निङ्‌वाॽफु साम्‍लोसुम् 86:1 - लिम्‍बु

¹ यहवे दाङ्‌बाए, चोगुङ्‌बा पेलिगे़न् तुवान् खे़प्‍से़ॽओ हे़क्‍क्‍याङ् आङ्‌गाॽ नुगप् पिराङ्‌ङे़ॽओ, थेआङ्‌भे़ल्‍ले़ के़साक्‍पो थ्‍याङ्‌ङाङ् याक्‍कारो हे़क्‍क्‍याङ् आङ्‌गाॽ थेआङ् मे़गत्ताल्‍लो॥

निङ्‌वाॽफु साम्‍लोसुम् 86:1 Referans Kwoze

निङ्‌वाॽफु साम्‍लोसुम् 31:2

आङ्‌गाॽ पेलि फाक्‍ने़बान् खे़प्‍से़ॽओ, हे़क्‍क्‍याङ् खिमो से़ःप्‍ताङ्‌ङे़ॽओ॥ खे़ने़ॽ कम्‍ब्राङ् के़मे़प्‍पा नु याप्‍मि आधेःक्‍थेःक्‍पा यक् पोःक्‍खे़ॽओ॥ खे़ने़ॽए याक्‍पेॽ कुइसिक् आङ्‌गाॽ से़ःप्‍ताङ्‌ङे़ॽ थेःक्‍ताङ्‌ङे़ॽओ॥

निङ्‌वाॽफु साम्‍लोसुम् 40:17

कर आङ्‌गाॽग तुक्‍खे के़जाबा नु आङ्‌गाॽ याङ्‌गे़साॽबा चोःक्‍कारो, यहवे दाङ्‌बे, निङ्‌वाॽ मे़भेःत्‍छाङ्‌ङिन्‍ने़ॽओ॥ आङ्‌गाॽ आनिङ्‌वाॽफुमाङ्‌ङे, खे़ने़ॽग आङ्‌गाॽ के़भाॽबा नु से़न्‍लप् के़बिबाने़रो, खे़ने़ॽ आङ्‌गाॽ हारा फाॽराङ्‌ङे़ॽओ॥

दानिए़ल 9:18

“निङ्‌वाॽफुमाङ्‌ङे, खे़प्‍से़ॽओ हे़क्‍क्‍याङ् ओमये़ॽओ खे़म्‍ब्‍याङ् के़मिङ् के़दिःप्‍पा मुरे़क् खारे़क् के़बोङ्‌बा ये़क्‌यक्‍किन् ओमे़त्ते़ॽओ॥ आनिगे साम्‌योबा चोगिगे़ फाॽआङ् कन् पेलि फाक्‍कासिगे़बा मेःन्, कर खे़ने़ॽ साॽरिक् के़नुॽबा के़जोःक्‍पाल्‍ले़ चोगुल्‍ले़ पेलि फाक्‍कासिगे़बारो॥

मत्ति 5:3

“के़रे़क् पाःन्‍नो निङ्‌वाॽफुमाङ्‌ङिन् चाहाबा के़जोःक्‍पाहाॽ मुॽइसाबासिरो, थेआङ्‌भे़ल्‍ले़ साङ्‌ग्राम्‍पेदाङ्‌बा हाङ्‌जुम्‍मिन् खे़ङ्‌हाॽरे़न्‍नेरो॥

निङ्‌वाॽफु साम्‍लोसुम् 34:6

चुङ्‌जिगे़न् ये़त्‍छा साहाॽरे़ यहवे दाङ्‌बान् पेलि मे़भाक्‍तुबे़न् खे़प्‍सुरो, हे़क्‍क्‍याङ् खे़ङ्‌हाॽरे़ के़रे़क् खुनिॽ तुक्‍खे लाक्‍खेहाॽ खे़त्तुदेसु पिरुसिआङ् से़ःप्‍तुसिरो॥

याकुब 2:5

आमिःम् फुॽनुसाॽ नु ने़ॽनुसाॽसे, खे़प्‍से़म्‍मे़ॽओ! निङ्‌वाॽफुमाङ्‌ङिल्‍ले़ इक्‍सादिङ् खाम्‍बेःक्‍मोबा याङ्‌गे़साॽबाहाॽ नसाःन्‍नो याङ्‌साकुन्‍धेसाबा चोःक्‍से़ नु कुहाङ्‌जुम् लक् खोसे़ सेगुसिआङ् वाॽ॥ खे़न् हाङ्‌जुम्‍मिङ्‌ग खुने़ॽ काक् मिःम्‍जि के़मे़प्‍पाहाॽ पिमासि माङ्‌हे़क् चोगुआङ् वाॽरो॥

लुका 4:18

“दाङ्‌बाल्‍ले़ कुसेसे याम्‍साम्‍मिन् इङ्‌गाॽ आसम्‍दाङ् वाॽ, थेआङ्‌भे़ल्‍ले़ याङ्‌गे़साॽबाहाॽ सुनाइङ् इङ्‌भन्‌ चोःक्‍से़ माङ्‌धोःक्‍ना पिराङ्‌ङाङ् वाॽआरो॥ खुने़ॽ साक्‍पा के़धाबाहाॽ चोःक्‌युम्‍भोरे़न् इङ्‌भन्‌ चोःक्‍से़, मिक्‍फःम्‍बाहाॽरे़ खुनिॽ मिक्‍सान् वेःम्‍मा इङ्‌भन्‌ चोःक्‍से़, हे़क्‍क्‍याङ् एप्‍ले़क्‍खे़ओ के़वाॽबाहाॽ चोःक्‌युम्‍भो पिसे़ नु दाङ्‌बाल्‍ले़ कुलुङ्‌गुम्‍मिल्‍ले़ तङ्‌बेल्‍ले़न् इङ्‌भन्‌ चोःक्‍से़ इङ्‌गाॽ पाङ्‌घाङ्‌ङाङ् वाॽआरो॥”

यसैया 66:2

थे कन्‍हाॽ के़रे़क् आङ्‌गाॽए आहुक्‍किल्‍ले़ चोगुङ्‌बा हे़क्‍क्‍याङ् कन्‍हाॽ कम्‍भलॽरिक् पोःक्‍खे़बा मेःम्‍बि?” यहवे दाङ्‌बे़ल्‍ले़ पाःत्तुरो॥ “हात् कुनिङ्‌वाॽओ नःम्‍नःम्‍बा नु चुङ्‌जिगे़न् चोक्, हे़क्‍क्‍याङ् आङ्‌गाॽ आबाःन्‍जाःक्‍किन् इःत्तु नाःत्तुॽ, आङ्‌गाॽ खे़न् इङ्‌धाङ् पिरुङ्‌लो॥

यसैया 37:17

यहवे दाङ्‌बाए नुरिक् निङ्‌वाॽ पिरे़ॽआङ् खे़प्‍से़ॽओ॥ यहवे दाङ्‌बाए, के़मिक्‍किन् चाङ्‌जाङ् मे़त्ते़ॽआङ् ओमये़ॽओ॥ कुहिङ्‌वे़त् निङ्‌वाॽफुमाङ्‌ङिन् माङ्‌चे़ॽया मे़प्‍मारे़ लागि सनहेरिबे़ल्‍ले़ पाःत्तु फे़न्‍छुबा पाःन्‍हाॽ खे़प्‍से़ॽओ॥

निङ्‌वाॽफु साम्‍लोसुम् 142:1

यम्‍बा इक्‍लाओ आङ्‌गाॽ यहवे दाङ्‌बान् उःत्तुङ्‌लो, आङ्‌गाॽ लुङ्‌माॽ तुक्‍ताङ्‌ङे़ॽ फाॽआङ् यहवे दाङ्‌बान् पेलि फाक्‍तुङ्‌लो॥

निङ्‌वाॽफु साम्‍लोसुम् 140:12

यहवे दाङ्‌बे़ल्‍ले़ याङ्‌गे़साॽबाहाॽ कुदोःप्‍मा खासे़न् लोःन्‍दु पिरुसि के़लॽबान् आङ्‌गाॽ निसुङ्‌लो, हे़क्‍क्‍याङ् थेआङ् मे़ङ्‌गप्‍मनाबाहाॽ कम्‍ब्राङ् मे़त्तुसिरो॥

निङ्‌वाॽफु साम्‍लोसुम् 119:22

आनाधामा नु आनामे़न्‍छाॽ मे़प्‍मा खे़ङ्‌हाॽ मे़भाःक्‍ते़से़न्‍ने़ॽओ, थेआङ्‌भे़ल्‍ले़ के़साम्‌योथिम् इङ्‌जाङ्‌हाॽ आङ्‌गाॽ इःत्तुङ् नाःत्तुङ्‌ङाङ् वाॽआरो॥

निङ्‌वाॽफु साम्‍लोसुम् 102:17

खुने़ॽ याङ्‌गे़साॽहाॽरे़ पेलि मे़भाक्‍तुबान् खे़प्‍सुरो, हे़क्‍क्‍याङ् खे़ङ्‌हाॽरे़ मे़जोगुबा तुवाओ निङ्‌वाॽ पिरुरो॥

निङ्‌वाॽफु साम्‍लोसुम् 17:6

निङ्‌वाॽफुमाङ्‌ङे, आङ्‌गाॽ खे़ने़ॽ उःत्‍ने़रो, थेआङ्‌भे़ल्‍ले़ खे़ने़ॽ नुगप् के़बिआरो॥ आङ्‌गाॽ ले़प्‍माङ् हिसिङ्‌ङे़ॽआङ् आङ्‌गाॽ आबेलिन् खे़प्‍साङ् पिराङ्‌ङे़ॽओ॥

निङ्‌वाॽफु साम्‍लोसुम् 102:1

यहवे दाङ्‌बाए, पेलि फाक्‍ने़बान् खे़प्‍से़ॽओ, फाॽराङ्‌ङे़ॽ फाॽआङ् मे़त्‍ने़बा पाःन्‍नो निङ्‌वाॽ पिरे़ॽओ॥

निङ्‌वाॽफु साम्‍लोसुम् 10:14

कर निङ्‌वाॽफुमाङ्‌ङे, मे़रिङ् थक्‍मा नु तुक्‍खेन् के़निसुरो, हे़क्‍क्‍याङ् सदादिङ् कुभाॽ पिमा यारिप् के़वाॽरो॥ थेआङ् चोःक्‍मा मे़न्‍छुमनाबा मनान् फाॽराङ्‌ङे़ॽ फाॽआङ् खे़ने़ॽओ तारो॥ ये़त्‍छाबाहाॽरे़ कुभाॽ दाङ्‌बाङ्‌ग हाबा खे़ने़ॽने़रो॥

निङ्‌वाॽफु साम्‍लोसुम् 25:16

यहवे दाङ्‌बाए, आङ्‌गाॽ ले़प्‍माङ् हिसिङ्‌ङे़ॽआङ् लुङ्‌माॽ तुक्‍ताङे़ॽओ, थेआङ्‌भे़ल्‍ले़ आङ्‌गाॽ के़भाॽबा तेःङ्‌जुम् मेःन्‍ने एःक् तुक्‍खे तुमाङ्‌ङाङ् वाॽआरो॥