निङ्‌वाॽफु साम्‍लोसुम् 8:1 - लिम्‍बु

¹ यहवे दाङ्‌बा, आनिगे दाङ्‌बाए, काक् इक्‍सादिङ् खाम्‍बेःक्‍मो खे़ने़ॽ के़मिङ्‌ङिन् मिङ्‌सो इङ्‌धाङ् पिमा के़लाॽबा चोक्‍लो! मनाहाॽरे़ के़नारा मे़भोसुबान् थाःङ् साङ्‌ग्राम्‍पेदाङ्‌ङो थारिक् के़रे़आङ् वाॽरो!

निङ्‌वाॽफु साम्‍लोसुम् 8:1 Referans Kwoze

निङ्‌वाॽफु साम्‍लोसुम् 8:9

यहवे दाङ्‌बा, आनिगे दाङ्‌बाए, काक् इक्‍सादिङ् खाम्‍बेःक्‍मो के़मिङ्‌ङिन् मिङ्‌सो इङ्‌धाङ् पिमा के़लाॽबा चोक्‍लो॥

निङ्‌वाॽफु साम्‍लोसुम् 148:13

खे़ङ्‌हाॽ के़रे़क्‍ले़ यहवे दाङ्‌बे़ल्‍ले़ कुनारा मे़भोसुररो, थेआङ्‌भे़ल्‍ले़ खुने़ॽ कुमिङ्‌ङिन् वेॽ के़रे़क् मिङ्‌हाॽनुःल्‍ले़ यम्‍बा चोक्‍लो, खुने़ॽ कुमिमिदिङ्‌ङिन् इक्‍सा खाम्‍बेक् हे़क्‍क्‍याङ् ताङ्‌साक्‍पान्‍नुःल्‍ले़आङ् कुधुङ्‌धोबा चोक्‍लो॥

निङ्‌वाॽफु साम्‍लोसुम् 57:5

निङ्‌वाॽफुमाङ्‌ङे, खे़ने़ॽग साङ्‌ग्राम्‍पेदाङ्‌नुःल्‍ले़आङ् थोधोक् के़युङ्‌बा के़जोःक्‍लो, हे़क्‍क्‍याङ् के़मिमिदिङ्‌ङिल्‍ले़ काक् इक्‍सादिङ् खाम्‍बेःक्‍मान् ते़प्‍तुआङ् वाॽरो॥

लाम्‍दिक् 15:11

यहवे दाङ्‌बाए, माङ्‌हाॽओ खे़ने़ॽ हे़क्‍तङ्‌बा हात् वाॽबे? सेसे साङ्‌साङ्‌ङो खे़ने़ॽ हे़क्‍तङ्‌बा निङ्‌वाॽ के़माबा हात् वाॽबे? हाःत्‍ले़ खे़ने़ॽ हे़क्‍के निङ्‌वाॽरे़ मे़न्‍धाप्‍मनाबा नु मुक्‍साम्‍साबा याःम्‍बक् चोःक्‍मा सुक्‍तुबे?

हबकुक 3:3

निङ्‌वाॽफुमाङ्‌ङिन् ते़मानलाम्‍बा फे़रे़रो, सेसे निङ्‌वाॽफुमाङ्‌ङिन् पारानबा कोःक्‍माहाॽलाम् फे़रे़रो॥ खुने़ॽ कुमिमिदिङ्‌ङिल्‍ले़ साङ्‌ग्राम्‍पेदाङ्‌ङिन् ते़प्‍तुरो, इक्‍सादिङ् खाम्‍बेःक्‍मान् कुनारा फोमा पाःन्‍निल्‍ले़ तिम्‍लो॥ सेला

निङ्‌वाॽफु साम्‍लोसुम् 145:1

निङ्‌वाॽफुमाङ् आहाङ्‌ङे, पयम् यम्‍बा के़जोक् फाॽआङ् के़मिङ्‌सो के़धाःङ्‌सो चोगुङ्‌लो, आङ्‌गाॽ सदादिङ् खे़ने़ॽ के़नारा फोसुङ्‌लो॥

हिब्रु 7:26

खुने़ॽग आनिॽ चाहाबा के़जोःक्‍पा मानिङ्‌वाॽफुसाम्‍बारो, थेआङ्‌भे़ल्‍ले़ खुने़ॽग सेसे नु फोत्‍या मेःन्‍ने, लायोल्‍ले़ मे़दे़त्तुम्‍बा चोक्‍लो॥ खुने़ॽग लायोबाहाॽलाम् से़न्‍दे़आङ् वाॽ हे़क्‍क्‍याङ् साङ्‌ग्राम्‍पेदाङ्‌ङो काक्‍नुःल्‍ले़ यम्‍बा मिङ्‌सो इङ्‌धाङ्‌ले़ युक्‍नान् खोसुआङ् वाॽरो॥

यसैया 26:13

यहवे दाङ्‌बाए, आनिगे निङ्‌वाॽफुमाङ्‌ङे, खे़ने़ॽनुःल्‍ले़ वेॽ याप्‍मि दाङ्‌बाहाॽरे़ आनिगे युक् मे़जोगिगे़रो, कर आनिगे़ग खे़ने़ॽ के़मिङ्‌ङे़न्‍लक् मिङ्‌सो इङ्‌धाङ् पिरुम्‍बे़रो॥

सुफो 19:6

हे़क्‍क्‍याङ् इङ्‌गाॽ यरिक् मनाहाॽरे़ खुनिॽ इक्‍ला हे़क्‍तङ्‌बा इक्‍लान् खे़प्‍सुङ्॥ खे़ङ्‌ग पयम् यम्‍बा च्‍वाःत् सःक्‍ते़बा कुइसिक् नु खे़रे़ङ्‌घुरुङ् लॽरे़र लोःक्‍खुआङ् अक्‍खेलॽरिक् अःक्‍ते़, “हाल्‍ले़लुया! थेआङ्‌भे़ल्‍ले़ मुक्‍साम्‍दाङ्‌बा आनिगे निङ्‌वाॽफुमाङ्‌ङिल्‍ले़ हाङ् चोगुॽरो॥

निङ्‌वाॽफु साम्‍लोसुम् 81:1

निङ्‌वाॽफुमाङ्‌ङो सःत्ते़म्‍मेॽर साम्‍लोरे़म्‍मे़ॽओ, खुने़ॽग आनिॽ मुक्‍साम्‍लो, हे़क्‍क्‍याङ् खे़म्‍गे़दे़प्‍पा इक्‍लाओ याकुबरे़ कुनिङ्‌वाॽफुमाङ्‌ङिल्‍ले़ कुनारा फोसे़म्‍मे़ॽओ॥

निङ्‌वाॽफु साम्‍लोसुम् 36:5

यहवे दाङ्‌बाए, चक्‍मे़ल्‍लॽए मनाहाॽ लुङ्‌माॽ के़दुक्‍तुसिबा पाःन्‍निन् साङ्‌ग्राम्‍पेदाङ् थारिक् के़रे़आङ् वाॽरो॥ हे़क्‍क्‍याङ् नसाःन्‍साबा के़जोःक्‍पा पाःन्‍निन् ताङ्‌साक्‍पो थारिक् से़रे़आङ् वाॽरो॥

साम्‌योथिम् इङ् 28:58

यहवे दाङ्‌बा खिनिॽ निङ्‌वाॽफुमाङ्‌ङिल्‍ले़ मिमिदिङ्‌गे़न् किप्‍मागे़घुबा कुमिङ्‌ङो के़ङ्‌गिसिन् हे़क्‍क्‍याङ् खिनिॽ कन् साप्‍पन्‍नो साप्‍ते़बा साम्‌योथिम् इङ्‌जाङ्‌ङोबा के़रे़क् कुबाःन्‍जाक्‍हाॽ सिङ्‌सिङ् ये़क्‌ये़क्‍काङ् के़न्‍इःत्तुम्‍मिन् के़न्‍नाःत्तुम्‍मिन्‍ने़भग्र,

फिलिप्‍पि 3:8

खे़न्‍लक् मेःन्, कर आदाङ्‌बा ख्रिस्‍त ये़सुन् कुसिङ् निःप्‍मा खोमाङ्‌ग काक्‍नुःल्‍ले़ नुबा पान् पोःक्‍खे़बाल्‍ले़ काक् पाःन्‍हाॽग हने़बाए इःत्तुङ्‌ङाङ् खुने़ॽ कुलागि लाङ् हाक्‍तुङ्‌देसुङ्‌लो॥ ख्रिस्‍ते़न् खोमा फाॽआङ् इङ्‌गाॽ खे़ङ्‌हाॽ ताम्‍जिरक् इःत्तुङ्‌लो॥

निङ्‌वाॽफु साम्‍लोसुम् 84:1

मुक्‍साम्‍दाङ्‌बा यहवे दाङ्‌बाए, के़युङ्‌मा ते़न्‍निङ्‌ग आक्‍खे़न् साॽरिक् नुबाबे!

निङ्‌वाॽफु साम्‍लोसुम् 68:4

निङ्‌वाॽफुमाङ्‌ङिल्‍ले़ कुलागि माङ्‌से़वा साम्‍लोन् साम्‍मे़त्ते़म्‍मे़ॽओ, कुमिङ्‌ङो कुनारा फोमा साम्‍लोन् साम्‍मे़त्ते़म्‍मे़ॽओ॥ खाॽमिःप्‍पो के़युबे़ल्‍ले़ कुलागि माङ्‌से़वा साम्‍लोन् साम्‍मे़त्ते़म्‍मे़ॽओ, खुने़ॽ कुमिङ्‌ङिङ्‌ग यहवे दाङ्‌बारो, खुने़ॽ कुदगि सःत्ते़म्‍मे़ॽओ॥

निङ्‌वाॽफु साम्‍लोसुम् 63:1

निङ्‌वाॽफुमाङ्‌ङे, खे़ने़ॽग आनिङ्‌वाॽफुमाङ्‌ने़रो, आङ्‌गाॽग खे़ने़ॽ साॽरिक् कोःत्‍ने़रो॥ च्‍वाःत् के़होप्‍पा नु के़हेबादे़न्‍नो आनिङ्‌वाॽसाम्‍मो साॽरिक् के़मिःप्‍मा तारो, नासिङ्‌गे़न् आधक्‍किल्‍ले़आङ् तुम्‍मा निङ्‌वाॽ के़जोःक्‍लो॥

१ हाङ् 8:27

“कर थे निङ्‌वाॽफुमाङ्‌ङिन् से़क्‍खाए इक्‍सादिङ् खाम्‍बेःक्‍मो याङ्‌धोःक्‍पि? साङ्‌ग्राम्‍पेदाङ्‌हाॽ, साम्‍ग्राम्‍पेदाङ्‌नुःल्‍ले़ थाःङ्‌धाक्‍पा साङ्‌ग्राम्‍पेदाङ्‌ङो खे़ने़ॽ के़न्‍हत्‍ने़न्‍ने़ल्‍ले़, आङ्‌गाॽ चोगुङ्‌बा कन् माङ्‌हिम्‍मोग आक्‍खेलॽरिक् के़हत्ताङ्‌बे!

एफिसि 4:10

थोलाम्‍नु के़धाःबान्‍ने के़रे़क् खाम्‍बेःक्‍माओ नु तरःङ्‌गे़न् ताङ्‌साङ्‌ङो वाॽर फाॽआङ् ताङ्‌साक्‍पे़न्‍नुःल्‍ले़आङ् थो थारिक् पे॥

सोलोमनरे़ कुसाम्‍लो 5:16

खुने़ॽ कुम्‍ब्राओ कुजा के़नुॽबा पान् वाॽरो, काक् कुबाःन्‍हाॽओ, खुने़ॽ इमे़त्‍लुङ्‌बा चोक्‍लो॥ यरुसले़ःम्‍बा मे़न्‍छुमासे, आङ्‌गाॽ लुङ्‌माॽ हिःप्‍तुङ्‌बा, आन्‍जुम्‍मिन् हाबा कन्‍लो॥

युहुन्‍ना 20:28

थोमाःल्‍ले़ मे़त्तु, “खे़ने़ॽग आदाङ्‌बा नु आनिङ्‌वाॽफुमाङ्‌ने़रो॥”

मत्ति 22:45

“दाउद हाङ्‌ङिल्‍ले़ए खुने़ॽ आदाङ्‌बे लॽरिक् मे़त्तुने़ फाॽग्र आक्‍खेलॽरिक् ख्रिस्‍ते़न् दाउदरे़ कुस्‍सा पोङ्‌बाबे?”