निङ्‌वाॽफु साम्‍लोसुम् 85:3 - लिम्‍बु

³ खे़ने़ॽ खे़ङ्‌हाॽनु याःक्‍ले़ॽमा के़ले़रुरो, हे़क्‍क्‍याङ् के़सिक् पोःक्‍मा के़नाॽरे़आङ् वाॽरो॥

निङ्‌वाॽफु साम्‍लोसुम् 85:3 Referans Kwoze

निङ्‌वाॽफु साम्‍लोसुम् 106:23

हे़क्‍केःल्‍ले़ निङ्‌वाॽफुमाङ्‌ङिल्‍ले़ आमनाहाॽ मे़क्‍खुङ्‌सिङ् पाःत्तुरो, कर खुने़ॽ सेगुबा कुसे़वारोबा मोसान् ये़म्‍सिङ्‌ङाङ् के़सिक् मे़भोःक्‍खे़न्‍ने़ॽ कन्‍हाॽ मे़मे़क्‍खे़से़न्‍ने़ॽ फाॽआङ् पेलि फाक्‍तुरो॥

साम्‌योथिम् इङ् 13:17

खाप्‍पुथ्‍यःङ् चोःक्‍मारे़ लागि से़म्‍मनाबा थे़मा पाःन्‍हाॽआङ् खिनिॽ मे़देॽरे़म्‍मिन्‍ने़ॽ, हे़क्‍क्‍याङ् यहवे दाङ्‌बे़ल्‍ले़ साॽरिक् किप्‍मा के़घुबा कुस्‍साक्‍के़न्‍निन् चिप्‍तुॽ॥ खुने़ॽ खिनिॽ लुङ्‌गुम् ओःन्‍गे़धाक्‍तिॽ हे़क्‍क्‍याङ् लुङ्‌माॽ के़दुक्‍तिआङ् खिनिॽ पाधे़बाहाॽनु चोगुबा कुमाङ्‌हुप् इसिःक् खुने़ॽ खिनिॽ यरिक् के़भोसिॽ,

योना 3:9

हे़क्‍केःल्‍ले़ निङ्‌वाॽफुमाङ्‌ङिल्‍ले़ कुनिङ्‌वान् नुःक्‍तुॽ हे़क्‍क्‍याङ् आनिॽ ले़प्‍माङ्‌बा कुसाक्‍के़न्‍निन् चक् थासुबिला खे़ब्‍याङ् आनिॽ आम्‍मे़क्‍ने़न्॥”

यसैया 12:1

खे़न् ये़न्‍नो खे़निॽ अक्‍खे के़बाःत्तुम्‍लो, “यहवे दाङ्‌बाए, खे़ने़ॽ नुगे़न् पिने़रो! खे़ने़ॽ आङ्‌गाॽनु के़याःक्‍ले़ॽरे़आङ् वये़रो, करसाङ् आल्‍लोग खे़ने़ॽ के़सिक्‍के़न् चिःक्‍तुरो, हे़क्‍क्‍याङ् आल्‍लो आङ्‌गाॽ हाङ्‌हाङ् के़मे़त्ताङ्‌ङाङ् वाॽरो॥

यसैया 6:7

खे़ल्‍ले़ खे़न् मिघाङ्‌ग्रोःक्‍के़ल्‍ले़ आम्‍ब्रान् चित्‍छु सुसुआङ् मे़त्ताङ्, “ओमे़त्ते़ॽ, कल्‍ले़ के़म्‍ब्राःन् सुसुआङ् वाॽ॥ आल्‍ल के़भे़न् याःम्‍बक्‍के़न् यहवे दाङ्‌बे़ल्‍ले़ लाःत्‍लाःत् खे़त्तुदेसु के़बिरे़ हे़क्‍क्‍याङ् के़लायोहाॽ मये़आङ् ले़प्‍मि पोःक्‍खे़॥”

निङ्‌वाॽफु साम्‍लोसुम् 78:38

हे़क्‍केसाङ् निङ्‌वाॽफुमाङ्‌ङिल्‍ले़ आबाङे कुमनाहाॽ लुङ्‌माॽ तुक्‍तुसिरो, खे़ङ्‌हाॽरे़ खुनिॽ लायोहाॽ लाःत्‍लाःत् खे़त्तुदेसुआङ् मे़मे़क्‍खुसिल्‍लो॥ यरिक्‍ले़ङ् खुने़ॽ कुसाक्‍के़न्‍निन् थरुआङ् कुयाःक् मे़ले़ॽरे़ल्‍लो॥

युहुन्‍ना 1:29

कुदाःन्‍दिक्‍मा युहुन्‍नाःल्‍ले़ ये़सुन् खुने़ॽ ले़प्‍माङ् फे़रे़र पत्‍छे़बा निसुआङ् अक्‍खे पाःत्तु, “ओमे़त्ते़म्‍मे़ॽ, इक्‍सादिङ् खाम्‍बेःक्‍मोबा लायो लासोःत्‍हाॽ के़गुबाआङ् के़देॽबा निङ्‌वाॽफुमाङ्‌ङिल्‍ले़ कुमे़ल्‍लुक्‍सान् खा फे़न्‍ल पत्‍लो!

लाम्‍दिक् 32:22

हारुने़ल्‍ले़ मे़त्तु, “आङ्‌गाॽनु आदाङ्‌बारे़ के़याःक् मे़ले़ॽरे़न्‍ने़ॽ॥ आदाङ्‌बारे़ग कन् मनाहाॽ कुसिङ् के़निःत्तुसिआङ्‌ङे के़वाॽ॥ कन्‍हाॽ साॽरिक् ताप्‍फे़ःम्‍बा पान् ले़प्‍माङ् मे़लासे़आङ् मे़वाॽ॥

साम्‌योथिम् इङ् 32:43

मे़न्‍छाम् सुवाङ्‌से, खुने़ॽ कुमनाहाॽनु सःत्ते़म्‍मे़ॽओ! थेआङ्‌भे़ल्‍ले़ खुने़ॽ कुसे़वारोबाहाॽरे़ खुन्‍छिॽ माक्‍खिल्‍ले़ कुले़क्‌वा हुङुरो॥ खुने़ॽ कुनिङ्‌मिहाॽओ कुले़क्‌वा नुःक्‍तुरो, हे़क्‍क्‍याङ् खुने़ॽ कुलाजेॽ नु कुमनाहाॽरे़ लागि आप्‍तिक्‍लाम्‌ ले़प्‍मि नाःक्‍तु पिरुसिरो॥

२ साप्‍मुःन्‍धुम् 6:39

के़युक्‍नादे़न् साङ्‌ग्राम्‍पेदाङ्‌लाम् खे़ङ्‌हाॽरे़ खुन्‍छिॽ तुवान् नु पेलिन् खे़प्‍से़ॽआङ् खे़ङ्‌हाॽ कुदोःप्‍मा खासे़न् लोःन्‍दे़ पिरे़से़ॽओ॥ हे़क्‍क्‍याङ् आदाङ्‌बारे़ के़दक्‍ले़ङ्‌वाओ लायो के़जोःक्‍पा आदाङ्‌बारे़ के़मनाहाॽ ले़प्‍मि पिरे़से़ॽओ॥

यसैया 40:1

खिनिॽ निङ्‌वाॽफुमाङ्‌ङिल्‍ले़ पाःत्तुरो, “आङ्‌गाॽ आमनाहाॽ हाङ्‌हाङ् मे़त्ताम्‍सिम्‍मे़ॽओ! खे़ङ्‌हाॽ हाङ्‌हाङ् मे़त्ताम्‍सिम्‍मे़ॽओ!

यसैया 40:2

नःम्‍नःम्‍माङ् यरुसले़म ये़क्‌यक्‍को के़युङ्‌बा मनाहाॽ मे़त्ते़से़ॽओ, खे़ॽयोबा मनाहाॽरे़ खुन्‍छिॽ तुक्‍खेन् पेआङ् वाॽरो॥ हे़क्‍क्‍याङ् खे़ङ्‌हाॽरे़ खुन्‍छिॽ लायोहाॽ ले़प्‍मि पोःक्‍खे़आङ् वाॽरो, खे़ङ्‌हाॽरे़ खुन्‍छिॽ लायोहाॽरे़ लागि निले़ङ्‌बा खुम्‍दिङ् मे़घोसुआङ् वाॽरो॥

यर्मिया 50:20

यहवे दाङ्‌बे़ल्‍ले़ अक्‍खे पाःत्तुरो, “खे़न् ये़न्‍हाॽओ इस्राइलओ इग्र यहुदाओ लायो लासोत् थे़माआङ् खोमे़दे़त्‍ने़न्‍लो, थेआङ्‌भे़ल्‍ले़ ताङ्‌घुङ्‌सिङ्‌बा के़दाङ्‌बा के़याःक्‍पाहाॽ आङ्‌गाॽ ले़प्‍मि पिरुङ्‌सिङ्‌लो॥”

इजकिएल 16:63

खे़ने़ॽ के़जोगुआङ् वाॽबा के़रे़क् पाःन्‍हाॽओ आङ्‌गाॽ खे़ने़ॽ ले़प्‍मि पिने़ल्‍ले़ खे़ने़ॽ के़लायोहाॽ निङ्‌वाॽ के़इःत्तुआङ् के़नुःन्‍नाङ् के़नाःन् के़दे़प्‍तुॽ॥ आङ्‌गाॽ मुक्‍साम्‍दाङ्‌बा यहवे दाङ्‌बान् पाराङ्‌ङाङ् वाॽरो!”

मिका 7:19

खे़ने़ॽ याम्‍मो आनिगे याप्‍मि लुङ्‌माॽ के़दुक्‍लो, खे़ने़ॽ आनिगे लायोहाॽ के़लाङ्‌ङिल्‍ले़ के़दोॽरुरो हे़क्‍क्‍याङ् आनिगे के़रे़क् फे़न्‌याःम्‍बक्‍हाॽ कुदिम्‍बे केःम्‍बा वरःङ्‌ङो लाप्‍के़भुसु के़गेःत्तुरो॥