निङ्‌वाॽफु साम्‍लोसुम् 92:1 - लिम्‍बु

¹ यहवे दाङ्‌बान् मिङ्‌सो इङ्‌धाङ् पिमाग साॽरिक् नुबा चोक्‍लो, हे़क्‍क्‍याङ् साम्‍लोनु के़रे़क्‍नुःल्‍ले़ पयम् यम्‍बा निङ्‌वाॽफुमाङ्‌ङिल्‍ले़ कुनारा फोमा खे़म्‍दुरो॥

निङ्‌वाॽफु साम्‍लोसुम् 92:1 Referans Kwoze

निङ्‌वाॽफु साम्‍लोसुम् 147:1

यहवे दाङ्‌बे़ल्‍ले़ कुनारा फोसे़म्‍मे़ॽओ! आनिॽ निङ्‌वाॽफुमाङ्‌ङिल्‍ले़ कुनारा फोमार साम्‍लोमा साॽरिक् नुबा पाःन्‍लो, खुने़ॽ कुनारा फोमाग चाॽरिक् खे़म्‍दुलाॽरुरो हे़क्‍क्‍याङ् निङ्‌वाॽ के़दाबा चोक्‍लो॥

निङ्‌वाॽफु साम्‍लोसुम् 107:1

यहवे दाङ्‌बान् नुगे़न् पिरे़म्‍मे़ॽओ थेआङ्‌भे़ल्‍ले़ खुने़ॽ के़नुॽबा चोक्‍लो, हे़क्‍क्‍याङ् चक्‍मे़ल्‍लॽए मनाहाॽ लुङ्‌माॽ तुक्‍तुसिरो॥

एफिसि 5:19

खिनिॽ लुम्‍मो निङ्‌वाॽफु साम्‍लोहाॽ, सेवासाम्‍लोहाॽ हे़क्‍क्‍याङ् याम्‍साम्‍गे़न् साम्‍लोहाॽओ पारे़म्‍मे़ॽआङ् सिक्‍लुङ्‌मोलाम्‍बा कुसागे़नुॽबा इक्‍लाःल्‍ले़ दाङ्‌बान् साम्‍मे़त्ते़म्‍मे़ॽओ॥

निङ्‌वाॽफु साम्‍लोसुम् 135:3

यहवे दाङ्‌बे़ल्‍ले़ कुनारा फोसे़म्‍मे़ॽओ, थेआङ्‌भे़ल्‍ले़ खुने़ॽ के़नुॽबा चोक्‍लो, खुने़ॽ कुमिङ्‌ङो साम्‍लोरे़म्‍मे़ॽओ, थेआङ्‌भे़ल्‍ले़ खुने़ॽ लुङ्‌माॽ आदुक्‍तुक्‍पा चोक्‍लो॥

निङ्‌वाॽफु साम्‍लोसुम् 33:1

साम्‌योबासे, यहवे दाङ्‌बे़ल्‍ले़ कुलागि खिनिॽ सिक्‍सम्‍ल साम्‍लोरे़म्‍मे़ॽओ॥ कुदोःप्‍मा निङ्‌वाॽ के़गप्‍पाहाॽरे़ खुने़ॽ कुनारा फोमा लाॽरुरो॥

निङ्‌वाॽफु साम्‍लोसुम् 73:28

कर आलागिग निङ्‌वाॽफुमाङ्‌ङिल्‍ले़ कुबेसाङ् वाॽमा नुबा पोङ्‌लो॥ यहवे दाङ्‌बा निङ्‌वाॽफुमाङ्‌ङिन् आङ्‌गाॽ आइःम्‍सिङ्‌मादे़न् चोगुङ्‌ङाङ् वाॽरो हे़क्‍क्‍याङ् खुने़ॽ चोगुबा याःम्‍बक्‍हाॽ इङ्‌भोसुङ्‌लो॥

निङ्‌वाॽफु साम्‍लोसुम् 107:8

यहवे दाङ्‌बे़ल्‍ले़ खे़ङ्‌हाॽ चक्‍मे़ल्‍लॽए लुङ्‌माॽ तुक्‍तुसिबाल्‍ले़ लागि खुने़ॽ नुगे़न् मे़बिरुर पोङ्‌लो, हे़क्‍क्‍याङ् खुने़ॽ चोगु पिरुसिबा निङ्‌वाॽ के़माबा याःम्‍बक्‍ले़ लागि नुगे़न् मे़दोन्‍दुर पोङ्‌लो॥

निङ्‌वाॽफु साम्‍लोसुम् 52:9

खे़ने़ॽ के़जोगुबा पाःन्‍हाॽरे़ लागि सदादिङ् खे़ने़ॽ के़नारा फोसुङ्‌लो॥ आङ्‌गाॽ के़मिङ्‌ङो ताःक्‍पो चोगुङ्‌लो थेआङ्‌भे़ल्‍ले़ के़मिङ्‌ङिन् नुबा चोक्‍लो, नसाःन्‍साबा के़मनाहाॽरे़ खुनिॽ तगि के़नारा फोसुङ्‌लो॥

दानिए़ल 5:18

“पयम् हाङ्‌ङे, के़रे़क्‍नुःल्‍ले़ यम्‍बा निङ्‌वाॽफुमाङ्‌ङिल्‍ले़ आदाङ्‌बारे़ के़म्‍बा नबुकदनेसरे़न् लत्‍छा हाङ्‌जुम्‍हाॽओ युक् नु पयम् यम्‍बा हे़क्‍क्‍याङ् मिमिदिङ् नु हाङ्‌वा माङ्‌वा पिरु॥

यसैया 57:15

आङ्‌गाॽ के़रे़क्‍नुःल्‍ले़ थाःङ् के़युङ्‌बा, सेसे नु सदादिङ् के़वाॽबा निङ्‌वाॽफुमाङ्‌आरो॥ आङ्‌गाॽ के़रे़क्‍नुःल्‍ले़ केःम्‍बा नु सेसेबादे़न्‍नो युङ्‌ङारो कर याम्‍साम्‍मो नःम्‍नःम्‍बा नु लायोलाम् के़हिःन्‍छिङ्‌बाहाॽ आःन्‍छिङ्‌मा पिसे़आङ् खे़ङ्‌हाॽनु वाॽआरो॥

निङ्‌वाॽफु साम्‍लोसुम् 107:15

यहवे दाङ्‌बे़ल्‍ले़ खे़ङ्‌हाॽ चक्‍मे़ल्‍लॽए लुङ्‌माॽ तुक्‍तुसिबाल्‍ले़ लागि खुने़ॽ नुगे़न् मे़बिरुर पोङ्‌लो, हे़क्‍क्‍याङ् खुने़ॽ चोगु पिरुसिबा निङ्‌वाॽ के़माबा याःम्‍बक्‍ले़ लागि नुगे़न् मे़दोन्‍दुर पोङ्‌लो॥

निङ्‌वाॽफु साम्‍लोसुम् 54:6

सःत्तार आसिराॽ थाङ्‌धाङ् सिदुङ्‌जभा तोःन्‍दुङ्‌लो, यहवे दाङ्‌बाए, खे़ने़ॽ मिङ्‌सो इङ्‌धाङ् पिने़रो, थेआङ्‌भे़ल्‍ले़ खे़ने़ॽ के़नुॽबा के़जोःक्‍लो॥

निङ्‌वाॽफु साम्‍लोसुम् 92:8

कर यहवे दाङ्‌बाए, खे़ने़ॽग सदादिङ् आभे़ल्‍ले़साङ् थाःङ् के़युङ्‌लो,

निङ्‌वाॽफु साम्‍लोसुम् 50:23

नुगे़न् सिदुङ्‌जभा के़दोःम्‍बाहाॽरे़ए आङ्‌गाॽ आमिङ्‌सो इङ्‌धाङ् मे़जोगुरो, हे़क्‍क्‍याङ् आङ्‌गाॽ आइङ्‌जाङ्‌हाॽ इःप्‍मा नाःप्‍मा के़दे़म्‍बाहाॽ से़ःप्‍मासिरे़ लागि आमुक्‍साम्‍मिन् ओसेःन्‍धाक्‍तुङ्‌सिङ्‌लो॥”

निङ्‌वाॽफु साम्‍लोसुम् 82:6

आङ्‌गाॽ पाःत्तुङ्‌लो, ‘खिनिॽग माङ्‌निङ्‌लो हे़क्‍क्‍याङ् खिनिॽ के़रे़क् के़रे़क्‍नुःल्‍ले़ पयम् यम्‍बा निङ्‌वाॽफुमाङ्‌ङिल्‍ले़ कुस्‍सानिङ्‌लो॥’

हिब्रु 13:15

आल्‍ल ये़सुरे़ कुभाॽलाम्‍बा आनिॽ सिदुङ्‌जभा चोःक्‍मनाबा कुइसिक् निङ्‌वाॽफुमाङ्‌ङिन् चक्‍मे़ल्‍लॽए कुनारा फोसुम्‍लो॥ खे़ङ्‌ग खुने़ॽ दाङ्‌बा लॽरिक् ते़न्‍दिङ् चोःक्‍मनाबा मुराओलाम् के़लःम्‍बा चोभाॽरो॥

हिब्रु 4:9

कर निङ्‌वाॽफुमाङ्‌ङिल्‍ले़ कुयाप्‍मिहाॽरे़ खुनिॽ नाःम्‍सिङ् ये़न्‍निन् तामा के़बोङ्‌बा वाॽरो॥