निङ्‌वाॽफु साम्‍लोसुम् 47:2 - लिम्‍बु

² के़रे़क्‍नुःल्‍ले़ पयम् यम्‍बा यहवे दाङ्‌बान् मिङ्‌सो इङ्‌धाङ् पिमा पोङ्‌लो॥ खुने़ॽए काक् इक्‍सादिङ् खाम्‍बेःक्‍मोबा पयम् यम्‍बा हाङ्‌लो॥

निङ्‌वाॽफु साम्‍लोसुम् 47:2 Referans Kwoze

मलाकि 1:14

“कर अक्‍खेलॽरिक् इङ्‌ले़क् के़जोक्‍पे़न् साङ्‌ग्रा माङ्‌दे थार, खे़न् मनाःल्‍ले़ आबाङे कुधक्‍सा लुप्‍पोबा ताःक्‍मा सुक्‍के़दे़प्‍पा कुम्‍बाबा थक्‍सान् तोःम्‍मारे़ लागि माङ्‌हुप् चोगुॽ, कर के़गाःम्‍बा थक्‍सान् यहवे दाङ्‌बाओ तोःन्‍दुॽ॥ थेआङ्‌भे़ल्‍ले़ आङ्‌गाॽ पयम् यम्‍बा हाङ्‌आ, हे़क्‍क्‍याङ् के़रे़क् मे़न्‍छाम् सुवाङ्‌हाॽ आङ्‌गाॽनु मे़गिआङ् मिङ्‌सो इङ्‌धाङ् मे़बिआरो,” मुक्‍साम्‍दाङ्‌बा यहवे दाङ्‌बे़ल्‍ले़ पाःत्तुॽ॥

निङ्‌वाॽफु साम्‍लोसुम् 99:3

के़रे़क्‍ले़ पयम् यम्‍बा नु मिङ्‌सो इङ्‌धाङ् पिमा के़लाॽबा कुमिङ्‌ङिन् मिमिदिङ् मे़बिरुरो, थेआङ्‌भे़ल्‍ले़ खुने़ॽ सेसेबा चोक्‍लो॥

निङ्‌वाॽफु साम्‍लोसुम् 95:3

थेआङ्‌भे़ल्‍ले़ यहवे दाङ्‌बान् मुक्‍साम्‍दाङ्‌बा निङ्‌वाॽफुमाङ्‌लो, हे़क्‍क्‍याङ् के़रे़क् माङ्‌साम्‍माङ्‌हाॽरे़ खुनिॽ सम्‍धाङ् हाङ्‌युक् चोगुरो॥

निङ्‌वाॽफु साम्‍लोसुम् 47:7

थेआङ्‌भे़ल्‍ले़ निङ्‌वाॽफुमाङ्‌ङिङ्‌ग काक् इक्‍सादिङ् खाम्‍बेःक्‍मोबा हाङ्‌लो, खुने़ॽ कुलागि कुनारा फोमा साम्‍लोन् साम्‍मे़त्ते़म्‍मे़ॽओ॥

निङ्‌वाॽफु साम्‍लोसुम् 68:35

निङ्‌वाॽफुमाङ्‌ङे, के़सेसेदे़न्‍नो खे़ने़ॽ मिङ्‌सो इङ्‌धाङ्‌साबा के़जोःक्‍लो॥ इस्राइलसमा निङ्‌वाॽफुमाङ्‌ङिल्‍ले़ कुमनाहाॽ मुक्‍साम् पिरुसिआङ् के़धुम्‍बा चोगुसिरो॥ निङ्‌वाॽफुमाङ्‌ङिल्‍ले़ कुनारा पोररो॥

साम्‌योथिम् इङ् 7:21

खे़ङ्‌हाॽनु खिनिॽ मे़गिसे़म्‍मिन्‍ने़ॽ, थेआङ्‌भे़ल्‍ले़ यहवे दाङ्‌बा खिनिॽ निङ्‌वाॽफुमाङ्‌ङिन् खिनिॽनु वाॽ॥ खुने़ॽ पयम् यम्‍बा नु किप्‍मा के़घुबा निङ्‌वाॽफुमाङ् चोक्॥

निङ्‌वाॽफु साम्‍लोसुम् 65:5

आनिगे से़न्‍लप्‍दाङ्‌बा निङ्‌वाॽफुमाङ्‌ङे, साम्‌योबा याःम्‍बक्‍हाॽलाम्‍बा याप्‍मि नुगप् के़बिरो॥ इक्‍सादिङ् खाम्‍बेःक्‍मोबा के़रे़क् मनाहाॽरे़ हे़क्‍क्‍याङ् माःङ्‌घा माःङ्‌घा वालाम्‍दिक् के़जोःक्‍पाहाॽरे़ खे़ने़ॽए निङ्‌साङ् के़म्‍जोःक्‍लो॥

नहेम्‍याह 1:5

“साङ्‌ग्राम्‍पेदाङ्‌बा यहवे दाङ्‌बा निङ्‌वाॽफुमाङ्‌ङे, खे़ने़ॽ पयम् यम्‍बा नु किप्‍मागे़घुबा के़जोःक्‍लो॥ खे़ने़ॽ के़इङ्‌जाङ्‌ङिन् के़इःप्‍पा के़नाःप्‍पा हे़क्‍क्‍याङ् खे़ने़ॽ मिःम् के़मे़प्‍पाहाॽनु के़जोगुबा के़रे़क् माङ्‌हुप्‍हाॽ आबाङे नसाःन्‍साबा के़बोक्‍खे़आङ् के़गे़त्तुरो॥

मत्ति 28:18

हे़क्‍क्‍याङ् ये़सुन् खे़ङ्‌हाॽओ त्‍ये़आङ् मे़त्तुसि, “साङ्‌ग्राम्‍पेदाङ् नु इक्‍सादिङ् खाम्‍बेःक्‍मोबा के़रे़क् युक्‍किन् निङ्‌वाॽफुमाङ्‌ङिल्‍ले़ इङ्‌गाॽ पिराङ्‌ङाङ् वाॽरो॥

निङ्‌वाॽफु साम्‍लोसुम् 145:6

के़रे़क् मे़न्‍छाम् सुवाङ्‌हाॽरे़ मुक्‍साम्‍साबा के़याःम्‍बक्‍हाॽ मे़जे़क्‍खु मे़बाःत्तुरो, हे़क्‍क्‍याङ् आङ्‌गाॽ पयम् यम्‍बा के़याःम्‍बक्‍हाॽ यम्‍बा इक्‍लाओ पोधक् चोगुङ्‌लो॥

निङ्‌वाॽफु साम्‍लोसुम् 76:12

खुने़ॽ आङ्‌दिङ् के़लॽबा हाङ्‌युक् के़जोःक्‍पाहाॽ मे़नःम्‍सिङ्‌ल याःन्‍दुसिरो, हे़क्‍क्‍याङ् इक्‍सा खाम्‍बेःक्‍कोबा हाङ्‌हाॽरे़ खुने़ॽ मे़गिरुरो॥

साम्‌योथिम् इङ् 28:58

यहवे दाङ्‌बा खिनिॽ निङ्‌वाॽफुमाङ्‌ङिल्‍ले़ मिमिदिङ्‌गे़न् किप्‍मागे़घुबा कुमिङ्‌ङो के़ङ्‌गिसिन् हे़क्‍क्‍याङ् खिनिॽ कन् साप्‍पन्‍नो साप्‍ते़बा साम्‌योथिम् इङ्‌जाङ्‌ङोबा के़रे़क् कुबाःन्‍जाक्‍हाॽ सिङ्‌सिङ् ये़क्‌ये़क्‍काङ् के़न्‍इःत्तुम्‍मिन् के़न्‍नाःत्तुम्‍मिन्‍ने़भग्र,