याङ् इङ्गाॽ वेॽ मुक्साम्दाङ्बा माङ्लाइङ्बाधिक् साङ्ग्राम्पेदाङ्लाम् ये़र पत्छे़बा निसुङ्॥ खे़न् खाप्मिःत्तिल्ले़ पन्छिङ्ङाङ् वये़, कुधे़गेक् सम्दाङ्ग नाम्धिङ्गोन् पत्छे़, खुने़ॽ कुनाराःङ्ग नाम्मिन् हे़क्के मिक् के़जे़म्बा चोगे़, हे़क्क्याङ् कुलाङ्हाॽग मि के़दिःप्पा सित्लाङ् कुइसिक् चोगे़रो॥
कर कुहोःप्मा कुसाक्माओ के़धाबाआङ् के़वाॽबा मे़न्छाम् याप्मिहाॽरे़ लागि खुने़ॽ कुदोःप्मा खासे़न् लोःन्दु पिरुसिरो, हे़क्क्याङ् इक्सादिङ् खाम्बेःक्कोबा याङ्गे़साॽबा मनाहाॽरे़ खुन्छिॽ लागि खुने़ॽ नुरिक्काङ् खासे़न् लोःन्दु पिरुसिरो॥ हे़क्क्याङ् कुबाःन्जाक् मुक्साम्मिल्ले़ योॽबा लाजेन् यङ्लो, कुम्ब्राओबा कुसक्माःल्ले़ कुॽइगे़भे़म्बा मनाहाॽ मे़क्खुसिरो॥
Piblisite