निङ्वाॽफु साम्लोसुम् 99:3 - लिम्बु3 के़रे़क्ले़ पयम् यम्बा नु मिङ्सो इङ्धाङ् पिमा के़लाॽबा कुमिङ्ङिन् मिमिदिङ् मे़बिरुरो, थेआङ्भे़ल्ले़ खुने़ॽ सेसेबा चोक्लो॥ Gade chapit la |
निङ्वाॽफु साम्लोसुम् 99:3
20 Referans Kwoze
खे़न् लिसि कुहिङ्वे़त् पाथुङ्साहाॽरे़ खुनिॽ नासिङ्गे़न् थक्को तुक्सि लाप्हाॽ मे़बत्छे़, हे़क्क्याङ् खुनिॽ नासिङ्गे़न् थक्किन् नु लाप्पिल्ले़ कुधिम् काक् पिसाङ् मिक् इस्सेःङ् पत्छे़रो॥ खे़ङ्हाॽ से़न्दिक् ले़न्दिक् चक्मे़ल्लॽए अक्खे मे़बाःत्तुर साम्मे़लोःॽ, “मुक्साम्दाङ्बा निङ्वाॽफुमाङ्ङिन् सेसे, सेसे, सेसेबा चोक्लो॥ खुने़ॽ उनाहुरिओ वये़, आल्लोआङ् वाॽ, हे़क्क्याङ् ताःन्दिआङ् तारो॥”
आल्ल कन् इक्सादिङ् खाम्बेःक्मोलाम् खे़ने़ॽओ थो थाङ्ङार पत्तारो॥ इङ्गाॽ इक्सादिङ् खाम्बेःक्मो मे़वाॽआन्, कर खे़ङ्हाॽग कप्मोए मे़वाॽरो॥ हे़क्केःल्ले़ सेसे पानुदिङ् आम्बे, खे़ङ्हाॽग के़बिराङ्बा मुक्साम्गे़न् के़मिङ्ङो कम्ब्राङ् मे़त्ते़से़ॽओ॥ हे़क्केलॽरिक् आन्छिॽ थिक् आवाॽसिबा कुइसिःक्के खे़ङ्हाॽआङ् थिक्हुप् मे़बोङ्लरो॥
आङ्गाॽ के़रे़क् ओमे़त्तुङ्, हे़क्क्याङ् ये़म्सिङ्ङाङ्ङाङ् लाम्लोबाहाॽ, सुहाङ्युक्पाहाॽ हे़क्क्याङ् वेॽ मनाहाॽ मे़त्तुङ्सिङ्, “खे़ङ्हाॽनु मे़गिसे़म्मिन्ने़ॽ॥ पयम् यम्बा किप्मा के़घुबा यहवे दाङ्बान् निङ्वाॽ इःत्ते़म्मे़ॽ॥ हे़क्क्याङ् आबाङे फुॽनुसाॽ, मेःत् सा नु हिम्धाःङ्ले़ लागि थङ् थक्ते़म्मे़ॽ॥”
कर के़धुम्बा नु मुक्साम्दाङ्बा यहवे दाङ्बाए, खे़ने़ॽ आङ्गाॽ ले़प्माङ् के़वाॽरो हे़क्क्याङ् आङ्गाॽ के़घुम्बाहाॽ मे़दोःक्काङ् मे़गे़ङ्लो॥ हे़क्क्याङ् खे़ङ्हाॽ सदादिङ् सिरिङ्ममो मे़धारो थेआङ्भे़ल्ले़ खे़ङ्हाॽ कुलिङ्दो के़गे़प्पा पोङ्मा मे़न्छुक्ने़न्लो हे़क्क्याङ् खे़ङ्हाॽरे़ खुन्छिॽ नाधामान् आप्फाल्ले़आङ् निङ्वाॽ मे़म्भेःत्छुन्लो॥
“खे़ने़ॽ आनिगे निङ्वाॽफुमाङ्ने़रो! खे़ने़ॽग पयम् यम्बा, किप्मा के़घुबा नु मुक्के़गुबा निङ्वाॽफुमाङ्ने़रो! खे़ने़ॽ माङ्हुप् के़जोगुबान् आबाङे के़गे़त्तुरो, अस्सुरबा हाङ्हाॽरे़ आनिगे याप्मि खुम्मा मे़हेःक्तिगे़बा ये़म्माङ्धो आल्लो थारिक् आनिगे साॽरिक् तुक्खे च्ये़ॽइगे़आङ् वाॽरो! आनिगे हाङ्हाॽ, लाम्लोबाहाॽ, निङ्वाॽफुसाम्बाहाॽ, माङ्निङ्वाॽपान् के़बाःप्पाहाॽ, पाधे़बाहाॽ नु आनिगे के़रे़क् के़मनाहाॽरे़ तुक्खे तुमुम्बे़आङ् वाॽरो, आनिगे साॽरिक् तुक्खे चामनाआङ् वाॽ, खे़ने़ॽ निङ्वाॽ इःत्ते़ॽओ!
येसुअ, कादमिएल, बानि, हसबन्याह, सरेबियाह, होदियाह, सबन्याह हे़क्क्याङ् पतहियाह ले़बिहाॽरे़ मनाहाॽ मे़मे़त्तुसिरो— “ये़बे़म्मे़ॽआङ् खिनिॽ यहवे दाङ्बा निङ्वाॽफुमाङ्ङिन् कुनारा फोसे़म्मे़ॽओ! सदादिङ्ले़ लागि खुने़ॽ कुनारा फोसे़म्मे़ॽ! मनाहाॽरे़ मे़जोगुबा नाराफोमा याःम्बक्किल्ले़ खुने़ॽ पयम् यम्बा चोःक्पान् लाॽरु खे़म्दुबाग मेःन्लो, हे़क्केसाङ् के़रे़क्ले़ खुने़ॽ कुमिमिदिङ् इस्सेःङ्बा कुमिङ्ङिन् इङ्धाङ् पिरे़म्मे़ॽओ॥”
Piblisite